Wiyaegü 16:5 - Tupanaarü Ore

⁵ Pa Corix, cuma nixĩ i ñoma i õnarüxü̃ choxü̃ cuporaxẽẽxü̃. Rü ñoma chorü copa i mexü̃rüxü̃ quixĩ. Rü cuxme̱xwa nangẽxma i chorü maxü̃.

Wiyaegü 16:5 Referans Kwoze

Wiyaegü 73:26

Rü ñoma i naanewa rü ñaa chaxune rü chauãxẽ rü naturae. Natürü i cumax, Pa Tupanax, rü cunaporaxẽxẽ i chorü maxü̃ne. Rü guxü̃gutáma chorü Tupana quixĩ.

Wiyaegü 142:5

Rü cuxna nixĩ i chaca̱xaxü̃, Pa Cori Pa Tupanax, rü cuxü̃ ñachagürü: —Cuma nixĩ i chorü cu̱xchicaxü̃ quixĩxü̃. Rü cuma nixĩ i choxna cunaxãxü̃ i guxü̃ma i ta̱xacü i choxü̃́ ngẽxmaxü̃ i ñoma i naane i nawa chamaxü̃wa —ñachagürü.

Auxexü̃chiga 3:24

Rü ngẽmaca̱x chaugümaxã ñachagürü: —Nüma ya Cori ya Tupana rü chomaxã inacua̱x, rü ngẽmaca̱x nüxü̃́ chayaxõ —ñachagürü.

Wiyaegü 23:5

Rü mexü̃ i õna cha̱u̱xca̱x cumexẽxẽ nape̱xewa i chorü uanügü, rü pumaramaxã choxü̃ cubaeru. Rü ngẽma chorü taãxẽ i choxna cuxãxü̃ rü ñoma copa i ããcuxüchixü̃rüxü̃ nixĩ.

Wiyaegü 119:57

Rü cumax, Pa Corix, nixĩ i chorü Tupana quixĩxü̃. Rü choma rü marü cumaxã nüxü̃ chixu nax nagu tá chamaxü̃xü̃ i ngẽma curü ore.

Wiyaegü 89:4

—Rü tá cutaagümaxã chanaxuegu nax nümagü tá yixĩxü̃ i guxü̃gutáma cuchicüxü ãẽ̱xgacügü yixĩgüxü̃ i Iraétanüwa —ñacurügü nüxü̃.

Yeremía 10:16

Natürü nüma ya yima Acóbuarü Tupana ya naxücü i guxü̃ma i ñu̱xma ngẽxmagüxü̃ rü namaxü̃. Rü ngẽmaãcü tama namaxã nawüxigu i ngẽma naxchicüna̱xãgümare. Rü nüma ya Cori ya Tupana nixĩ i Iraétanüxü̃xü̃ naxunetaxü̃ nax norü duü̃xü̃gü yixĩgüxü̃ca̱x.

Ichaía 53:12

Rü ngẽmaca̱x i nüma ya Tupana rü tá ñoma i naanearü ãẽ̱xgacügü i iporaexüchixü̃tanüwa nanangexmaxẽxẽ, rü tá nanatachigaxẽxẽ, yerü nügü inaxã nax pecaduca̱x nayuxü̃ca̱x. Rü nüma ga duü̃xü̃gü rü ñoma wüxi ga máetaxü̃ãcü nüxü̃ narüdaunü, natürü ga nüma rü guxü̃ma ga duü̃xü̃güarü pecadu ninge nax ngẽmaãcü naétüwa nachogüxü̃ca̱x i pecaduã̱xgüxü̃.

Wiyaegü 116:13

Rü nape̱xewa tá chanange i chorü ãmare i bínuchíü rü tá nüxü̃ chicua̱xüxü̃ yerü yuwa choxü̃ ínapoxü̃.

Wiyaegü 9:4

Cuma rü ãẽ̱xgacü ya ixaixcümacü quixĩ. Rü curü tochicaxü̃wa choxü̃ cungugü rü chauétüwa cuchogü.

