Wiyaegü 143:8 - Tupanaarü Ore

⁸ ¡Rü pa̱xmama choxü̃ nawe̱x nax poraãcü choxü̃ cungechaxü̃xü̃! Erü cuxü̃́ nixĩ i chayaxõxü̃. ¡Rü choxü̃ nüxü̃ nacua̱xẽxẽ nax ñuxãcü cunaxwa̱xexü̃ nax cupe̱xewa chamaxü̃xü̃! Erü cumaxã nixĩ i nüxü̃ chixuxü̃ i ngẽma chorü ngúchaü̃.

Wiyaegü 143:8 Referans Kwoze

Ichaía 48:17

Rü choma ya Iraétanüxü̃arü Tupana ya Üünecü ya perü ngü̃xẽẽruxü̃ ixĩcü rü ñachagürü: —Pa Iraétanüxü̃x, choma nixĩ i perü Tupana chixĩxü̃, rü choma rü pexü̃ changúexẽxẽ i ngẽma pexü̃́ mexü̃, rü pemaxã nüxü̃ chixu i ngẽma chanaxwa̱xexü̃ nax penaxüxü̃.

Wiyaegü 46:5

Rü nüma ya Tupana rü yima ĩanearü ngãxü̃gu naxãchiü̃ rü ngẽmaca̱x ya yima ĩane rü taxúetama tanachixexẽxẽ. Rü nüma rü guxü̃ma i ngunexü̃ i noxri yangunegu rü yima ĩanexü̃ narüngü̃xẽxẽ.

Wiyaegü 32:8

Rü cumax, Pa Cori Pa Tupanax, rü ñacugürü choxü̃: —Choma rü cuxü̃ chadawenü rü tá cuxü̃ changu̱xẽxẽ i ngẽma cuxü̃́ chanaxwa̱xexü̃. Rü tá cuxü̃ chaxucu̱xẽ, rü tá cuxü̃ chanawe̱x i ngẽma nama i mexü̃ nax nagu quixũxü̃.

Ichaía 30:21

Rü ngẽxguma namawa tügünewaama ícutüxgu rüe̱xna to̱xwewaama ícutüxgu, rü tá cuweama nüxü̃ cuxĩnü i wüxi i naga i cuxü̃ ñaxü̃: —Nuama nixĩ i nama. ¡Rü nuama naxũ! —ñaxü̃.

Wiyaegü 59:16

Natürü i chomax rü pa̱xmama tá cuxca̱x chawiyae. Rü ngẽma chorü wiyaewa rü tá nüxü̃ chixu nax cuporaxü̃ rü cuxü̃́ tangechaü̃tümüxü̃güxü̃. Erü cuma rü chorü dauruxü̃ quixĩ rü cuxü̃tagu nixĩ i chaugü charücúxü̃ i ngẽxguma ãũcümaxü̃wa changexmagu.

Wiyaegü 143:10

¡Rü choxü̃ nangu̱xẽxẽ nax chanaxüxü̃ca̱x i curü ngúchaü̃! Erü cuma nixĩ i chorü Tupana quixĩxü̃. Rü chanaxwa̱xe i cuãxẽ i üünexü̃ rü mexü̃ i nacümagu choxü̃ nixũxẽxẽ.

Wiyaegü 27:11

Pa Corix ¡choxü̃ nawe̱x i cumaxü̃ rü chorü uanügücha̱xwa choxü̃ nüxü̃ nacua̱xẽxẽ i ngẽma nama i mexü̃ nax nagu chixũxü̃ca̱x!

Wiyaegü 90:14

¡Rü guxü̃guma i noxri yangunegu rü toxna naxã i curü ngechaü̃! Rü ngẽxguma i toma rü guxü̃gutáma taãẽãcüma cuxca̱x tawiyaegü.

