Wiyaegü 148:11 - Tupanaarü Ore

¹¹ ¡Rü guxü̃ma i ãẽ̱xgacügü i wüxichigü i nachixü̃anemaxã icuáxü̃, rü guxü̃ma i norü ngü̃xẽẽruü̃gü i ãẽ̱xgacügü, rü guxü̃ma i norü duü̃xü̃gümaxã rü Tupanaxü̃ picua̱xüxü̃gü!

Wiyaegü 148:11 Referans Kwoze

Wiyaegü 102:15

Rü ngẽxguma nüma ya Cori norü üünemaxã taxca̱x nango̱xgux rü tüxü̃ nangü̃xẽẽgux nax wena tanamexẽẽxü̃ca̱x ya yima norü ĩane ya Chióü̃ rü guxü̃ma i nachixü̃anecüã̱xgü rü norü ãẽ̱xgacügü rü tá nüxü̃ nicua̱xüü̃gü.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:24

Rü yima ĩanearü ngóonexü̃gu tá naxĩ i ngẽma nachixü̃anecüã̱x i yaxõgüxü̃. Rü ngéma tá nangugü i ngẽma nachixü̃anegüarü ãẽ̱xgacügü rü Tupanana tá nanana i norü ngẽmaxü̃gü.

Ichaía 60:3

Rü guxü̃ma i nachixü̃anegü rü tá naxca̱x naxĩ i ngẽma ngóonexü̃ i pewa ngẽxmaxü̃. Rü ngẽma nachixü̃anegüarü ãẽ̱xgacügü rü pexü̃tawa tá naxĩ nax pexü̃ íyadaugüxü̃ca̱x nax wena nachixü̃ane i poraxü̃ pixĩgüxü̃.

Ichaía 49:23

Rü ngẽma togü i nachixü̃anegüarü ãẽ̱xgacügü rü tá penatürücügü nixĩgü, rü ngẽma naxma̱xgü rü tá peerücügü nixĩgü. Rü pepe̱xegu tá nacaxã́pü̱xügü rü tá nanade̱xexgü i perü mairaxü̃chipatügü. Rü tá nüxü̃ picua̱xãchitanü nax chaxicatama Tupana chixĩxü̃ rü ngẽma choxü̃́ yaxõgüxü̃ rü tagutáma naxãneexü̃ —ñanagürü.

Wiyaegü 86:9

Pa Corix, cuma nixĩ ga cunangóexẽẽxü̃ i guxü̃ma i nachixü̃anegü. Rü ngẽma nachixü̃anegü rü tá cuxca̱x naxĩ nax cuxü̃ nataxẽẽgüxü̃ca̱x rü cuxü̃ yacua̱xüü̃güxü̃ca̱x.