Wiyaegü 141:7 - Tupanaarü Ore

⁷ Rü yima naxchina̱xãgü i ngẽma chixexü̃ ügüxü̃ rü naxmaxü̃xü̃tagu tá nawoone ñoma mairaxü̃ i aixmüanexü̃ ngẽxma woonexü̃rüxü̃.

Wiyaegü 141:7 Referans Kwoze

Romanos 8:36

Rü guxü̃guma ãũcümaxü̃wa tangexmagü, ngẽma Tupanaarü ore i ümatüxü̃ nüxü̃ ixuxü̃rüxü̃. Erü ngẽma ore rü ñanagürü: “Rü cugagu duü̃xü̃gü toxü̃ nadaixchaü̃ rü duü̃xü̃güpe̱xewa rü ñoma carnérugü i daiwa nagagüxü̃rüxü̃ tixĩgü”, ñanagürü i ngẽma ore.

Wiyaegü 53:5

Rü ngẽma duü̃xü̃gü rü muü̃maxã nidu̱xrue woo nataxuguma i ta̱xacüca̱x namuü̃exü̃. Yerü Tupana rü marü nanawoone ga naxchina̱xãgü ga yema curü uanügü ga cuxca̱x íyaxüãchixü̃. Rü cuma rü cunaxãneexẽxẽ ga yema uanügü, yerü Tupana rü marü nüxü̃ naxo.

Wiyaegü 44:22

Natürü cugagu rü guxü̃guma yuwa toxü̃ nagagü. Rü ngẽma torü uanügü rü ñoma carnérugü i daiwa nagagüxü̃rüxü̃ tomaxã nixĩgü.

Popera ga Yudíugü ga yaxõgüxü̃ca̱x ümatüxü̃ 11:37

Rü ñuxre ga nümagü rü nutamaxã ínanamuxũchigü rü yemaacü nayue. Rü togü rü nayawãĩxyegü. Rü togü rü ngúxü̃ nüxü̃ ningexẽẽgü nax Tupanaxü̃ ínata̱xgüxü̃ca̱x. Rü togü rü taramaxã nanadai. Rü togü rü carnérucha̱xmüü̃maxã rü chíbucha̱xmüü̃maxã nixãxchiru, rü yemaacü nu ne nanaxĩ. Rü ningearü diẽruã̱xgü rü nanaxĩ̱xãchiãẽgü yerü norü uanügü rü chixri namaxã nachopetü.

2 Corintios 1:9

Rü marü nagu tarüxĩnüe rü ñoma yu tomaxã naxuegugüxü̃rüxü̃ tixĩgü. Natürü yemaacü toxü̃ naxüpetü, nax toxü̃ nangúexẽẽxü̃ca̱x nax tama namexü̃ nax togünatama tarüyoü̃güxü̃ rü namexü̃ nax nüxü̃́ tayaxõxü̃ ya Tupana ya ínadagüxẽẽcü i yuexü̃.