Wiyaegü 143:9 - Tupanaarü Ore

⁹ Pa Cori Pa Tupanax ¡nüxna choxü̃ ínanguxuchixẽxẽ i ngẽma chorü uanügü! Erü cuxca̱x nixĩ i chiñaxü̃ nax cuxü̃tagu chaugü chicúxü̃ca̱x.

Wiyaegü 143:9 Referans Kwoze

Ucu̱xẽgüchiga 18:10

Naéga ya Cori ya Tupana, rü wüxi i poxü̃ruxü̃ i poraxü̃ nixĩ. Rü ngẽmaca̱x ngẽma mexü̃gu maxü̃xü̃ i duü̃xü̃, rü naxca̱x nixũ nax naxü̃tagu nügü yanacúxü̃ca̱x.

Wiyaegü 142:5

Rü cuxna nixĩ i chaca̱xaxü̃, Pa Cori Pa Tupanax, rü cuxü̃ ñachagürü: —Cuma nixĩ i chorü cu̱xchicaxü̃ quixĩxü̃. Rü cuma nixĩ i choxna cunaxãxü̃ i guxü̃ma i ta̱xacü i choxü̃́ ngẽxmaxü̃ i ñoma i naane i nawa chamaxü̃wa —ñachagürü.

Wiyaegü 59:1

Pa Chorü Tupanax ¡choxü̃ ínanguxuchixẽxẽ naxme̱xwa i ngẽma chomaxã rüxuanüã̱xgüxü̃! ¡Choxü̃ ínapoxü̃ nüxna i ngẽma choxü̃ ima̱xgüchaü̃xü̃!

Wiyaegü 56:9

Rü ngẽxguma curü ngü̃xẽẽca̱x cuxna chacaxgu, Pa Tupanax, rü ngẽma chomaxã rüxuanüã̱xgüxü̃ rü tá cuxcha̱xwa nibuxmü. Rü choma rü meama nüxü̃ chacua̱x nax chauétüwa cuchogüxü̃.

Wiyaegü 31:15

Rü ñaa chorü maxü̃ rü cuxme̱xwa nangẽxma. Rü chanaxwa̱xe i naxme̱xwa choxü̃ ícunguxuchixẽxẽ i ngẽma chorü uanügü i chowe ingẽxü̃tanüxü̃.

Popera ga Yudíugü ga yaxõgüxü̃ca̱x ümatüxü̃ 6:18

Rü nüxü̃ tacua̱x rü ngẽxguma ta̱xacüca̱x nügüégagu inaxunetagu ya Tupana, rü taxucürüwama tüxü̃ nawomüxẽxẽ rü nanaxüchicüü i ngẽma. Rü ñu̱xma i guxãma i yixema nax Tupanaarü ngü̃xẽẽca̱x idauxü̃ nax tüxü̃ ínapoxü̃xü̃ca̱x, rü tüxü̃́ nangẽxma i taxü̃ i taãxẽ, erü nüxü̃ tacua̱x rü aixcüma tá tanayaxu i ngẽma maxü̃ i taguma gúxü̃ i tamaxã inaxunetaxü̃.

Wiyaegü 57:2

Rü ñu̱xma rü tá nüxna chaca ya yimá Tupana ya Guxãétüwa Ngẽxmacü, erü nüma nixĩ i choxü̃ ínapoxü̃ rü choxü̃ nangü̃xẽẽxü̃.

Wiyaegü 142:7

¡Rü choxü̃ ínanguxuchixẽxẽ nawa i ñaa chorü guxchaxü̃gü nax ngẽmaãcü cuxü̃ chicua̱xüü̃xü̃ca̱x! Rü ñu̱xũchi i ngẽma duü̃xü̃gü i aixcüma mexü̃gu rüxĩnüexü̃ rü tá choxü̃ ínachomaeguãchi i ngẽxguma chomaxã cumecümagu.