Wiyaegü 16:2 - Tupanaarü Ore

² Choma rü marü cumaxã nüxü̃ chixu rü ñachagürü: —Cuma nixĩ i chorü Cori quixĩxü̃, rü nataxuma i to i curüxü̃ aixcüma choxü̃ rüngü̃xẽẽxü̃ —ñachagürü.

Wiyaegü 16:2 Referans Kwoze

Wiyaegü 73:25

¿Rü texé tixĩ ya chomücü i daxũguxü̃ i naanewa? Rü cuma nixĩ, Pa Tupanax. Rü cuxicatama nixĩ i chacuxwa̱xexü̃ i ñoma i naanewa rü nataxuma i to.

Wiyaegü 91:2

Rü choma rü ñachagürü cuxü̃: —Pa Corix, cuxicatama nixĩ i chorü cu̱xchicaxü̃ quixĩxü̃, rü chorü poxü̃ruxü̃ quixĩxü̃ rü chorü Tupana ya cuxü̃́ chayaxõcü quixĩxü̃ —ñachagürü cuxü̃.

Wiyaegü 89:26

Rü nüma rü tá ñanagürü choxü̃: “Cuma nixĩ i chaunatü quixĩxü̃ rü chorü Tupana ya choxü̃ ípoxü̃cü rü choxna daucü quixĩxü̃”, ñanagürü tá.

Wiyaegü 31:14

Natürü i chomax, Pa Corix, Pa Tupanax, rü cuxü̃́ chayaxõ rü ñachagürü: —Cuma nixĩ i chorü Tupana quixĩxü̃ —ñachagürü.

Ore i mexü̃ ga Cuáü̃ ümatüxü̃ 20:28

Rü yexguma ga Tumáchi rü Ngechuchuxü̃ nangãxü̃, rü ñanagürü: —Pa Chorü Corix, cuma nixĩ i chorü Tupana quixĩxü̃ —ñanagürü.

Wiyaegü 27:8

Rü chauãẽwa rü chaugümaxã ñachagürü: —Cori ya Tupanaca̱x tá chadau —ñachagürü. Rü ngẽmaca̱x i chomax, Pa Corix, rü cuxca̱x chadau.

Ichaía 26:13

Pa Cori ya Torü Tupanax, togü ga nachixü̃anegüarü ãẽ̱xgacügü rü tomaxã inacua̱xgü, natürü i ñu̱xma rü cuxü̃xicatama nixĩ i tacuáxü̃ nax torü ãẽ̱xgacü quixĩxü̃.

Romanos 11:35

¿Rü texé ta̱xacü tüxíra tórü Corina taxã, nax yixcaama nüxĩ́ ta̱xacü tüxna naxãxü̃ca̱x?

Chacaría 13:9

Rü ngẽma duü̃xü̃gü i íyaxügüxü̃ rü tá nüxü̃ chaxü, ñoma diẽrumü i üxüwa idexexü̃ nax ínayixü̃ca̱x i norü ãũãchixü̃rüxü̃. Rü ñoma úiru i üxüwa idexexü̃ nax ínayixü̃ca̱x i norü ãũãchixü̃rüxü̃ tá nüxü̃ chaxü i ngẽma duü̃xü̃gü. Rü ngẽxguma i nümagü rü tá choxna nacagüe rü choma rü tá chanangãxü̃. Rü ñachagürü tá: “Nümagü rü chorü duü̃xü̃gü nixĩgü”, ñachagürü. Rü nümagü rü ñanagürügü tá: “Nüma ya Cori rü tórü Tupana nixĩ”, ñanagürügü tá. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Wiyaegü 8:1

Pa Cori Pa Tupana ya Guxü̃étüwa Ngẽxmacüx, rü cuéga rü namexẽchi rü guxü̃ma i ñoma i naanewa nüxü̃ nacua̱xgü. Rü ngẽma curü üüne rü daxũguxü̃ i naanearü yexerawa nangu.

Ore i mexü̃ ga Luca ümatüxü̃ 17:10

Rü ngẽxgumarüxü̃ ta i pemax, rü ngẽxguma peyanguxẽẽgu i guxü̃ma i ngẽma Tupana pexü̃ muxü̃, rü tá ñaperügügü: “Puracütanüxü̃mare i taxuwama imexü̃ tixĩgü, erü ngẽma tüxü̃ namuxü̃ tinguxẽẽgümare”, ñaperügügü —ñanagürü ga Ngechuchu.

Ichaía 44:5

Rü wüxi rü tá ñanagürü: “Choma rü Tupanaarü duü̃ chixĩ”, ñanagürü tá. Rü to rü tá Acóbutaagu naxãéga. Rü to rü tá nügüme̱xẽgu nanaxümatü i ñaxü̃: “Choma rü Iraétanüxü̃arü Tupanaarü chixĩ”, ñaxü̃.