Wiyaegü 14:3 - Tupanaarü Ore

³ Natürü guxü̃ma i duü̃xü̃gü rü chixexü̃gu namaxẽ rü guxü̃ma wüxigu chixexü̃gu narüxĩnüe. Rü marü tataxuma ya texé ya mexü̃ ǘxe, rü bai ya wüxíe.

Wiyaegü 14:3 Referans Kwoze

Ichaía 53:6

Rü guxãma i yixema rü itarütauxe ñoma carnérugü irütauxexü̃rüxü̃. Yerü wüxichigü ga yixema rü nagu taxĩ ga tóxrütama ngúchaü̃. Natürü nüma ga Cori ya Tupana rü gumá norü duü̃cüxü̃ nayangexẽxẽ ga guxü̃ma ga tórü chixexü̃gü.

Ichaía 64:6

Rü guxãma i toma rü cupe̱xewa duü̃xü̃gü i ixãũãchixü̃ tixĩgü. Rü woo i ngẽma taxüxü̃ i toxca̱x mexü̃, rü cupe̱xewa rü ñoma wüxi i wexa i ãũãchixü̃rüxü̃ nixĩ. Rü guxãma chixexü̃gu tayi ñoma naixatügü i pagüxü̃ irüyi̱xixü̃rüxü̃. Rü torü chixexü̃gü rü toxü̃ nigagü ñoma buanecü i ta̱xacü ngextá cuegüxü̃rüxü̃.

Romanos 3:23

Rü guxãma rü pecadu taxü rü ngẽmaca̱x nüxna tayáxü̃gugü ya Tupana ya üünecü.

Wiyaegü 14:1

Rü ngẽma duü̃xü̃gü i naechitamare maxẽxü̃ rü nagu narüxĩnüe nax nataxuxü̃ ya Tupana. Rü guxü̃ma i ngẽma duü̃xü̃gü rü chixexü̃gu narüxĩnüe rü nanaxügü i ngẽma Tupanape̱xewa chixexü̃chixü̃. Rü bai i wüxi i mexü̃ üxü̃.

Yox 14:4

Rü taxúema tümamaxã nanguxü̃ nax wüxi i chixexü̃wa tanayaxuxü̃ i ta̱xacü i mexü̃.

Wiyaegü 58:3

Rü ngẽma chixexü̃gu maxẽxü̃ i duü̃xü̃gü rü woetama naéanüwa nixĩ i chixexü̃ nüxna nguxü̃. Rü ngẽma idorata̱xáxü̃ rü woetama nabuxgucürüwa rü ngẽma dora namaxã inacua̱x.

Efesios 2:3

Rü guxãma ga yixema rü yemaacü chixexü̃gu tamaxẽ ga ü̃pa. Rü tóxrütama ngúchaü̃ ga chixexü̃we tarüxĩ, rü nagu taxĩ ga yema taxü̃ne naxwa̱xexü̃ rü yema taãxẽ nagu rüxĩnüxü̃. Rü yemagagu tüxna nangu i ngẽma poxcu ya Tupana norü numaxã mexẽẽxü̃ naxca̱x i guxü̃ma i ngẽma tama naga ĩnüexü̃.

Wiyaegü 143:2

¡Rü taxṹ i choxna naxca̱x cucaxü̃ i chorü chixexü̃gü nax poxcu chomaxã cuxueguxü̃ca̱x! Erü cupe̱xewa rü tataxuma ya texé ya tama nüxü̃ cuáxe nax chixexü̃ taxüxü̃.

Echequié 36:25

Rü dexá i mechiüxü̃wa tá pexü̃ chixaiyagü. Rü guxü̃ma i perü chixexü̃wa tá pexü̃ chingematagüxẽxẽ. Rü ngẽma nax tupananetagümaxã petupanaã̱xgüxü̃ rü tá nüxna pexü̃ chixĩgachixẽxẽ nax ngẽmaãcü aixcüma pimexü̃ca̱x.

Yeremía 2:13

Rü ngẽma chorü duü̃xü̃gü rü taxre ga pecadu nixĩ ga chope̱xewa naxügüxü̃. Rü choxna nixĩgachi ga choma nax dexá i maxü̃xü̃ chixĩxü̃. Rü ñu̱xũchi nügüca̱x nanaxügü ga norü puchugü ga tama dexá nawa yexmaechaxü̃.

2 Corintios 7:1

Pa Chauenexẽgü ya Pexü̃ Changechaü̃güxex, ngẽmagü nixĩ i Tupanaarü unetagü i marü tüxü̃́ ngẽxmagüxü̃. Rü ngẽmaca̱x tanaxwa̱xe nax yigüna idaugüxü̃ nax tama taxünemaxã rü ẽ̱xna taãẽmaxã naxüxü̃ca̱x i ngẽma Tupanape̱xewa tama mexü̃. Rü tanaxwa̱xe i Tupanaxü̃ imuü̃exü̃ rü nüxna yigü ixãgüxü̃ nax naxca̱xicatama imaxẽxü̃ca̱x.

Wiyaegü 119:176

Choma rü ñoma wüxi i carnéru i rütaxuxü̃rüxü̃ chixĩ. ¡Rü nua naxũ nax cha̱u̱xca̱x cuyadauxü̃ca̱x, erü tama nüxü̃ charüngüma i curü mugü!

Ngu̱xẽẽtaeruü̃arü ore 7:29

Rü ñaaxicatama nixĩ i nüxü̃ ichayangauxü̃: Rü Tupana rü meama yatüxü̃ naxü, natürü nüma ya yatü rü nügüca̱x guxchaxü̃ ínanguxẽxẽ.

Wiyaegü 38:5

Rü choma rü tama chauãẽxü̃ chacua̱x, rü ngẽmagagu chorü o̱xri rü niyixi rü naxãxü̃chíxü.

Wenaxarü naxümatü ga Tupanaarü mugü 1:35

“Rü bai i wüxi i ñaa duü̃xü̃gü i chixecümagüxü̃ rü tá nüxü̃ nadaugü i ngẽma naane i mexü̃ ga norü o̱xigümaxã nüxü̃ chixuxü̃.

1 Corintios 6:5

Rü pemaxã nüxü̃ chixu i ngẽma ore nax pexãneexü̃ca̱x. ¿Ẽ̱xna tataxuma i petanüwa ya wüxíe ya nüxü̃ cuáxe nax tanamexẽẽxü̃ i ngẽma guxchaxü̃ i petanüwa ngẽxmaxü̃?

Ínachoxü̃xü̃chiga 12:30

Rü nüma ga Faraóü̃ rü norü ngü̃xẽẽruü̃gü rü guxü̃ma ga Equítuanecüã̱xgü rü ínarüdagü ga yema chütaxü̃gu. Rü poraãcü aita naxüe rü naxauxe ga guxü̃ma ga Equítuanewa, yerü guxü̃nema ga Equítuanecüã̱xpatawa rü nayu ga wüxi.

Ínachoxü̃xü̃chiga 8:31

Rü nüma ga Cori ya Tupana rü nanaxü ga yema Moiché naxca̱x íca̱xaxü̃. Rü yema mu̱xcügü rü Faraóü̃na rü norü ngü̃xẽẽruü̃güna rü guxü̃ma ga norü duü̃xü̃güna nixĩgachitanü.

Ngu̱xẽẽtaeruü̃arü ore 7:20

Natürü ñoma i naanewa rü tataxuma ya texé aixcüma mea maxü̃́xẽ rü guxü̃guma mexü̃ üxe rü taguma chixexü̃ üxe.