Wiyaegü 14:2 - Tupanaarü Ore

² Rü nüma ya Cori ya Tupana rü daxũguxü̃ i naanewa duü̃xü̃güxü̃ nadawenü nax nüxü̃ nadauxü̃ca̱x rü tayíxema ya tümaãẽxü̃ cuáxe rü Tupanaxca̱x dauxe.

Wiyaegü 14:2 Referans Kwoze

Romanos 3:11

Rü tataxuma ya texé ya aixcüma tümaãẽxü̃ cuáxe. Rü tataxuma ya texé ya aixcüma Tupanaca̱x dauxe.

Popera ga Yudíugü ga yaxõgüxü̃ca̱x ümatüxü̃ 11:6

Natürü taxuacüma Tupana tamaxã nataãxẽ ega tama nüxü̃́ yaxõgügu. Rü yíxema Tupanamaxã ãmücüchaü̃xe, rü tanaxwa̱xe nax tayaxõxü̃ nax Tupana rü aixcüma nangẽxmaxü̃ rü aixcüma tüxü̃ nangü̃xẽẽxü̃ ya yíxema naxca̱x daugüxe.

Danié 12:10

Rü muxü̃tama nawa nachopetü i ngẽma ngúxü̃gü i nüxü̃ chixuxü̃, natürü ngẽmawena rü Tupanape̱xewa rü mexü̃ i duü̃xü̃gü tá nixĩgü rü nataxutáma i chixexü̃ i nagu naxĩnüexü̃. Natürü ngẽma chixexü̃gu maxẽxü̃ i duü̃xü̃gü rü chixexü̃ tá naxügüama rü taxũtáma nüxü̃ nicua̱xãchi i ngẽma ngupetüxü̃. Natürü ngẽma yatügü i aixcüma cua̱x nüxü̃́ ngẽxmagüxü̃ rü tá meama nüxü̃ nacua̱xgü i guxü̃ma i ngẽma ngupetüxü̃.

Ore i mexü̃ ga Matéu ümatüxü̃ 13:15

Erü ngẽma duü̃xü̃gü rü tama nüxü̃ nacua̱xgüchaü̃ i chorü ore, rü ñoma napetamachi̱xegüxü̃rüxü̃ nixĩgü rü naxcha̱xwa napexetügü nax tama nüxü̃ nadaugüxü̃ca̱x i ngẽma mexü̃ i naxca̱x chaxüxü̃. Rü tama nüxü̃ naxĩnüechaü̃ i chorü ore, rü tama nüxü̃ nacua̱xgüchaü̃ nax choma chanaxwa̱xexü̃ãcüma namaxẽxü̃, rü tama cha̱u̱xca̱x nadaugüchaü̃ nax choma naxca̱x chayataanexẽẽgüxü̃ca̱x”, —ñanagürü.

Norü taxre ga to ga popera ga ãẽ̱xgacügüchiga ümatüxü̃ 19:3

Natürü nayexma ga ta̱xacü ga mexü̃ ga cuxüxü̃ ga Tupana naxca̱x cumaxã taãẽxü̃. Rü yema nixĩ nax nagu quipogügüxü̃ ga yema Acheráchicüna̱xãgü ga ñaa nachixü̃anewa yexmagüxü̃. Rü ñu̱xũchi nagu curüxĩnü nax Tupanaca̱x cudauxü̃ —ñanagürü.

Ucu̱xẽgüchiga 9:16

—Pa Ngextü̱xücügü i Tama Cua̱x Pexü̃́ Ngẽxmagüxe, ¡rü ngĩxã chauchiü̃wa taxĩ! Rü ngẽma dexá i naxca̱x ingĩ́xü̃ rü narüchi̱xmae, rü ngẽma paũ i cúãcü ingṍxü̃ rü nachi̱x —ñanagürü tüxü̃ ya yíxema tama íxuãẽgüxe.

Wiyaegü 82:5

Natürü i pemax, Pa Ãẽ̱xgacügüx, rü tama peãẽxü̃ pecua̱x rü peechitamare pemaxẽ. Rü ngẽmaca̱x nangẽxma i taxü̃ i chixexü̃ i petanüwa rü ngẽma duü̃xü̃gü i namaxã pecuáxü̃ rü pemaxã nanue.

Ichaía 63:15

Dücax, Pa Cori Pa Tupanax, cuma nax daxũguxü̃ i naanewa i üünexü̃ i nachicawa nax cumaxü̃xü̃ rü ¿ngexü̃ nixĩ nax aixcüma toxü̃ cungechaxü̃xü̃? ¿Rü ngexü̃ nixĩ i curü pora? ¿Rü ngexü̃ nixĩ nax yáxna tomaxã cuxĩnüxü̃? ¿Ẽ̱xna marü cuxü̃́ inayagu̱x nax cuxü̃́ tangechaxü̃tümüxü̃güxü̃?

Yeremía 4:22

Rü nüma ya Cori ya Tupana rü ñanagürü: —Ngẽma chorü duü̃xü̃gü rü tama naãẽxü̃ nicua̱x, rü tama choxü̃ nacua̱xgü. Rü ñoma nanegü i taxuwama imexü̃ rü tama nagu rüxĩnüexü̃rüxü̃ nixĩgü. Rü nüxü̃ nicua̱xüchi nax chixexü̃ naxügüxü̃, natürü tama nüxü̃ nacua̱xgü nax mexü̃ naxügüxü̃ —ñanagürü.

