Wiyaegü 149:3 - Tupanaarü Ore

³ Rü pemax, Pa Iraétanüxü̃x ¡rü Tupanaégagu ípiyüxe rü ngẽmaãcü nüxü̃ picua̱xüxü̃gü! ¡Rü perü árpagümaxã rü perü paü̃derugümaxã pepaxetagüãcüma naxca̱x pewiyaegü!

Wiyaegü 149:3 Referans Kwoze

Yeremía 31:13

Rü ngẽma pacügü rü tá taãẽãcüma íiyayüxe, rü ngẽxgumarüxü̃ ta i ngẽma ngextü̱xücügü rü yaxguã̱xgü. Rü choma rü tá chanataãẽxẽxẽ. Rü ngẽma norü ngechaü̃ rü tá taãẽxü̃ chananguxuchixẽxẽ. Rü tá nüxna chanaxã i wüxi i taãxẽ i ngẽma nüxü̃́ ngúxü̃arü yexera ixĩxü̃.

Wiyaegü 81:2

¡Rü paü̃derumaxã rü árpamaxã rü árpaxacümaxã pegü pepaxpe̱xegüãcüma pewiyaegü!

Ínachoxü̃xü̃chiga 15:20

Rü yexguma ngĩma ga María ga Aróü̃eya̱x ga Tupana ngĩmaxã idexacü rü inayaxu ga wüxi ga panderu rü ipaxeta rü iwiyae. Rü yexgumarüxü̃ ta ga yema naigü ga ngecügü rü inapaxgü ga panderugü rü íyaxü̃ãchitanüxü̃.

Wiyaegü 30:11

Rü ñu̱xma nax cha̱u̱xca̱x cuyataanexẽẽxü̃ rü ngẽma chorü ngechaü̃ rü taãẽxü̃ choxü̃́ cuyanguxuchixẽxẽ. Rü choxna cuyaxũgachixẽxẽ i ngẽma chorü ngechaü̃ rü taãxẽ choxna cuxã.

2 Chamué 6:16

Rü yexguma Dabíarü Ĩanewa nanguxgu ga baú ga Cori ya Tupanaarü mugü nawa yexmaxü̃, rü Micá ga Chaú naxacü rü beü̃tánawa íidauxuchi. Rü nüxü̃ nax nadauxü̃ ga ãẽ̱xgacü ga Dabí ga íiyuxãchiü̃xü̃ rü íyañaãchiü̃xü̃ nape̱xewa ga Cori ya Tupana, rü ngĩma rü poraãcü naxcha̱xwa ixãne.

2 Chamué 6:14

Dabí rü wüxi ga naxchiru ga línunaxca̱xmaxã naxãxchiru. Rü nüma rü guxü̃ma ga Iraétanüxü̃maxã norü taãẽmaxã íniyüxü nape̱xewa ga yema yangegüxü̃ ga yema baú ga Cori ya Tupanaarü mugü nawa yexmaxü̃. Rü norü taãẽmaxã nicaetanü rü cornétagu nicuegü.

Ãẽ̱xgacügü ga guxchaxü̃güarü mexẽxẽruü̃gü 11:34

Rü yexguma ga Yeté rü napata ga Mispáwa yexmaneca̱x nataegu. Rü yexguma napatawa nanguxgu rü naxacü ga ngĩgümaxã wüxica̱xcü nüxü̃ iyatüxãchi. Rü ngĩrü taãẽmaxã paü̃déru napaxãcü nape̱xewa ne iyayüxãchichigü. Rü yexicatama nixĩ ga naxacü, rü nataxuma ga to ga naxacügü.

Wiyaegü 33:2

¡Rü moxẽ nüxna pexãgü ya Cori ya Tupana! ¡Rü árpaxacümaxã rü árpa i 10 cunaxü̃maxã naxca̱x pewiyaegü rü nüxü̃ picua̱xüü̃gü!

Édra 3:10

Rü yexguma yema Tupanapata ga taxü̃nearü mexẽẽruü̃gü nanucugu ga nüxíraü̃cü ga nutagü ga naxtapü̱xparagü nawa rütogüne, rü nüma ga chacherdótegü rü mea nügü nangaxãẽãcüma yexma nachigü rü nayacue ga norü cornétagü. Rü yema Lebítanüxü̃ ga Achátaagü rü yéma nanana ga norü paxetaruü̃gü ga namaxã Tupanaxü̃ yacua̱xüü̃güxü̃, yema ãẽ̱xgacü ga Dabí unagüxü̃rüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:42

Rü nüma ga Emáü̃ rü Yedutúü̃ rü nüxü̃́ nayexma ga norü cornétagü rü platíyugü rü toamachigü ga norü paxetaruü̃gü nax yemamaxã napaxetagüxü̃ca̱x ga yexguma Tupanaca̱x nawiyaegügu. Rü yema ĩã̱xarü dauruü̃gü nixĩ ga Yedutúü̃ nanegü.

Norü taxre ga to ga popera ga ãẽ̱xgacügüchiga ümatüxü̃ 29:25

Rü nüma ga Echequía rü guma Tupanapata ga taxü̃negu nanamugü ga Lebítanüxü̃ ga platíyugümaxã rü árpagümaxã rü árpaxacügümaxã paxetagüxü̃. Rü yemaacü nixĩ ga Dabímaxã rü Tupanaarü orearü uruü̃gü ga Gáxmaxã rü Natáü̃maxã nüxü̃ yaxuxü̃ ga Cori ya Tupana.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 25:6

Rü nanatü ga Emáü̃ nixĩ ga namaxã icuáxü̃ ga yema nanegü ga yexguma platíyugümaxã rü árpaxacügümaxã rü árpagü ga taxü̃maxã napaxetagüãcüma Tupanapata ga taxü̃newa nawiyaegügu. Rü nüma ga Achá rü Yedutúü̃ rü Emáü̃ rü ãẽ̱xgacü ga Dabíarü muwa nayexmagü.

Norü taxre ga to ga popera ga ãẽ̱xgacügüchiga ümatüxü̃ 20:28

Rü yexguma Yerucharéü̃wa nangugügu rü Tupanapata ga taxü̃newa naxĩ, rü árpagü rü árpaxacügü rü cornétagümaxã nipaxetatanü.

Wiyaegü 81:3

Rü ngẽxguma ngexwaca nango̱xgux ya tauemacü ¡rü peyacue ya cornéta! Rü ngẽxgumarüxü̃ ta i ngẽxguma tüema yixĩxgu ¡rü peyacue! Rü ngẽma nixĩ i ngunexü̃ i nagu naxüchigaxü̃ nax Tupanaxü̃ icua̱xüü̃güxü̃.

Wiyaegü 87:7

Rü ngẽma Yerucharéü̃wa wiyaegüxü̃ rü ngẽma paxetagüxü̃ rü ñanagürügü tá: —Chopata rü guxü̃ma i chorü taãxẽ rü cuwa nangẽxma, Pa Yerucharéü̃x —ñanagürügü tá.

Yeremía 31:4

Pa Iraétanüxü̃x, choma rü tá wena íchanadaxẽxẽ i pechixü̃ane, rü tá pexü̃ charüngü̃xẽẽxü̃ nax wena naxügüxü̃ca̱x i perü ĩanegü. Rü pema rü paü̃derumaxã tá taãẽxãcü ípixüãchitanüxü̃.