Wiyaegü 16:8 - Tupanaarü Ore

⁸ Rü guxü̃guma nachauxü̃tagu ya Cori. Rü chorü tügünecüwawa nangẽxma rü ngẽmaca̱x taxuxü̃táma i ta̱xacü chixexü̃gu choxü̃ nanguxẽxẽ.

Wiyaegü 16:8 Referans Kwoze

Wiyaegü 121:5

Rü nüma ya Cori ya Tupana nixĩ i cuxna nadauxü̃ rü cuxü̃ ínapoxü̃xü̃, erü guxü̃guma cuxü̃tawa nangẽxma nax cuxü̃ nangü̃xẽẽxü̃ca̱x.

Wiyaegü 62:6

Rü nüma nixĩ i chorü poxü̃ruxü̃ i choxna nadauxü̃. Rü nüma nixĩ i chorü dauruxü̃ yixĩxü̃, rü ngẽmaca̱x tagutáma choxü̃ narüporamae i chorü uanügü.

Wiyaegü 73:23

Natürü i choma rü guxü̃guma cugu charüxĩnü. Rü chorü tügüneme̱xẽgu cuyayauxãchi.

Wiyaegü 110:5

Rü nüma ya Tupana rü curü tügünecüwawa nangẽxma nax cuxü̃ ínapoxü̃xü̃ca̱x. Rü ngẽma ngunexü̃ i nagu nanuxü̃gu rü tá nanadai i muxü̃ma i ãẽ̱xgacügü.

Wiyaegü 73:26

Rü ñoma i naanewa rü ñaa chaxune rü chauãxẽ rü naturae. Natürü i cumax, Pa Tupanax, rü cunaporaxẽxẽ i chorü maxü̃ne. Rü guxü̃gutáma chorü Tupana quixĩ.

Wiyaegü 109:31

Erü nüma ya Tupana rü tümaétüwa nachogü ya yíxema ngearü ngẽmaxü̃ã̱xgüxe. Rü naxme̱xwa tüxü̃ ínapoxü̃ i ngẽma tüxü̃ íxuaxü̃güxü̃.

Popera ga Yudíugü ga yaxõgüxü̃ca̱x ümatüxü̃ 11:27

Rü yema nax Tupanaaxü̃́ yaxõõxü̃ca̱x ínaxũxũ ga Equítuarü naanewa, rü tama naxca̱x namuü̃ nax gumá Equítuanearü ãẽ̱xgacü tá namaxã nanuxü̃. Rü taguma nüxü̃ narüxo ga Tupanawe nax naxũxü̃, yerü Tupana ya ẽxü̃gucüarü ngúchaü̃ naxü. Rü yexguma Tupana namaxã nüxü̃ ixuxgu nax naxüaxü̃ ga Üpetüchiga, rü nayanguxẽxẽ ga yema Tupana nüxü̃ ixuxü̃. Rü nüma ga Moiché rü natanüxü̃ ga Iraétanügüxü̃ namu nax wüxichigü ga ĩpatawa yamáaxü̃ca̱x ga wüxi ga carnéruxacü nax nagümaxã namaxcuãxü̃ca̱x ga napatagüarü ĩã̱xgü nax Tupanaarü orearü ngeruxü̃ i daxũcüã̱x tama nadaiaxü̃ca̱x ga gumá nüxíra bucü ga nane ga wüxichigü ga ĩpatawa.

Wiyaegü 15:5

rü tümaarü diẽru paxaãchi ngĩxü̃ ixãxẽ nax ngearü üétüãcüma tanatáeguxẽẽãxü̃ca̱x, rü tama diẽru yaxúxe ega texé naxütanügu nax napoxcuxü̃ca̱x i ngẽma taxuxü̃ma i chixexü̃ üxü̃. Rü yíxema ngẽmaãcü maxü̃́xẽ rü tagutáma ta̱xacürü chixexü̃gu tangu.

Wiyaegü 139:18

Rü ngẽxguma chi chayaxugügu i ngẽma curü ĩnügü i cha̱u̱xca̱x nagu curüxĩnüxü̃ rü naxnecüte̱xearü yexera chi nixĩ i norü mu. Rü woo ngẽxguma pa̱xmama chaba̱i̱xãchigu rü ngẽxguma rü ta chaugu curüxĩnü.

Wiyaegü 21:8

Pa Chorü Tupanax, cuchacüxümaxã tá nüxü̃ curüporamae i guxü̃ma i curü uanügü. Rü yima curü tügünechacüxümaxã tá nüxü̃ curüporamae i ngẽma cuxchi aiexü̃.

Wiyaegü 62:3

¿Rü ñuxguratáta nüxü̃ perüchau nax cha̱u̱xca̱x ípeyaxüãchixü̃ nax ngẽmaãcü ichayanguxü̃ca̱x ñoma wüxi ya ĩxtapü̱x iwa̱xgüxü̃rüxü̃, rüe̱xna ñoma wüxi ya poxeguxü̃ iwáxü̃rüxü̃?

Wiyaegü 62:7

Rü nüma ya Tupana nixĩ i chorü maxẽẽruxü̃ rü chorü taãẽxẽẽruxü̃. Rü nüma nixĩ i chorü poxü̃ruxü̃ i choxna nadauxü̃.