Wiyaegü 16:4 - Tupanaarü Ore

⁴ Natürü ngẽma naxchicüna̱xãgüxü̃ icua̱xüü̃güxü̃ rü tá ngúxü̃ ningegü. Rü choma rü tagutáma norü tupananetagüca̱x ãmareruxü̃ i nagü chaba. Rü bai i cha̱u̱a̱xmaxã tá nüxü̃ chixu i naégagü i ngẽma tupananetagü.

Wiyaegü 16:4 Referans Kwoze

Ínachoxü̃xü̃chiga 23:13

¡Rü peyangu̱xẽxẽ i guxü̃ma i ngẽma pemaxã nüxü̃ chixuxü̃! Rü tama chanaxwa̱xe nax ñuxgu tá pea̱xwa nüxü̃ chaxĩnüxü̃ i ta̱xacürü tupananetagüéga.

Yochué 23:7

¡Rü taxũtáma namaxã pixãxma̱xgü rü pixãtegü i ngẽma togü i duü̃xü̃gü i ñu̱xma rü ta petanügu ãchiü̃güxü̃! ¡Rü taxũtáma norü tupanaxü̃ picua̱xüü̃gü, rü bai tá i naga pexĩnüe, rü bai tá i norü tupanaéga penaxuxuchi, rü bai tá i norü tupanaégagu mexü̃ pexuegu!

Wiyaegü 97:7

Rü Tupanape̱xewa narümaachitanü i guxü̃ma i ngẽma duü̃xü̃gü i tupananetachicüna̱xãgümaxã taãẽgüxü̃ rü nüxü̃ icua̱xüü̃güxü̃. Erü guxü̃ma i ngẽma tupananetachicüna̱xãgü rü Cori ya Tupanape̱xegu narümaachitanü.

Wiyaegü 32:10

Rü ngẽma chixexü̃arü üruxü̃gü rü muxü̃tama i ngúxü̃ ningegü, natürü ngẽma nüxü̃́ yaxõgüxü̃ rü Cori ya Tupana rü guxü̃gutáma nüxü̃ nangechaü̃.

Yoná 2:8

Rü ngẽma duü̃xü̃gü i naxchicüna̱xãgüxü̃ icua̱xüü̃güxü̃, rü tama cumaxã nixaixcümagü. Natürü i chomax rü tá moxẽ cuxna chaxã rü tá cuxca̱x chayagu i ãmaregü. Rü tá chayanguxẽxẽ ga yema cumaxã ichaxunetaxü̃. Rü cuxicatama nixĩ, Pa Corix, Pa Tupanax, i nüxü̃ cucuáxü̃ nax choxü̃ cumaxẽẽxü̃ —ñanagürü.

Ichaía 57:6

Rü pemax Pa Iraétanüxü̃x, rü ngẽma ngatewa ngẽxmagücü ya nutagü ya ingoracüxü̃ picua̱xüü̃gü. Rü naxca̱x ngéma penana i perü ãmaregü i bínu rü trigute̱xe. Rü ñu̱xma nawena i guxü̃ma i ngẽma, ¿rü pexca̱x rü tá namaxã chataãẽxü̃ i ngẽma pexüxü̃?

Yeremía 7:18

Rü ngẽma nanegü rü üxümena̱xãgü nanutaque̱xegü, rü nanatügü rü üxü ninaixẽẽgü, rü ngẽma ngexü̃gü rü arína niñumücharagü nax ngẽmaãcü paũ i maixcuraxü̃ naxügüxü̃ca̱x ngĩxca̱x i ngẽma tupananeta i “Dauxü̃guxü̃ i Naanearü Ãẽ̱xgacümaxã”, inaxugücü. Rü choxü̃ nachixeãẽgü erü tupananetagüna nanaxãgü ya bínu.

Ichaía 66:3

Natürü ngẽma duü̃xü̃gü i chixexü̃gu maxẽxü̃ rü nanaxügü i ngẽma nümatama nagu naxĩnüexü̃. Rü ngẽxguma cha̱u̱xca̱x yama̱xgüãgu i wüxi i woca i yatüxü̃ rü cha̱u̱xca̱x rü ñoma wüxi ya duü̃xẽ tüxü̃ yama̱xgüxü̃rüxü̃ nixĩgü. Rü ngẽxguma cha̱u̱xca̱x yama̱xgüãgu i wüxi i carnéru rü cha̱u̱xca̱x rü ñoma wüxi ya airu cha̱u̱xca̱x yama̱xgüãxü̃rüxü̃ nixĩgü. Rü ngẽxguma choxna naxãgüãgu i norü ãmare i trigu rü cha̱u̱xca̱x ñoma cuchiarü nagü choxna naxãgüxü̃rüxü̃ nixĩgü. Rü ngẽxguma pumarate̱xe cha̱u̱xca̱x yagugügu rü cha̱u̱xca̱x ñoma wüxi i naxchicüna̱xãca̱x yagugüãxü̃rüxü̃ nixĩgü. Rü ngẽma duü̃xü̃gü i ngẽma ügüxü̃ rü taãẽãcü nanaxü i guxü̃ma i ngẽma chixexü̃.

Ichaía 65:11

Natürü i pema rü choxna pixĩgachitanü, rü nüxü̃ perüngümae ya yima chopata ya ma̱xpǘne ya üünexü̃wa ngẽxmane. Rü ñu̱xũchi ngẽma tupananetagü i Gáx i mexü̃ ueguxü̃, rü Mení i chixexü̃ ueguxü̃, rü pema rü õna rü bínu nüxna pexãgü.

Lebítanüxü̃arü puracüchiga 23:13

Rü ñu̱xũchi tá naétü ngéma penange i 4 quíruarü ngãxü̃ i trigute̱xe i rümemaexü̃ i meama chíxü̃maxã iñumüxü̃ nax Cori ya Tupanaca̱x peyaguxü̃ca̱x nax naemamaxã nataãẽxü̃ca̱x. Rü ngẽxgumarüxü̃ ta ngéma tá penange ya wüxi ya litru ya bínu ya norü ãmareruxü̃ nax yimámaxã penabaanexü̃ca̱x.