Wiyaegü 141:4 - Tupanaarü Ore

⁴ ¡Rü choxna nayaxu i ngẽma chixexü̃gu nax charüxĩnüxü̃! ¡Rü taxṹ i choxü̃ quingexü̃ nax chixexü̃gu chixũxü̃ca̱x rü bai i natanü nax chaxãxü̃ca̱x i norü õnawa i ngẽma duü̃xü̃gü i chixexü̃ ügüxü̃!

Wiyaegü 141:4 Referans Kwoze

Ore i mexü̃ ga Matéu ümatüxü̃ 6:13

¡Rü toxna nadau nax tama chixexü̃gu tayixü̃ca̱x! ¡Rü naxme̱xwa toxü̃ ínanguxü̃xẽxẽ i ngẽma chixexü̃arü üruxü̃! Erü cuma rü guxü̃guma torü ãẽ̱xgacü quixĩ, rü guxü̃étüwa cungexma, rü cumecümaxü̃chi. Améü̃’.

Wiyaegü 119:36

¡Rü choxü̃ rüngü̃xẽxẽ nax ngẽma diẽru i chixeãcü yaxuxü̃arü yexera choxü̃́ nangúchaü̃xü̃ca̱x i curü mugü!

Ichaía 63:17

¿Rü tü̱xcüü̃ toxü̃ cungexrü nax cuxna tixĩgachitanüxü̃ rü tama cuga taxĩnüexü̃? Rü toma nax curü duü̃xü̃gü i Iraétanüxü̃ tixĩgüxü̃ rü cuxna taca nax toxü̃ cungechaü̃xü̃gagu toxca̱x cutaeguxü̃ nax wena toxü̃ cunawéxü̃ca̱x i curü mecüma.

2 Corintios 6:17

Rü yemaca̱x ñanagürü ta ga tórü Cori: “¡Ípechoxü̃ i natanüwa i ngẽma duü̃xü̃gü i tama chorü duü̃xü̃gü ixĩgüxü̃! ¡Rü taxṹ i nüxü̃ pingógüxü̃ i ngẽma chope̱xewa ãũãchixü̃! Rü choma rü tá pexü̃ chayaxu.

1 Corintios 15:33

¡Natürü taxũtáma nawe perüxĩ i ngẽma duü̃xü̃gü i ngẽmaãcü chixri idexagüxü̃! Erü aixcüma nixĩ i ngẽma ore i ñaxü̃: “Rü texé ya chixexü̃ i duü̃xü̃maxã ãmücüxe, rü tüxü̃́ inayanaxoxẽxẽ i tümacümagü i mexü̃”, ñaxü̃.

Nüxíraxü̃xü̃ ga popera ga ãẽ̱xgacügüchiga 8:58

Rü tüxü̃ naporaexẽxẽ nax ngẽmaãcü naxca̱x idaugüxü̃ca̱x rü norü ngúchaü̃ ixügüxü̃ca̱x, rü nagu imaxẽxü̃ca̱x i guxü̃ma i norü mugü ga tórü o̱xigümaxã nüxü̃ yaxuxü̃.

Popera ga Chantiágu ümatüxü̃ 1:13

Natürü ngẽxguma texé ĩnü i chixexü̃ tümaca̱x ínguxgu nax chixexü̃ taxüxü̃ca̱x rü tama name i nagu narüxĩnü nax Tupana tümaãẽwa ínangu̱xẽẽxü̃ i ngẽma ĩnü i chixexü̃. Erü ya Tupana rü taguma naãxẽwa nangu nax chixexü̃ naxüxü̃, rü ngẽxgumarüxü̃ ta taguma chixexü̃ i ĩnü texéãẽwa nanguxẽxẽ nax chixexü̃ taxüxü̃ca̱x.

