Wiyaegü 142:6 - Tupanaarü Ore

⁶ ¡Rü naxca̱x irüxĩnü i chauga nax aita chaxüxü̃! Erü marü nataxuma i chorü pora. ¡Rü nüxna choxü̃ ínanguxuchixẽxẽ i ngẽma chowe ingẽxü̃tanüxü̃! Erü nüma rü choxü̃ narüporamaegü.

Wiyaegü 142:6 Referans Kwoze

Wiyaegü 79:8

¡Rü taxṹ i toguama cuyangutanüxẽxẽxü̃ ga yema chixexü̃gü ga torü o̱xigü ügüxü̃! ¡Rü paxa cuxü̃́ tangechaxü̃tümüxü̃gü! Erü marü toxü̃ narüyexera i ñaa guxchaxü̃gü.

Wiyaegü 116:6

Rü nüma ya Cori ya Tupana rü tüxna nadau ya yíxema taxuxü̃ma ixĩgüxe. Rü yexguma chaturagu ga nax chayuxchaü̃xü̃ rü choxü̃ ínarüdaxẽẽama.

Wiyaegü 136:23

Rü nüma ya Tupana rü tüxna nacua̱xãchi ngẽxguma taxü̃ i guxchaxü̃wa ingexmagügu. Erü ngẽma norü ngechaü̃ i taxca̱x rü taguma inayagu̱x.

Wiyaegü 17:1

Pa Corix ¡choxü̃́ nüxü̃ naxĩnü i ngẽma cuxna naxca̱x chacaxü̃, erü wüxi i mexü̃ nixĩ! ¡Rü choxü̃́ nüxü̃ naxĩnü i ngẽxguma tagaãcü curü ngü̃xẽxẽca̱x cuxna chacaxgu! ¡Rü choxü̃́ nüxü̃ naxĩnü i chorü yumüxẽ! Erü choma rü tama wüxi i dorata̱xáxü̃ chixĩ.

Romanos 8:37

Natürü woo guxü̃ma i ngẽma tüxü̃ nax ngupetüxü̃, rü Ngechuchu ya Cristu ya tüxü̃ ngechaü̃cü, rü tüxü̃ naporaexẽẽãma nax taxuxü̃ma i guxchaxü̃gü tüxü̃ rüyexeraxü̃ca̱x.

Romanos 8:33

¿Rü ñu̱xma rü texé tá Tupanape̱xewa tüxü̃ tixugü nax ichixexü̃? Erü Tupanatama nixĩ ya nügüpe̱xewa tüxü̃ imexẽẽcü.

Wiyaegü 143:7

Pa Cori Pa Tupanax ¡paxa choxü̃ nangãxü̃! Erü ngẽmatama chayu. ¡Rü taxṹ i cuxoxü̃ nax choxü̃ curüngü̃xẽxẽxü̃! Erü ngẽxguma tama choxü̃ curüngü̃xẽẽgu rü tá chayu naxrüxü̃ i ngẽma yuexü̃.

Wiyaegü 59:3

Erü nangẽxma i yatügü i máxwa̱xegüxü̃ i naxca̱x daugüxü̃ nax ñuxãcü tá choxü̃ yama̱xgüxü̃. Ngẽma duü̃xü̃gü i tama ngechaxü̃wa̱xegüxü̃ rü nagu narüxĩnüe nax ñuxãcü tá choxü̃ yama̱xgüxü̃ woo taxuxü̃ma i chixexü̃ chaxü̱xgu rü bai i ta̱xacürü pecadu chaxü̱xgu.

Wiyaegü 38:19

Rü ngẽma chorü uanügü rü nimuetanü, rü namuxũchi i ngẽma natüca̱xma chauxchi aiexü̃.

Wiyaegü 18:17

Rü choxü̃ ínanguxuchixẽxẽ naxme̱xwa ga chorü uanügü ga poraxü̃ ga chauxchi aiexü̃ rü choxü̃ rüporamaegüxü̃.

Wiyaegü 3:1

Pa Corix, namuxũchi i chorü uanügü rü namuxũchi i ngẽma chauxchi aiexü̃.

1 Chamué 24:14

¿Rü ñu̱xma rü texéwe nixĩ i nangexü̃ ya Iraéanearü ãẽ̱xgacü? ¿Rü texéwe nixĩ i yangẽchigüxü̃? Chowe nixĩ erü ñoma wüxi i airu i yuxü̃rüxü̃ chixĩ. Rü wüxi i naixchinawe i taxuwama mexü̃rüxü̃ chixĩ naxca̱x!

Wiyaegü 143:3

Rü ngẽma chorü uanügü rü chowe ningẽxü̃tanü rü waixü̃müwa choxü̃ nayapotügü. Rü ẽanexü̃gu choxü̃ napoxcu nax ngéma chamaxü̃xü̃ca̱x naxrüxü̃ ga yema nũxcüma yuexü̃.

Wiyaegü 27:13

Natürü i choma rü chayaxõ nax nüxü̃ tá chadauxü̃ nax aixcüma choxü̃ nangechaü̃xü̃ ya Cori ya Tupana i guxü̃ma i ngẽma ngunexü̃gü i nagu chamaxü̃xü̃gu.

Wiyaegü 46:2

Rü ngẽmaca̱x taxuca̱xma tamuü̃e ega woo ñoma i naane rü nangĩãchigu rü ma̱xpǘnegü rü márchíütamagu nayixgu.

Wiyaegü 91:2

Rü choma rü ñachagürü cuxü̃: —Pa Corix, cuxicatama nixĩ i chorü cu̱xchicaxü̃ quixĩxü̃, rü chorü poxü̃ruxü̃ quixĩxü̃ rü chorü Tupana ya cuxü̃́ chayaxõcü quixĩxü̃ —ñachagürü cuxü̃.