Wiyaegü 139:6 - Tupanaarü Ore

⁶ Rü guxü̃ma i ngẽma cua̱x rü chauãxẽ rü tama ningu nax nüxü̃ chacuáxü̃ i ngẽma. Rü ngẽma nax nataxüchixü̃ i ngẽma cua̱x rü tama nüxü̃ chacua̱x i ñuxãcü nax yixĩxü̃.

Wiyaegü 139:6 Referans Kwoze

Romanos 11:33

Rü guxü̃ma i ngẽma Tupanaarü mexü̃gü rü taxúema nüxü̃ tacua̱x i norü mu. Rü ngẽxgumarüxü̃ ta i norü cua̱x rü norü ĩnü rü taxúema nüxü̃ tacua̱x i ngẽma. Rü taxúema nüxü̃ tacua̱x i ngẽma nagu naxĩnüxü̃ rü naxüxü̃.

Yox 42:3

¿Rü cupe̱xewa rü ta̱xacü chixĩ i choma rü ngẽmaca̱x tama cuxü̃́ chanayaxuxü̃ i ngẽma curü ucu̱xẽgü? Rü ngẽmaãcü chanango̱xẽẽxü̃ nax taxuxü̃ma chacuáxü̃. Rü choma rü nachiga chidexa i ta̱xacü i ãũcümaxü̃ i tama nüxü̃ chacuáxü̃ i cuxicatama nüxü̃ cucuáxü̃.

Wiyaegü 40:5

Pa Cori Pa Chorü Tupanax, namuxũchima nixĩ ga yema mexü̃gü ga curü poramaxã cuxüxü̃. Rü namuxũchi ga yema mexü̃gü ga toxca̱x cuxüxü̃. Rü yema nax namuxũchixü̃, rü ngẽmaca̱x taxucürüwama nüxü̃ chixu i guxü̃ma ga yema mexü̃gü ga toxca̱x cuxüxü̃.

Yox 26:14

Rü guxü̃ma i ngẽma nüma naxüxü̃wa, rü ngẽma tüxü̃ nawéxü̃ rü wüxi i íxramarexü̃ nixĩ. Rü guxü̃ma i ngẽma nüma nüxü̃ yaxuxü̃wa rü ngẽma nüxü̃ ixĩnüexü̃ rü wüxi i ígamarexü̃ nixĩ. ¿Rü texé ẽ̱xna nüxü̃ tacua̱x nax ta̱xacüchiga yixĩxü̃ i ngẽma taxü̃ i duruanexü̃? —ñanagürü ga Biridá.

Wiyaegü 13:1

Pa Cori Pa Tupanax ¿Ñuxguratáta nüxü̃ curüchauxü̃ nax choxü̃ curüngü̃maxü̃? ¿Rü ñuxguratáta nüxü̃ curüchauxü̃ nax cha̱u̱xcha̱xwa iquicúxü̃?

Ucu̱xẽgüchiga 30:18

Nangexma i tomaepü̱x rüe̱xna ãgümücü i nacüma i choxü̃́ guxchaxü̃ nax nüxü̃ chacuáxü̃, rü ñaagü nixĩ: ñuxãcü dauxü̃gu yañaxü̃ i ngẽma ĩyü, rü ta̱xacümaxã nügü yatúmarexü̃ i ngẽma ãxtape, rü ñuxãcü mea natoxpe̱xexü̃ ya wapuru ya taxüchine i márwa, rü ñuxãcü wüxi i ngextü̱xücü rü wüxi i pacümaxã nügüxü̃́ nangúchaü̃güxü̃.