Ngechuchuarü ngúexü̃gü ga yamugüxü̃arü puracüchiga 5:31

Natürü Tupana rü nüxü̃ nicua̱xüxü̃, rü nügüarü tügünecüwawa nanatoxẽxẽ. Rü duü̃xü̃güarü Ãẽ̱xgacü rü Maxẽxẽxẽruxü̃ nayangucuchixẽxẽ nax Iraétanüxü̃xü̃ nangü̃xẽxẽxü̃ca̱x nax nüxü̃ naxoexü̃ca̱x i norü chixexü̃gü, rü Tupana nüxü̃́ nüxü̃ rüngü̃maxü̃ca̱x i norü pecadugü.

Wiyaegü 132:11

Yerü cumax, Pa Corix, rü chaunatü ga Dabímaxã icuxuneta namaxã i wüxi i uneta i taxucürüwama cuxüchicüüxü̃.

Wiyaegü 2:6

—Choma rü marü nüxü̃ chaxuneta ya yimá ãẽ̱xgacü ya choma chanaxwa̱xecü nax yima ma̱xpǘne ya üünene ya Chióü̃wa ãẽ̱xgacü yixĩxü̃ca̱x —ñanagürü.

1 Corintios 15:25

Erü nüma ya Cristu rü ãẽ̱xgacü tá nixĩ ñu̱xmatáta nüxü̃ naporamae i guxü̃ma i norü uanügü.

Wiyaegü 125:3

Rü ngẽma chixecümaxü̃ i ãẽ̱xgacü rü taxũtáma guxü̃gu duü̃xü̃gümaxã inacuáecha nawa i ñaa naane ya Tupana norü duü̃xü̃güxü̃ nagu namugüxü̃. Erü nüma ya Tupana rü tama nanaxwa̱xe nax norü duü̃xü̃gü nagu maxẽxü̃ i nacüma i ngẽma chixexü̃ i duü̃xü̃gü.

Wiyaegü 11:6

Rü nüma ya Cori ya Tupana rü ñoma pucürüxü̃ tá ngẽma chixexü̃ ügüxü̃étügu nanayixẽxẽ ya ã́xwe rü üxüema i achúfremaxã ãéü̃xü̃. Rü tá naxca̱x ínananguxẽxẽ ya wüxi ya buanecü nax yaxaexü̃ca̱x i guxü̃ma. Rü nüma ya Cori ya Tupana rü ngẽmaãcü tá nanapoxcue i ngẽma duü̃xü̃gü i chixexü̃ ügüxü̃.

Efesios 5:18

Rü tama name i pengãxẽ, erü ngẽma rü chixexü̃wa tüxü̃ nagagü i ngẽxguma ngẽmaãcü imaxẽgu. Natürü name nixĩ i Tupanaãẽ i Üünexü̃na pegü pexãgü nax pewa nangẽxmaxü̃ca̱x rü pemaxã inacuáxü̃ca̱x.

Ichaía 42:1

Nüma ya Cori ya Tupana rü ñanagürü: —Daa nixĩ ya yimá chorü duü̃ ya chaporaxẽẽcü rü nüxü̃ chaxunetacü rü namaxã chataãẽcü. Rü nüxna nixĩ i chanamuxü̃ i Chauãxẽ i Üünexü̃ nax ngẽmaãcü guxü̃ i nachixü̃anegümaxã mea inacuáxü̃ca̱x.

Ngechuchuarü ngúexü̃gü ga yamugüxü̃arü puracüchiga 2:32

Rü ñu̱xma ya Tupana rü marü wena nanamaxẽxẽ ga gumá Ngechuchu, rü guxãma ga toma rü nüxü̃ tadaugü nax wena namaxü̃xü̃, rü ngẽmaca̱x pemaxã nüxü̃ tixuchiga.

Yochué 22:27

Natürü tanaxü nax wüxi i cua̱xruxü̃ yixĩxü̃ca̱x i pexca̱x, rü toxca̱x, rü totaagüca̱x, rü ngẽmaãcü i ngẽma toxocügü rü nüxü̃ nacua̱xgüxü̃ca̱x nax tomagü rü ta Tupanaarü duü̃xü̃gü tixĩgüxü̃, rü namexü̃ nax nape̱xewa tananaxü̃ca̱x i torü ãmaregü i torü pecaduarü ütanüruxü̃ nax tomaxã iyanangüxmüxü̃ca̱x. Rü ngẽmaãcü i ngẽma penegü rü taxuacütáma tonegüxü̃ ñanagürügü: “Pema rü tama perü Tupana nixĩ ya Cori ya Tupana”, ñanagürügü.