Wiyaegü 15:3 - Tupanaarü Ore

³ rü tama texéchiga chixri idexaxe, rü taxuxü̃ma chixexü̃ tümamücümaxã ǘxe, rü tama chixexü̃ i oremaxã tümamücüxü̃ nga̱xe,

Wiyaegü 15:3 Referans Kwoze

Romanos 13:10

Rü yíxema tümamücüxü̃ ngechaü̃xe, rü taxuxü̃ma i chixexü̃ namaxã taxü. Rü ngẽxguma tamücüxü̃ ingechaü̃gu, rü aixcüma tayanguxẽxẽ i Tupanaarü mugü.

Popera ga Chantiágu ümatüxü̃ 4:11

Pa Chauenexẽgüx, ¡Taxṹ i chixexü̃maxã pegü pixugüxü̃! Erü yíxema chixexü̃maxã tümaenexẽchigagu idexáxe rüe̱xna chixexü̃maxã nüxü̃ dawenüxẽ, rü chixexü̃ nüxü̃ tawogü ta i Tupanaarü mugü. Rü ngẽxguma chixexü̃gu Tupanaarü mugümaxã curüxĩnügu, rü Tupanaarü mugüarü yexera cugü quixĩxẽẽchaü̃, rü tama aixcüma naga cuxĩnü.

Ore i mexü̃ ga Matéu ümatüxü̃ 7:12

Rü pemaxã nüxü̃ chixu, rü ngẽma mexü̃ i pema penaxwa̱xexü̃ nax togü pemaxã naxüxü̃, rü name i ngẽmatama mexü̃ togümaxã pexü. Erü ngẽma nixĩ i Tupanaarü mugüwa ngóxü̃ rü norü orearü uruü̃gü nüxü̃ ixugüxü̃.

Lebítanüxü̃arü puracüchiga 19:16

¡Rü taxũtáma oregümaxã curü ĩanegü cunaxũane! Rü taxũtáma cumücüchiga doraxü̃ quixu nax ngẽmaãcü ãũcümaxü̃wa cunangexmaxẽẽxü̃ca̱x. Rü choma nixĩ ya Cori ya Tupana.

Norü tomaepü̱x ga popera ga Cuáü̃ ümatüxü̃ 1:11

Pa Chauenexẽ i Cuxü̃ Changechaü̃xex, ¡Taxṹ i nüxü̃ cuyadauxü̃xü̃ i ngẽma chixexü̃ ügüxü̃! Natürü name nixĩ i nüxü̃ cuyadauxü̃ i ngẽma mexü̃ ügüxü̃. Erü yíxema mexü̃ ǘxe rü Tupanaxacü tixĩ. Natürü yíxema chixexü̃ ǘxe rü tama Tupanaxü̃ tacua̱x.

Romanos 1:30

Rü chixexü̃maxã toguã̱xü̃ nixugüe, rü Tupanachi naxaie, rü toguã̱xmaxã naguxchigagü. Rü nügügu naxĩnüegu rü togüarü yexera nixĩgü, rü nügü nicua̱xüü̃gü. Rü naxca̱x nadaugü nax yexera chixexü̃ naxügüxü̃. Rü tama nanatüga rü naéga naxĩnüechaü̃.

Ichaía 56:2

Rü tataãxẽ ya yíxema naga ĩnüxe rü aixcüma yanguxẽẽ́xẽ i chorü mugü. Rü tataãxẽ ya yíxema rüngü̃xe i ngü̃xchigaarü ngunexü̃gu rü tügüna dauxe nax tama ta̱xacürü chixexü̃ taxüxü̃ca̱x —ñanagürü ya Tupana.

Ucu̱xẽgüchiga 25:3

Taxucürüwa tanangugü i ngẽma dauxü̃wa ngẽxmaxü̃ i ngo̱xmaanexü̃. Rü taxucürüwa tanangugü i ngẽma ñoma i naanearü aixepewa ngẽxmaxü̃. Rü ngẽxgumarüxü̃ ta taxucürüwa nüxü̃ tacua̱x i ngẽma norü ĩnü i ngẽma nachixü̃anegüarü ãẽ̱xgacügü.

Ucu̱xẽgüchiga 22:10

Ngẽxguma noxtacüma ícunamuxũchigu i ngẽma duü̃xü̃ i tama ixĩnüchaü̃xü̃, rü marü nataxutama i nu i duü̃xü̃gütanüwa, rü tá inayarüxo nax nügü nangaexü̃ rü nügümaxã naguxchigagüxü̃.

Popera ga Títoca̱x naxümatüxü̃ ga Pauru 3:2

Rü tama name i texéchiga chixri nidexagü rü texémaxã nanue. Natürü name nixĩ i guxü̃ i duü̃xü̃gümaxã namecümagü, rü guxü̃ i duü̃xü̃güxü̃ nangechaü̃gü. Rü tama name i nügü nicua̱xüü̃gü.

Romanos 12:17

Rü ngẽxguma texé chixexü̃ pexca̱x ínguxẽẽgu, ¡rü taxṹ i chixexü̃maxã pexütanüxü̃! Natürü name nixĩ i pegü peporaexẽxẽ nax mexü̃ pexügüxü̃ca̱x nape̱xewa i guxü̃ma i duü̃xü̃gü.

1 Chamué 24:11

¡Rü dücax, mea nuxã nadawenü, Pa Ãẽ̱xgacüx, i ñaa cho̱xme̱xwa ngẽxmaxü̃! ¿Tama ẽ̱xna curü gáuxü̃chirutüchi yixĩxü̃ i ñaa? Rü ngẽmawa nüxü̃ cucua̱x nax marü chi cuxü̃ nax chimáxü̃. Rü ngẽmawa nüxü̃ cucua̱x, Pa Ãẽ̱xgacüx, nax taxuxü̃ma i chixexü̃ cumaxã chaxüxchaü̃xü̃, rü tama chanaxwa̱xexü̃ nax chacuechitaexü̃ rü bai i ñuxgu ta̱xacürü chixexü̃ cumaxã chaxüxü̃. Natürü i cumax, Pa Ãẽ̱xgacüx, rü chowe quingechigü nax choxü̃ quimáxü̃ca̱x.