Auxexü̃chiga 3:41

¡Rü ngĩxã Tupana ya daxũwa ngẽxmacümaxã tidexagü i tórü yumüxẽwa rü namaxã nüxü̃ tixu i ngẽma nagu rüxĩnüexü̃!

Wiyaegü 86:4

Pa Corix, choma nax curü duü̃xü̃ chixĩxü̃ ¡rü ẽcü choxü̃ nataãẽxẽxẽ! Erü cumaxã nixĩ i chidexaxü̃ i chorü yumüxẽwa.

Wiyaegü 30:5

Erü ngẽma norü nu rü paxaãchimare nixĩ, natürü ngẽma norü ngü̃xẽxẽ rü taguma inayagu̱x. Rü woo chütacü ixauxegu, natürü moxü̃ãcü rü taãẽãcü tingunexü̃gü.

Wiyaegü 119:34

¡Rü cua̱x choxna naxã nax ngẽmaãcü tama nüxü̃ charüngümaxü̃ca̱x i curü mugü! Rü aixcümaxü̃chi guxü̃gutáma naga chaxĩnüchaü̃.

Wiyaegü 119:73

Rü cumatama nixĩ ga choxü̃ cungo̱xẽẽxü̃ rü maxü̃ choxna cuxãxü̃. Rü ngẽmaca̱x chanaxwa̱xe nax choxna cunaxãxü̃ i cua̱x nax choxü̃́ natauxchaxü̃ca̱x nax naxca̱x changúxü̃ i curü mugü.

Wiyaegü 42:8

Rü guxü̃ i ngunegu rü nüma ya Cori ya Tupana choxü̃ nanawe̱x nax choxü̃ nangechaü̃xü̃. Rü chütacü rü chawiyae rü namaxã chidexa ya Tupana ya choxü̃ maxẽẽcü.

Wiyaegü 5:8

Pa Corix ¡choxna nadau naxcha̱xwa i ngẽma chorü uanügü! ¡Rü curü namawaama choxü̃ naxũxẽxẽ!

Ochéa 6:3

¡Rü ngĩxã pora taxüe nax aixcüma Cori ya Tupanaxü̃ icuáxü̃ca̱x rü naga ixĩnüexü̃ca̱x! Rü nüma ya Cori ya Tupana rü aixcüma tá taxca̱x ínangu ñoma üa̱xcü guxü̃guma ínguxü̃rüxü̃ rü ñoma pucü guxü̃guma waixü̃mü iwaimüanexẽẽcürüxü̃”, ñanagürügü tá —ñanagürü ya Tupana.

Ãẽ̱xgacügü ga guxchaxü̃güarü mexẽxẽruü̃gü 13:12

Rü yexguma ga Manóa rü ñanagürü: —Ngẽxguma yanguxgu i ngẽma tomaxã nüxü̃ quixuxü̃ ¿rü ñuxãcü tá itanayaxẽxẽxü̃ i ngẽma buxü̃? ¿Rü ta̱xacü tá namaxã taxüxü̃? —ñanagürü.

1 Chamué 23:12

Rü yexguma ga nüma ga Dabí rü ínaca rü ñanagürü: —¿Rü ngẽma Queirácüã̱xgü rü tá Chaúna choxü̃ namuxü̃ namaxã i chorü duü̃xü̃gü? —ñanagürü. Rü nüma ga Cori ya Tupana rü nanangãxü̃ rü ñanagürü: —Pexü̃ inamugü tá nixĩ —ñanagürü.

Wiyaegü 25:20

¡Rü choxna nadau rü choxü̃ ínapoxü̃ nax tama choxü̃ yama̱xgüxü̃ca̱x! ¡Rü taxṹ i cunaxüchicaxü̃ i chorü uanügü nax ãne choxü̃ yangexẽxẽgüxü̃ca̱x! Erü cuma nixĩ i chorü poxü̃ruxü̃ quixĩxü̃, rü cuxü̃tagu nixĩ i nüxü̃ ichayangauxü̃ i ngü̃xẽxẽ.