Wiyaegü 146:9 - Tupanaarü Ore

⁹ Rü nüma ya Cori ya Tupana rü nüxna nadau i ngẽma duü̃xü̃gü i tama Iraétanüxü̃ ixĩgüxü̃ i to i nachixü̃anewa ne ĩxü̃. Rü ngẽxgumarüxü̃ ta tüxü̃ narüngü̃xẽxẽ ya taxcutagü rü yutegüxe. Natürü ngẽma duü̃xü̃gü i chixexü̃ ügüxü̃arü ĩnü rü nagu nayanachixexẽxẽ.

Wiyaegü 146:9 Referans Kwoze

Wiyaegü 68:5

Rü yimá Tupana ya napata ya üünenewa ngẽxmacü rü ngẽma tacutagümaxã inacua̱x rü ngẽma yutegüxü̃arü poxü̃ruxü̃ nixĩ.

Wiyaegü 147:6

Rü nüma rü nüxü̃ narüngü̃xẽxẽ i ngẽma duü̃xü̃gü i tama nügü icua̱xüü̃güxü̃ natürü nanaxãneexẽxẽ i ngẽma chixexü̃ ügüxü̃.

Maraquía 3:5

Rü nüma ya Cori ya Tupana ya Guxãétüwa Ngẽxmacü rü ñanagürü: —Choma rü tá aixcüma pexna chaca i perü chixexü̃ca̱x. Rü chomatátama nüxü̃ chixugüe i ngẽma yuüexü̃, rü ngẽma nai i ngexü̃maxã maxẽxü̃, rü ngẽma doramaxã nügü ípoxü̃xü̃, rü ngẽma norü puracütanüxü̃maxã rü ngẽma yutegüxemaxã, rü ngẽma taxcutagümaxã chixri icua̱xgüxü̃. Rü ngẽxgumarüxü̃ tá ta nüxü̃ chixugüe i ngẽma chixri tümamaxã icua̱xgüxü̃ ya duü̃xẽgü ya to i nachixü̃anecüã̱xgü, rü ngẽma tama chauga ĩnüexü̃ —ñanagürü.

Yeremía 49:11

“¡Choxna namugü i curü taxcutagü nax choma nüxna chadauxü̃ca̱x! Rü choma rü tá nüxna chadau i ngẽma curü yutegüxü̃”, ñaxü̃.

Ucu̱xẽgüchiga 15:25

Nüma ya Cori ya Tupana, rü nayanaxoxẽxẽ ya napata i ngẽma nügü icua̱xüü̃xü̃. Natürü yíxema yutexe rü tüxü̃́ nüxna nadau i tümaarü naane.

Popera ga Chantiágu ümatüxü̃ 1:27

Natürü tümaarü õ i Tanatü ya Tupanape̱xewa aixcüma mexü̃, rü ngẽma nixĩ nax nüxü̃ tarüngü̃xẽẽxü̃ i taxcutagü rü yutegüxü̃ rü tügüna tadauxü̃ nax tama ñoma i naanearü chixexü̃gu tanguxü̃.

Ucu̱xẽgüchiga 4:19

Natürü ngẽma nacüma i nagu naxĩxü̃ i ngẽma duü̃xü̃gü i chixexü̃gu maxẽxü̃, rü wüxi i ẽanexü̃ nixĩ, rü ngẽmaca̱x tama nüxü̃ nacua̱xgü nax ta̱xacügu yanapucutügüxü̃.

Wiyaegü 145:20

Rü nüma ya Cori ya Tupana rü tüxü̃ ínapoxü̃ ya yíxema nüxü̃ ngechaü̃güxe, natürü nanadai i ngẽma tama naga ĩnüechaü̃xü̃.

1 Corintios 3:19

Erü ñoma i naanearü cua̱x rü Tupanaca̱x rü wüxi i ngeãẽmare nixĩ. Erü Tupanaarü ore i ümatüxü̃wa rü ñanagürü: “Ngẽma duü̃xü̃gü i nügügu rüxĩnüexü̃ nax norü cua̱xmaxã duü̃xü̃güxü̃ nawomüxẽẽxü̃, rü Tupana rü tá ngẽmatama norü womüxẽẽgu nanayixẽxẽ”, ñanagürü.

Ochéa 14:3

Rü marü nüxü̃ tacua̱x rü ngẽma Achíriaanecüã̱xgü rü tama aixcüma toxü̃ ínapoxü̃. Rü woo chi cowarumaxã tibuxmügu rü taxũchima tamaxẽ. Rü ngẽmaca̱x i ñu̱xma rü marü taxũtáma namaxã tatupanaã̱x i ta̱xacürü naxchicüna̱xã i tomatama taxüxü̃. Erü toma nax tangearü yoraáxü̃ rü cuxicatama nixĩ i aixcüma cuxü̃́ tangechaü̃tümüxü̃güxü̃ —ñaperügügü tá.

