Wiyaegü 141:5 - Tupanaarü Ore

⁵ Rü choxü̃́ rü wüxi i ngü̃xẽxẽ nixĩ ega ngẽxguma choxü̃ nawe̱xãchixẽẽgu i wüxi i duü̃xü̃ i cupe̱xewa mexü̃. Natürü ngẽma norü ucu̱xẽ i ngẽma chixexü̃ ügüxü̃ rü tama choxü̃́ name rü taxũtáma naga chaxĩnü. Rü guxü̃gutáma chayumüxẽ nax nüxü̃ naxoexü̃ca̱x i ngẽma chixexü̃ i nagu ínamaxẽxü̃ uxcuxẽ

Wiyaegü 141:5 Referans Kwoze

Ngu̱xẽẽtaeruü̃arü ore 7:5

Rü ngẽma naechitamare maxẽxü̃arü cua̱xüü̃güarü yexera rümemaexü̃ nixĩ nax irüxĩnüxü̃ i ngẽma nüxü̃ cua̱xgüxü̃arü ucu̱xẽgü.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:19

Choma rü tüxü̃ chaxucu̱xẽ rü tüxü̃ ichayarüwe̱xãchixẽxẽ ya guxãma ya yíxema tüxü̃ changechaü̃xẽ. Rü ngẽmaca̱x name nixĩ i nüxü̃ curüxo i cucüma i chixexü̃ rü Tupanaca̱x cutaegu.

Gálatas 6:1

Pa Chauenexẽgüx, ngẽxguma chi texéxü̃ peda̱u̱xgu nax ta̱xacürü chixexü̃gu tanguxü̃, rü pema nax Tupanaãxẽ ya Üünecü pewa ngẽxmaxü̃, rü name nixĩ i tüxü̃ pengechaü̃ãcüma tüxü̃ perüngü̃xẽxẽ nax itayarüwe̱xãchixü̃ca̱x. ¡Natürü pexuãẽgü i wüxichigü, nax pema rü ta tama ngẽma chixexü̃gu peyixü̃ca̱x!

Ucu̱xẽgüchiga 25:12

Texé ya nüxü̃ ĩnüxe i ucu̱xẽ i cua̱x tüxna ãxü̃, rü ngẽma ucu̱xẽ rü ñoma wüxi i ãnera rü wüxi i nachagü i mexẽchixü̃ i úiruwa üxü̃rüxü̃ nixĩ nax tümaca̱x namexü̃ ya yíxema nayaxúxe.

Ucu̱xẽgüchiga 19:25

Ngẽxguma napoxcugu i ngẽma tama ixĩnüchaü̃xü̃, rü ngẽma tama naãẽxü̃ cuáxü̃ rü tá naxuãxẽ rü tama chixexü̃ naxü. Natürü ngẽma naãẽxü̃ cuáxü̃, rü wüxi i ucu̱xẽmaxãtama nixĩ i yanawe̱xãchixü̃.

Ucu̱xẽgüchiga 15:5

Ngẽma naechitamare maxü̃xü̃, rü tama nanatüarü ucu̱xẽ nayaxu. Natürü yíxema tümanatüarü ucu̱xẽ yaxúxe, rü tümaãẽxü̃ tacua̱x.

Norü taxre ga to ga popera ga ãẽ̱xgacügüchiga ümatüxü̃ 25:16

Rü yexguma yemaxü̃ iyaxuxgu ga gumá Tupanaarü orearü uruxü̃, rü nüma ga ãẽ̱xgacü ga Amachía rü nanangãxü̃ga rü ñanagürü nüxü̃: —¿Rü texé cuxü̃ taxuneta nax ãẽ̱xgacüarü ucu̱xẽruxü̃ quixĩxü̃ca̱x? ¡Marütama i ngẽma nüxü̃ quixuxü̃! ¡Ẽ̱xna cunaxwa̱xe nax cuxü̃ yama̱xgüxü̃! —ñanagürü. Rü nüma ga gumá Tupanaarü orearü uruxü̃ rü marü tama nüxü̃ nica̱a̱xü̃chigü. Natürü nüxü̃ ñanagürü: —Choma rü nüxü̃ chacua̱x nax Tupana rü marü cumaxã naxueguãxü̃ nax cuyuxü̃ nagagu i ñaa cuxüxü̃ rü ngẽma nax tama cunayauxchaü̃xü̃ i chorü ucu̱xẽ —ñanagürü.

Ucu̱xẽgüchiga 6:23

Ngẽma mugü rü ngu̱xẽẽtaegü rü ñoma wüxi i omü i naixü̃rüxü̃ tá cuxca̱x nanangóonexẽxẽ. Rü ngẽma ucu̱xẽgü rü tá cuxü̃ inayarüwe̱xãchixẽxẽ nax nawe̱xguxü̃ca̱x i curü maxü̃.

Wiyaegü 125:4

Pa Corix ¡nüxü̃ rüngü̃xẽxẽ i ngẽma duü̃xü̃gü i mea maxẽxü̃ rü aixcüma mexü̃gu rüxĩnüexü̃!

Wiyaegü 51:18

Pa Cori Pa Tupanax ¡cuxü̃́ nangechaxü̃tümüxü̃ ya yima cupata ya Chióü̃wa ngẽxmane erü nüxü̃ cungechaü̃! ¡Rü curü duü̃xü̃güxü̃ rüngü̃xẽxẽ nax wena inachixẽẽxü̃ca̱x ya Yerucharéü̃arü poxeguxü̃!

Wiyaegü 23:5

Rü mexü̃ i õna cha̱u̱xca̱x cumexẽxẽ nape̱xewa i chorü uanügü, rü pumaramaxã choxü̃ cubaeru. Rü ngẽma chorü taãxẽ i choxna cuxãxü̃ rü ñoma copa i ããcuxüchixü̃rüxü̃ nixĩ.

Ore i mexü̃ ga Matéu ümatüxü̃ 5:44

Natürü i choma rü pemaxã nüxü̃ chixu rü: ¡Nüxü̃ pengechaü̃ i perü uanügü! ¡Rü naxca̱x peyumüxẽ i ngẽma duü̃xü̃gü i chixexü̃maxã pewe ingẽxü̃tanüxü̃!

Ucu̱xẽgüchiga 15:22

Ngẽxguma taxúenama cuca̱xgu naxca̱x i ngẽma cuxüxchaü̃xü̃, rü tá chixri cuxü̃́ ínanguxuchi. Natürü ngẽxguma muxearü ucu̱xẽgüca̱x ícuca̱xgu, rü tá mea cuxü̃́ ínanguxuchi i ngẽma cuxüxchaü̃xü̃.

Lebítanüxü̃arü puracüchiga 19:17

¡Rü taxṹ i naxchi cuxaiechaxü̃ i cuenexẽ! ¡Rü naxuxcu̱xẽ i cumücü i ngẽxguma chixexü̃ naxü̱xgu rü taxṹ i norü chixexü̃gu cuxãxü̃!

Ucu̱xẽgüchiga 12:1

Yíxema nayaxúxe i ucu̱xẽ rü cua̱x tüxü̃́ nangẽxma, natürü yíxema tama nayaxúxe i ucu̱xẽ rü tama tümaãẽxü̃ tacua̱x.