Ichaía 55:6

¡Rü naga pexĩnüe ya Cori ya Tupana rü ñoma rü ta pexna naxu! ¡Rü nüxna peca rü ñoma rü ta pexna nangaicama!

Ichaía 27:11

Rü ngẽma naixchacüxügü rü ngẽxguma yapagügu rü ngẽma ngexü̃gü rü norü üxüxü̃ nanade nax ngẽmamaxã naxãxü̃xü̃güxü̃ca̱x. Rü ngẽma duü̃xü̃gü rü nataxuma i norü cua̱x rü ngẽmaca̱x ya Tupana ya norü ngo̱xẽẽruxü̃ rü taxũtáma yáxna namaxã naxĩnü rü bai tá i namaxã yaxãũxãchixü̃.

Ichaía 8:19

Rü bexmana ngürüãchi i duü̃xü̃gü rü tá pexü̃ ñanagürügü: —¡Ngĩxã nüxna taca i ngẽma yuüxü̃ rü ngẽma nüxü̃ cuáxü̃ nax ígaãcüma yuetaãẽmaxã yadexagüxü̃! ¿Rü tama ẽ̱xna inamexü̃ nax wüxi ya ĩanecüã̱x i duü̃xü̃gü naxca̱x nadauxü̃ i norü tupanagüarü ucu̱xẽgü rü yuetagüarü ucu̱xẽgü nachiga i ngẽma maxẽxü̃?

Ucu̱xẽgüchiga 8:5

Pa Ngextü̱xücügü i Tama Ũãẽgüxü̃ rü Peechitamare Maxẽxe, ¡naxca̱x pengúe nax pexuãẽgüxü̃ rü aixcüma peãẽxü̃ pecuáxü̃!

Ucu̱xẽgüchiga 2:9

Ngẽxguma naga cuxĩnügu rü tá nüxü̃ cucua̱x i ngẽma nacüma i aixcüma we̱xguxü̃, rü tá naxca̱x cudau i ngẽma aixcüma mexü̃.

Wiyaegü 92:6

Rü ngẽma tama naãẽxü̃ icuáxü̃xicatama nixĩ i tama nüxü̃ cua̱xgüchaü̃xü̃ nax namexẽchixü̃ i curü puracü.

Ucu̱xẽgüchiga 9:4

Rü ñanagürü: —¡Nua pexĩ, Pa Ngextü̱xücügüx i Tauta Cua̱xwa Ngugüxü̃x —ñanagürü. Yexgumarüxü̃ ta nüxna naxu ga yema naechitamare maxẽxü̃, ñaxü̃maxã: —¡Nua pexĩ nax penangṍxü̃ca̱x i chorü paũ rü peyaxaxüxü̃ca̱x ya bínu ya pexca̱x chanamexẽxẽcü!

Wiyaegü 107:43

Rü yíxema tümaãẽxü̃ cuáxe rü name nixĩ i nagu tarüxĩnüxü̃ i ñaa tümamaxã nüxü̃ chixuxü̃ nax ngẽmaãcü nüxü̃ tacuáxü̃ca̱x nax poraãcü tüxü̃ nangechaü̃xü̃ ya tórü Cori ya Tupana.

Naanearü ügüchiga 18:21

Rü ngẽmaca̱x tá ngéma chaxũ nax íchayadauxü̃ca̱x rü aixcüma yixĩ i poraãcü chixexü̃ naxügüxü̃ ngẽma chomaxã nüxü̃ yaxugüexü̃rüxü̃, rü ngẽmaãcü tá nüxü̃ chacua̱x —ñanagürü.

Naanearü ügüchiga 11:5

Natürü nüma ga Cori ya Tupana rü ínarüxĩ nax íyadauãxü̃ca̱x ga guma ĩane rü yema torre ga duü̃xü̃gü íxügüxü̃.

Ichaía 64:1

¡Ẽcü ínangegü i ngẽma caixanexü̃ i dauxü̃wa ngẽxmaxü̃, Pa Tupanax, rü ngéma írüxĩ! Rü yima ma̱xpǘnegü rü tá naxĩã̱xãchitanü i ngẽxguma cungo̱xgu.

Wiyaegü 69:32

Rü yíxema naxĩ̱xãchiãẽgüxe rü tá tataãẽgü i ngẽxguma nüxü̃ tadaugügu nax chomaxã cutaãẽxü̃, Pa Tupanax. Rü yíxema cuxca̱x daugüxe rü tá yexera tüxü̃́ nangúchaü̃ nax cuwe tarüxĩxü̃.

Yox 15:14

Rü nataxuma i yatü i aixcüma mea maxü̃xü̃ rü bai i nangẽxmaxü̃ i yatü i ngearü chixexü̃ã́xü̃.

Wiyaegü 11:4

Natürü nüma ya Cori ya Tupana rü napata ya üünenewa nangẽxma. Rü nüma ya Cori rü daxũguxü̃ i naanewa nüxü̃́ nangẽxma i norü tochicaxü̃, rü ngéma meama ínadawenü rü nanangugü i duü̃xü̃gü.

Yeremía 5:1

Nüma ya Cori ya Tupana rü ñanagürü: —¡Yerucharéü̃arü namagügu pixĩagütanü, rü mea ngẽxma pidauagütanü, rü plázagügu naxca̱x pedau rü aixcüma tá tüxü̃ peyangau ya texé ya mea maxü̃́xẽ rü ixaixcümachaü̃xẽ! Rü ngẽxguma tá tüxü̃ ipeyangauxgu rü taxũtáma chanapoxcu ya Yerucharéü̃.