Wiyaegü 148:8 - Tupanaarü Ore

⁸ Rü name nixĩ i nüxü̃ picua̱xüü̃gü, Pa Ãẽmacü, rü Gáuxü̃ i Ãpü̱xüxü̃, rü Gáuxü̃ i Ãte̱xexü̃, rü Cherena, rü Tacü ya Buanecü ya Tupanaarü Ngúchaü̃ Ücüx.

Wiyaegü 148:8 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 16:21

Rü daxũwa narüyi ga gáuxü̃ ga itapütaxü̃, rü duü̃xü̃güétügu nayi. Rü wüxipütachigü ga yema gáuxü̃, rü 40 ga quírugu nixĩ ga nayaxü̃. Rü ga duü̃xü̃gü rü Tupanamaxã naguxchigagü nagagu ga yema poxcuruxü̃ ga gáuxü̃, yerü poraãcü nüxü̃́ nangu̱x ga yema poxcu ga Tupana namaxã napoxcuexü̃.

Yoná 1:4

Natürü nüma ga Cori ya Tupana rü wüxi ga buanecü ga tacü inanaxǘxẽxẽ ga yexguma már arü ngãxü̃tüwa nanguxgu. Rü guma wapuru rü ñoma yapuxchaü̃xü̃rüxü̃ nixĩ, yerü nataxüchi ga yuape.

Amúx 7:4

Rü ñaa nixĩ ga yema Cori ya Tupana choxü̃ wéxü̃. Rü nüxü̃ chadau nax ñoma ga naanewa namuaxü̃ ga wüxi ga üxüema ga ãũcümaxü̃ nax yemamaxã napoxcueãxü̃ca̱x ga duü̃xü̃gü. Rü yema üxüema rü nayachexẽxẽ ga yema már, rü ñu̱xũchi duü̃xü̃güarü naanegü ínagu.

Amúx 4:13

Rü choma rü Cori ya Tupana ya Guxãétüwa Ngẽxmacü nixĩ i chauéga. Rü choma nixĩ i ma̱xpǘnegü rü buanecü chango̱xẽẽxü̃. Rü choma nixĩ i yatüxü̃ nüxü̃ chacua̱xẽẽxü̃ i ngẽma nagu charüxĩnüxü̃. Rü choma nixĩ i waanexü̃xü̃ chayanguxuchixẽẽxü̃ i ngóonexü̃. Rü choma nixĩ i ñoma i naanearü máxpü̱xanexü̃gu chixũgüxü̃. Rü Cori ya Tupana ya Guxãétüwa Ngẽxmacü nixĩ i chauéga.

Joel 2:30

Rü daxũwa rü tá chanango̱xẽxẽ i ta̱xacü i taguma texé nüxü̃ dauxü̃. Rü ñoma i naanewa rü tá poraãcü nagü inaba. Rü tá nixa ya ĩanegü. Rü ngéma rü tá taxü̃ i caxixü̃ naxĩnagüema.

Ichaía 66:16

Erü Tupana rü üxümaxã rü taramaxã tá nanapoxcue i guxü̃ma i ñoma i naanewa maxẽxü̃ i duü̃xü̃gü. Rü tá namuxũchi i ngẽma poxcugu yuexü̃.

Wiyaegü 103:20

Pa Daxũcüã̱x i orearü Ngeruxü̃ i Poraexü̃ i Yanguxẽxẽgüxe i Ngẽma Tupana Pexü̃ Muxü̃ ¡rü mexü̃ Corimaxã pexuegugü!

Wiyaegü 18:12

Rü nawa ínaxũxũ ga ba̱i̱xbeanexü̃ rü nanangóonexẽxẽ. Rü yema caixanexü̃wa narüyi ga gáuxü̃ rü ã́xwe ga inaicü.

Yochué 10:11

Rü yexguma Iraétanüxü̃cha̱xwa nabuxmügu ga yema Amoréutanüxü̃ nagu ga yema Bex-oróü̃arü tuãchixü̃, rü nüma ga Cori ya Tupana rü gáuxü̃ ga itapütaxü̃ naétügu nayixẽxẽ. Rü Iraétanüxü̃ daixü̃arü yexera yema gáuxü̃maxã nayue ga Amoréutanüxü̃.

Iraétanüxü̃arü muxchiga 16:35

Rü ñu̱xũchi nüma ga Cori ya Tupana rü üxüema yéma namu, rü ínanagu ga yema 250 ga yatügü ga norü pumarate̱xe Cori ya Tupanaca̱x yéma igugüxü̃.

Lebítanüxü̃arü puracüchiga 10:2

Rü yemaca̱x Tupanawa ínaxũxũ ga üxüema ga ínaguxü̃. Rü yemaacü Tupanape̱xegu nayue.

Ínachoxü̃xü̃chiga 14:21

Rü yexguma ga Moiché rü márétügu nawe̱xchacüxü. Rü nüma ga Cori ya Tupana rü yema chütaxü̃gu rü inanaxǘxẽxẽ ga wüxi ga poracü ga buanecü ga éstewaama ne ũcü ñu̱xmata yangunexü̃mare. Rü yemaacü ga yema már rü taxregu niyauxyexü̃chiü. Rü yemaacü nixĩ ga Cori ya Tupana ga yapayechitamaxẽẽãxü̃ ga már.

Ínachoxü̃xü̃chiga 10:19

Rü yexguma ga Cori ya Tupana rü poracü ga buanecü ga oéstewaama ne ũcü ínanangu̱xẽxẽ nax guxü̃ma ga munügü naemagu ibugüxü̃ca̱x. Rü Már i Dauchíüxü̃wa nayawogü. Rü yemaacü taxuxü̃ma ga munü Equítuanewa nayaxǘ, rü bai ga wüxi.

Ínachoxü̃xü̃chiga 10:13

Rü yexguma ga Moiché rü Equítuaneétügu nanawe̱x ga norü naixmena̱xã. Rü nüma ga Cori ya Tupana rü nanamu ga wüxi ga buanecü ga éstewaama ne ũcü ga guxü̃ ga chütaxü̃ rü ngunexü̃ yema nachixü̃aneétügu icuecü. Rü moxü̃ãcü rü gumá buanecü ga éstewaama ne ũemacügu ínangugü ga munügü.

Yox 37:12

Rü ngẽma ba̱i̱xbeanexü̃ rü guxü̃wama nangu i ñoma i naanewa nax ngẽmaãcü yanguxẽẽãxü̃ca̱x i Tupanaarü mugü.

Yoná 1:5

Rü yema norü duü̃xü̃gü ga guma wapuru rü poraãcü namuü̃e, rü yemaca̱x wüxichigü norü tupanaarü ngü̃xẽẽca̱x ínaca. Rü yema nax iyangüãchixü̃ca̱x ga guma wapuru rü ínanawoxü̃ ga guxü̃ma ga yema naãcu. Natürü nüma ga Yoná rü guma wapuruarü aixepegu naxücu rü yéma nayape.