1 Corintios 10:31

Dücax, pemaxã nüxü̃ chixu rü name nixĩ i guxü̃ma i ngẽma pexüxü̃maxã Tupanaxü̃ picua̱xüü̃gü. Rü ngẽxguma ta̱xacü pengõ̱xgügu, rüe̱xna ta̱xacü pixaxgügu rüe̱xna ta̱xacü i to pexügügu, rü name nixĩ i ngẽmamaxã Tupanaxü̃ picua̱xüü̃gü.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:4

Rü ñu̱xũchi nüxü̃ chaxĩnü ga to ga naga ga daxũguxü̃ ga naanewa inaxũxü̃ ga ñaxü̃: “¡Guxãma i pema ya chorü duü̃xü̃gü ixĩgüxe, rü ípechoxü̃ nawa ya yima ĩane nax tama yima ĩanecüã̱xrüxü̃ chixexü̃gu pemaxẽxü̃ca̱x rü tama naxrüxü̃ pipoxcuexü̃ca̱x namaxã i ngẽma poxcu i tá yima ĩanewa nguxü̃!

Wenaxarü naxümatü ga Tupanaarü mugü 29:4

Natürü woo i ñu̱xma ya Cori ya Tupana rü tama pexü̃ nüxü̃ nacua̱xẽxẽ rü tama pexca̱x nanango̱xẽxẽ nax ta̱xacüca̱x yixĩxü̃ nax naxüaxü̃ ga guxü̃ma ga yema.

Nüxíraxü̃xü̃ ga popera ga ãẽ̱xgacügüchiga 22:22

Rü nüma ga yema daxũcüã̱x rü Tupanaxü̃ nangãxü̃ rü ñanagürü: “Choma rü tá doramare i ore naãxẽwa changu̱xẽxẽ i guxü̃ma i ngẽma Acáxarü orearü uruü̃gü”, ñanagürü. Rü yexguma ga nüma ga Cori ya Tupana rü ñanagürü nüxü̃: “Cuma i nüxü̃ cucuáxü̃ nax ngẽma cuxüxü̃” —ñanagürü.

Wenaxarü naxümatü ga Tupanaarü mugü 2:30

Natürü gumá ãẽ̱xgacü ga Chióü̃ rü tama norü naanewa tüxü̃ nachopetüxẽẽchaü̃, yerü nüma ga Cori ya tórü Tupana rü naãxẽwa nananguxẽxẽ nax tüxna nachúxãxü̃ca̱x nax norü naanewa ichopetüxü̃. Rü yemaacü nanaxü ga tórü Cori ya Tupana yerü nanaxwa̱xe nax yemaacü pexme̱xgu nanguxü̃ca̱x ga yema Amoréutanüxü̃arü ãẽ̱xgacü. Rü ngẽmaãcü pexme̱xwa nangẽxma i ñu̱xmax.

Iraétanüxü̃arü muxchiga 25:2

Rü nüma ga ngexü̃gü rü norü tupanagüca̱x ínangutaque̱xegüxü̃wa yema yatügüxü̃ nagagü. Rü nüma ga yema Iraétanüxü̃ rü natanüwa nachibüe rü ñu̱xũchi yema Moáanecüã̱xgüarü tupanaxü̃ nicua̱xüü̃gü.

Naanearü ügüchiga 27:14

Rü yexguma ga Acóbu rü nawa naxũ ga yema cabraxacügü rü naéca̱x yéma nanagagü. Rü ngĩma ga naé rü inamexẽxẽ ga õna ga idexechitanüxü̃ ga Ichaáa̱xwa chíxü̃.

Nüxíraxü̃xü̃ ga popera ga ãẽ̱xgacügüchiga 13:8

Natürü nüma ga orearü uruxü̃ rü ãẽ̱xgacüxü̃ nangãxü̃ga rü ñanagürü: —Woo chi norü ngãxü̃ i curü ngẽmaxü̃gü i cuchiü̃wa ngẽxmagüxü̃ choxna cuxãxgu, rü taxũchima cuwe charüxũ, rü taxũchima chachibü, rü taxũchima chaxaxe i ñaa nachicawa.

Wiyaegü 28:3

Rü tama chanaxwa̱xe i choxü̃ cupoxcu wüxigu namaxã i ngẽma chixexü̃ ügüxü̃. Rü nümagü rü mea tümamaxã naxãmücügüneta ya duẽxẽgü, natürü naãẽwa rü nagu narüxĩnüe nax ñuxãcü tüxü̃ yama̱xgüchaü̃xü̃.