Wiyaegü 16:1 - Tupanaarü Ore

¹ ¡Choxna nadau, Pa Tupanax! Erü cuxü̃́ nixĩ i chayaxõxü̃ nax choxü̃ ícupoxü̃xü̃ca̱x.

Wiyaegü 16:1 Referans Kwoze

Wiyaegü 56:1

Pa Chorü Tupanax ¡cuxü̃́ changechaü̃tümüxü̃! Erü guxü̃guma nangẽxma i uanügü i chowe ingẽxü̃tanüxü̃ rü cha̱u̱xca̱x íyaxüãchixü̃ rü choxü̃ naxĩ̱xãchiãẽgüxẽẽxü̃.

Wiyaegü 17:8

¡Rü choxna nadau ñoma cugüpü̱xüxetüna cudauxü̃rüxü̃! ¡Rü choxü̃ ídüxü namaxã ya cuxpe̱xatügü!

Wiyaegü 116:6

Rü nüma ya Cori ya Tupana rü tüxna nadau ya yíxema taxuxü̃ma ixĩgüxe. Rü yexguma chaturagu ga nax chayuxchaü̃xü̃ rü choxü̃ ínarüdaxẽẽama.

Wiyaegü 84:12

Pa Cori Pa Tupana ya Guxãétüwa Ngẽxmacüx, rü tataãxẽgü ya yíxema aixcüma cugu yaxõgüxe.

Wiyaegü 31:23

Pa Guxãma i Pema i Cori ya Tupanaaxü̃́ Yaxõgüxex ¡rü nüxü̃ pengechaxü̃güx! Erü nüma ya Cori rü tüxna nadau ya yíxema naga ĩnüexe. Natürü ngẽma tama naga ĩnüexü̃ rü tá napoxcue namaxã i ngẽma poxcu i nüxna üxü̃.

Norü taxre ga popera ga Timutéuca̱x naxümatüxü̃ ga Pauru 1:12

Rü ngẽmaca̱x nixĩ i ngúxü̃ chingexü̃ rü chapoxcuxü̃ i ñu̱xmax. Natürü tama naxca̱x chaxãne i ngẽma, erü choma nüxü̃ chacua̱x nax texéaxü̃́ chayaxõxü̃. Rü nüxü̃ chacua̱x nax naporaxü̃ i nüma nax nüxna nadauxü̃ca̱x i ngẽma puracü i choxna naxãxü̃ ñu̱xmatáta ngẽma ngunexü̃ i nagu wena núma naxũxü̃.

Ucu̱xẽgüchiga 2:8

Rü tüxna nadau ya yíxema mexü̃ i nacümagu ĩxẽ, rü tüxü̃ ínapoxü̃ ya yíxema aixcüma naga ĩnüexe.

Wiyaegü 146:5

Rü tataãxẽ ya yíxema Acóbuarü Tupanaxü̃tawa nayaxúxe i tümaarü ngü̃xẽxẽ rü nüxü̃́ yaxṍxe ya Cori ya Tupana.

Wiyaegü 9:10

Pa Corix, yíxema cuxü̃ cua̱xgüxe rü cuxü̃́ tayaxõgü. Rü taguma tüxü̃ icuyarüngüma ya yíxema cuxca̱x daugüxe.

Wiyaegü 7:1

Pa Cori Pa Chorü Tupanax, cuxme̱xwa chaugü changexmaxẽxẽ, nax ngẽmaãcü choxü̃ ícupoxü̃xü̃ca̱x nüxna i guxü̃ma i ngẽma chowe ingẽxü̃tanüxü̃.

Wiyaegü 125:1

Ngẽma Cori ya Tupanaaxü̃́ yaxõgüxü̃ rü yima ma̱xpǘne ya Chióü̃ ya taxúema ixũgachixẽẽnerüxü̃ nixĩgü. Rü guxü̃guma nangẽxmagüecha.

Wiyaegü 97:10

Rü nüma ya Cori ya Tupana rü tüxü̃ nangechaü̃ ya yíxema nüxü̃ oxe i ngẽma chixexü̃. Rü tüxna nadau ya yíxema aixcüma naga ĩnüexe rü tüxü̃ ínapoxü̃ naxme̱xwa i ngẽma chixexü̃gu maxẽxü̃ i duü̃xü̃gü.

Wiyaegü 60:1

Pa Tupanax, cuma rü curü numaxã toxna quixũgachi rü toxü̃ cuwoone. Rü tanaxwa̱xe i wenaxarü toxca̱x cutaegu nax noxrirüxü̃ taporaexü̃ca̱x.

Wiyaegü 37:28

Erü nüma ya Cori ya Tupana rü nüxü̃ nangechaü̃ i ngẽma maxü̃ i we̱xguxü̃, rü taguma tüxü̃ ínawogü ya yíxema aixcüma nawe rüxĩxe. Rü guxü̃gutáma tüxna nadau. Natürü ngẽma chixexü̃gu maxẽxü̃, rü Tupana tá inayanaxoxẽxẽ i nanegü rü nataagü.

Wiyaegü 25:20

¡Rü choxna nadau rü choxü̃ ínapoxü̃ nax tama choxü̃ yama̱xgüxü̃ca̱x! ¡Rü taxṹ i cunaxüchicaxü̃ i chorü uanügü nax ãne choxü̃ yangexẽxẽgüxü̃ca̱x! Erü cuma nixĩ i chorü poxü̃ruxü̃ quixĩxü̃, rü cuxü̃tagu nixĩ i nüxü̃ ichayangauxü̃ i ngü̃xẽxẽ.

Wiyaegü 17:5

Rü aixcüma mea nagu chixũ i ngẽma cuma cunaxwa̱xexü̃ rü taguma nüxna chixũgachi.

2 Corintios 1:9

Rü marü nagu tarüxĩnüe rü ñoma yu tomaxã naxuegugüxü̃rüxü̃ tixĩgü. Natürü yemaacü toxü̃ naxüpetü, nax toxü̃ nangúexẽẽxü̃ca̱x nax tama namexü̃ nax togünatama tarüyoü̃güxü̃ rü namexü̃ nax nüxü̃́ tayaxõxü̃ ya Tupana ya ínadagüxẽẽcü i yuexü̃.

Wiyaegü 22:8

Rü ñanagürügü: —Ñaa nixĩ i ngẽma yatü i Cori ya Tupanaaxü̃́ yaxõxü̃. ¡Rü ẽcü ínanguxuchixẽẽã rü namaxẽẽã ega aixcüma nüxü̃ nangechaü̃gu! —ñanagürügü.

Wiyaegü 7:2

Rü ngẽxguma tama choxü̃ ícupoxü̃gu rü chorü uanügü rü ñoma leóü̃gü i chaugu wagüexü̃rüxü̃ tá nixĩgü. Rü tataxuma ya texé ya nüxna choxü̃ ípoxü̃xẽ.