Wiyaegü 142:2 - Tupanaarü Ore

^2-3 Rü nape̱xewa naxca̱x chayarüdexa i ngẽma guxchaxü̃gü i choxü̃́ ngẽxmaxü̃. Rü ngẽxguma chauétü nanguxgu i ngẽma guxchaxü̃gü rü nape̱xewa nüxü̃ chixu nax poraãcü ngúxü̃ chingexü̃. Pa Corix, cuma nüxü̃ cucua̱x i chomaxü̃ i nagu chixũxü̃. Rü ngẽma nama i nagu chixũxü̃wa rü chorü uanügü rü ngẽxma chope̱xegu nanaxǘgü i wüxi i yauxruxü̃.

Wiyaegü 142:2 Referans Kwoze

Romanos 8:26

Rü ngẽxgumarüxü̃ ta Tupanaãxẽ tüxü̃ narüngü̃xẽxẽ nax iporaexü̃ca̱x i ngẽxguma yarüturaegu nax ínangu̱xẽẽgüxü̃. Rü yixema rü tama nüxü̃ tacua̱x nax mea Tupanamaxã idexagüxü̃ rü ta̱xacüca̱x iyumüxẽgüxü̃. Natürü Naãxẽ ya Üünecü rü naxauxãcüma naga i tama nüxü̃ icuáxü̃maxã Tupanamaxã nidexa rü taxca̱x nayumüxẽ.

Ichaía 26:16

Rü yexguma guxchaxü̃ toxca̱x ínguxgu, Pa Corix, rü cuxca̱x tadaugüama naétüwa ga yema ngúxü̃ ga toxca̱x ícunguxẽẽxü̃ nax toxü̃ curüwe̱xãchigüxẽẽxü̃ca̱x.

Popera ga Yudíugü ga yaxõgüxü̃ca̱x ümatüxü̃ 5:7

Rü yexguma Cristu ñoma ga naanewa maxü̃gu, rü poraãcü nayumüxẽ rü tagaãcü rü naxauxãcü Tupanana naca nax nüxü̃ nangü̃xẽẽxü̃ca̱x nax naga naxĩnüxü̃ca̱x, yerü Tupana rü naporachire̱x nax nawa ínanguxuchixẽẽãxü̃ca̱x ga yema yu. Rü Tupana rü Cristuxü̃ naxĩnü yerü Tupanaga naxĩnü.

Wiyaegü 62:8

Pa Chorü Duü̃xü̃güx ¡guxü̃guma nüxü̃́ peyaxõgü ya Tupana! ¡Rü perü yumüxẽwa namaxã nüxü̃ pixu i perü guxchaxü̃gü! Erü nüma nixĩ i aixcüma tórü ngü̃xẽẽruxü̃ i tórü cu̱xchicaxü̃ yixĩxü̃.

Wiyaegü 42:4

Rü ngẽxguma ngẽmagu charüxĩnügu rü marü tama yáxna namaxã chaxĩnü i ngẽma nax chaxaxuxü̃. Rü nüxna chacua̱xãchi ga yexguma Tupanapatawa chanagagügu ga yema muxü̃ma ga duü̃xü̃gü. Rü taãẽãcü moxẽ nüxna taxã rü tanatachigaxẽxẽ.

Wiyaegü 28:1

Pa Cori Pa Tupanax, cuma nixĩ i nuta i chorü poxü̃ruxü̃ quixĩxü̃. Rü cuxna nixĩ i chacaxü̃ nax choxü̃ curüngü̃xẽẽxü̃ca̱x. ¡Rü taxṹ i cugü quinuxuxü̃ nax choxü̃ cungãxü̃xü̃! Erü ngẽxguma taxũtáma choxü̃ cungãxü̃gu rü ñoma yuexü̃rüxü̃ tá chixĩ.