Wiyaegü 18:26

Rü cuma rü aixcüma tüxü̃ curüngü̃xẽxẽ ya yíxema cuga ĩnüxe, natürü ngẽma tama cuga ĩnüxü̃ rü cuma nüxü̃ cucua̱x nax ñuxãcü tá cunapoxcuxü̃.

Ester 9:25

Natürü yexguma ngĩma ga Ité rü ãẽ̱xgacü ga Achuérumaxã nüxü̃ iyarüxu ga yema Amáü̃ nagu rüxĩnüxü̃ nax Yudíugüxü̃ nada̱i̱xü̃ca̱x, rü nüma ga ãẽ̱xgacü rü wüxi ga poperagu nanaxümatü nax Amáü̃xü̃ yama̱xgüxü̃ca̱x naxca̱x ga yema chixexü̃ ga nagu naxĩnüxü̃. Rü yemaacü Amáü̃xü̃ rü nanegüxü̃ nawẽxnaxãgü.

Ester 7:10

Rü nüma ga ãẽ̱xgacüarü duü̃xü̃gü rü yema nümatama ga Amáü̃ Maduquéuca̱x naxüxü̃ ga wẽxnaxãchicagu nanawẽxnaxãgü. Rü yexguma narüngüxmü ga ãẽ̱xgacü.

Ester 5:14

Rü yexguma ga naxma̱x rü namücügü rü ñanagürügü nüxü̃: —¡Ẽcü duü̃xü̃güxü̃ naxüxẽxẽ i wüxi i wẽxnaxãchica i 22 metru i norü máchane, rü moxü̃ pa̱xmama rü ãẽ̱xgacüna naca nax ngẽmagu nawẽxnaxãgüaxü̃ca̱x i Maduquéu! ¡Rü ñu̱xũchi ngẽmaãcü chibüwa naxũ namaxã ya ãẽ̱xgacü! Erü marü taxugutáma curüxĩnü i ngẽxguma —ñanagürügü. Rü yema ĩnü rü norü me nixĩ ga Amáü̃ rü yemaca̱x duü̃xü̃güxü̃ nanaxüxẽxẽ ga wüxi ga wẽxnaxãchica.

2 Chamué 17:23

Rü yexguma Aitópe nüxü̃ cua̱xgu nax tama naxüaxü̃ ga yema nagu naxĩnüxü̃, rü nanaxüxmawe̱xe ga norü búru rü guma norü ĩane ga nagu nabuxü̃newa naxũ ga napatawa. Rü yexguma natanüxü̃maxã namexẽẽãgu ga guxü̃ma ga norü yemaxü̃güchiga, rü yemawena rü nügü nawẽxnaxã. Rü yemaacü nayu rü nanatü ítáxü̃gu nanata̱xgü.

2 Chamué 15:31

Rü yexguma Dabímaxã nüxü̃ yaxugüegu ga Aitópe rü Acharóü̃arü ĩnüwaama üxü̃, rü nüma ga Dabí rü Cori ya Tupanana naca nax nagu yanachixexẽẽãxü̃ca̱x ga yema Aitópe nagu rüxĩnüxü̃.

Wenaxarü naxümatü ga Tupanaarü mugü 16:11

Rü Tupanape̱xewa tá penaxü i ngẽma peta nawa i ngẽma nachica ya Tupana nüxü̃ unetaxü̃ nax nawa nangẽxmaxü̃. Rü ngẽma petawa rü name nax ngéma penagagüxü̃ i guxü̃ma i pexacügü rü perü mugüruü̃gü. Rü ngẽxgumarüxü̃ ta name nax nüxna pexuxü̃ i ngẽma Lebítanüxü̃ rü ngẽma to i nachixü̃anecüã̱x i petanüwa ngẽxmagüxü̃. Rü ñu̱xũchi name nax tüxna pexuxü̃ ya yíxema taxcutagü rü yutegüxe i perü ĩanewa ngẽxmagüxe.

Wiyaegü 10:14

Pa Corix, cumatama marü nüxü̃ cudau i ngẽma taxü̃ i chixexü̃ i naxügüxü̃, rü name i cunapoxcu naxca̱x i ngẽma ngúxü̃ nax duü̃xẽgüxü̃ yangexẽẽgüxü̃. Rü yíxema turaexe rü curü ngü̃xẽẽca̱x nixĩ i tadaugüxü̃, erü cuma nixĩ i tümaarü poxü̃ruxü̃ quixĩxü̃. Rü cuma nixĩ i tüxü̃ curüngü̃xẽẽxü̃ ya yíxema taxcutagü.