Wiyaegü 140:1 - Tupanaarü Ore

^1-2 Pa Cori Pa Tupanax ¡naxme̱xwa choxü̃ ínanguxuchixẽxẽ i ngẽma chixexü̃ ügüxü̃ i duü̃xü̃gü! ¡Rü choxü̃ ínapoxü̃ nüxna i ngẽma máxwa̱xegüxü̃ rü ngẽma chixexü̃ca̱x daugüxü̃ i guxü̃ i oragu rü daixca̱x daugüxü̃!

Wiyaegü 140:1 Referans Kwoze

Wiyaegü 140:4

Pa Corix ¡choxna nadau naxcha̱xwa i ngẽma chixexü̃gu maxẽxü̃ i duü̃xü̃gü! ¡Rü choxü̃ ínapoxü̃ nüxna i ngẽma máxwa̱xegüxü̃ rü naxca̱x daugüxü̃ nax ñuxãcü tá chixexü̃gu choxü̃ nangu̱xẽẽgüxü̃!

Wiyaegü 18:48

Rü nüma rü naxme̱xwa choxü̃ ínanguxuchixẽxẽ i chorü uanügü i chomaxã nuexü̃. Rü cumax, Pa Corix, rü choxü̃ ícupoxü̃ nüxna i ngẽma choxü̃ ima̱xgüchaü̃xü̃.

Wiyaegü 71:4

Pa Chorü Tupanax ¡choxü̃ ínanguxuchixẽxẽ naxme̱xwa i ngẽma duü̃xü̃gü i chixexü̃gü i nuwa̱xegüxü̃ rü máxwa̱xegüxü̃!

Wiyaegü 140:11

¡Rü taxṹ i cunamaxẽxẽchaü̃xü̃ i ñoma i naanewa i ngẽma guxchigawa̱xexü̃! ¡Rü ngẽma máxwa̱xexü̃ rü nüxna nangu i ngẽma chixexü̃ nax ngẽma yamáxü̃ca̱x!

Wiyaegü 17:13

Pa Corix ¡ẽcü inachi rü nüxna nayuxu rü nadai i ngẽma chorü uanügü! ¡Curü taramaxã choxü̃ ínapoxü̃ nüxna i ngẽma duü̃xü̃gü i chixexü̃ ügüxü̃, rü yabuxmüxẽxẽ!

Wiyaegü 43:1

Pa Tupanax ¡mea choxü̃ nangugü! ¡Rü chauétüwa nachogü nape̱xewa i ñaa duü̃xü̃gü i tama yaxõgüxü̃! ¡Rü naxme̱xwa choxü̃ ínanguxuchixẽxẽ i ngẽma idorata̱xáxü̃ rü ngẽma chixexü̃gu rüxĩnüxü̃!