Wiyaegü 139:3 - Tupanaarü Ore

³ Rü ngẽma íchixũgüxü̃wa rü cuma rü nüxü̃ cucua̱x i guxü̃ma i ngẽma chaxüxü̃.

Wiyaegü 139:3 Referans Kwoze

Yox 31:4

¿Rü tama ẽ̱xna Tupana nüxü̃ nadau i ngẽma chaxüxü̃? ¿Rü tama ẽ̱xna nanangugü ega ngextá chaxũxgu?

Ngu̱xẽẽtaeruü̃arü ore 12:14

Erü nüma rü tá tüxna naca naxca̱x i guxü̃ma i ta̱xacü ixüxü̃, woo mexü̃ rüe̱xna chixexü̃, rü woo cúãcü ixüxü̃.

Wiyaegü 139:18

Rü ngẽxguma chi chayaxugügu i ngẽma curü ĩnügü i cha̱u̱xca̱x nagu curüxĩnüxü̃ rü naxnecüte̱xearü yexera chi nixĩ i norü mu. Rü woo ngẽxguma pa̱xmama chaba̱i̱xãchigu rü ngẽxguma rü ta chaugu curüxĩnü.

Ichaía 29:15

¡Rü tügümaxã tangechaü̃gü ya yíxema Cori ya Tupanacha̱xwa tügü icu̱xgüchaü̃xe wüxigu namaxã i tümaarü chixexü̃ i ẽanexü̃wa taxügüxü̃! Erü ñatagürügü: —Taxúema tüxü̃ tadau rü taxúema nüxü̃ tacua̱x i ngẽma ixügüxü̃ —ñatagürügü.

2 Chamué 11:27

Natürü yexguma marü nangupetüxgu ga nax naxaurexü̃, rü nüma ga Dabí rü nachiü̃wa ngĩxca̱x nangema, rü naxma̱xü̃ ngĩxü̃ nixĩxẽxẽ, rü nüxü̃́ ixãxacü. Natürü nüma ga Cori ya Tupana rü tama namaxã nataãxẽ ga yema Dabí üxü̃.

Ore i mexü̃ ga Cuáü̃ ümatüxü̃ 13:21

Rü yexguma yema ñaxguwena ga Ngechuchu rü poraãcü ngechaü̃ nüxü̃́ nangu̱x, rü meama nananango̱xẽxẽ, rü ñanagürü: —Aixcüma pemaxã nüxü̃ chixu rü wüxíe i petanüwa tá nixĩ i bexma choxü̃ íxuaxü̃xü̃ —ñanagürü.

Ore i mexü̃ ga Cuáü̃ ümatüxü̃ 13:2

Natürü ga Chataná rü marü Yúda ga Chimóü̃ ga Icharióte nanena nangu nax bexma Ngechuchuxü̃ ínaxuaxü̃xü̃ca̱x. Rü Ngechuchu rü marü nüxü̃ nacua̱x ga Nanatüxü̃tawa nax ne naxũxü̃ rü wena táxarü Nanatüca̱x nax nataeguxü̃. Rü nüxü̃ nacua̱x ga Nanatü rü naxme̱xgu nax naxüaxü̃ ga guxü̃ma ga pora. Rü yemaca̱x ga yema chütaxü̃gu ga yexguma mechawa ínachibüeyane, rü inachi ga Ngechuchu. Rü ínacuxuchi ga norü gáuxü̃chiru, rü wüxi ga tuayamaxã nügü nigoye.

2 Chamué 8:14

Rü yemawena rü guxü̃ma ga Edóü̃arü naanegu nanaxü ga norü churaragüpatagü. Rü yemaacü guxü̃ma ga Edóü̃tanüxü̃ rü Dabíme̱xẽwa nayexmagü. Rü ngextá Dabí íxũxü̃wa rü nüma ga Cori ya Tupana rü norü uanüxü̃ nanaporamaexẽxẽ.

Ore i mexü̃ ga Matéu ümatüxü̃ 3:12

Rü nüma rü marü ínamemare nax ñoma i naanewa yadexechiãxü̃ca̱x i norü duü̃xü̃gü ñoma wüxi i yatü trigu naatüna idexechixü̃rüxü̃. Rü ngẽmaãcü tá nayadexechi i ngẽma noxrü ixĩgüxü̃ nax naxü̃tawa nangẽxmagüxü̃ca̱x, natürü ngẽma tama noxrü ixĩgüxü̃ rü tá ínanagu nawa ya yimá üxü ya taguma ixoxü̃ne”, ñanagürü ga Cuáü̃.

Yox 23:10

Natürü nüma rü nüxü̃ nacua̱x nax ñuxãcü yixĩxü̃ i chorü maxü̃. Rü ngẽxguma choxü̃ naxü̱xgu rü ñoma úiru i ngearü ãũãchiã́xü̃rüxü̃ tá chixĩ.

Wiyaegü 119:168

Rü choma rü meama naga chaxĩnü i curü ucu̱xẽgü rü curü mugü. Rü cuma rü meama nüxü̃ cucua̱x i guxü̃ma i chaucüma. -22-