Wiyaegü 139:18 - Tupanaarü Ore

¹⁸ Rü ngẽxguma chi chayaxugügu i ngẽma curü ĩnügü i cha̱u̱xca̱x nagu curüxĩnüxü̃ rü naxnecüte̱xearü yexera chi nixĩ i norü mu. Rü woo ngẽxguma pa̱xmama chaba̱i̱xãchigu rü ngẽxguma rü ta chaugu curüxĩnü.

Wiyaegü 139:18 Referans Kwoze

Wiyaegü 3:5

Rü ngẽmaca̱x ichaca, rü mea chape, rü taãẽãcü chaba̱i̱xãchi, erü nüma ya Cori ya Tupana rü choxna nadau.

Wiyaegü 139:3

Rü ngẽma íchixũgüxü̃wa rü cuma rü nüxü̃ cucua̱x i guxü̃ma i ngẽma chaxüxü̃.

Wiyaegü 40:5

Pa Cori Pa Chorü Tupanax, namuxũchima nixĩ ga yema mexü̃gü ga curü poramaxã cuxüxü̃. Rü namuxũchi ga yema mexü̃gü ga toxca̱x cuxüxü̃. Rü yema nax namuxũchixü̃, rü ngẽmaca̱x taxucürüwama nüxü̃ chixu i guxü̃ma ga yema mexü̃gü ga toxca̱x cuxüxü̃.

Wiyaegü 17:15

Natürü i chomax rü ngẽma namaxã chataãẽxü̃ nixĩ nax cuxü̃ tá chadauxü̃ rü cuxü̃tawa tá changexmaxü̃ i ngẽxguma tá ícharüdaxgux.

1 Tesalonicenses 5:10

Rü Ngechuchu ya Cristu rü taxca̱x nayu nax wüxigu namaxã imaxẽxü̃ca̱x i daxũguxü̃ i naanewa. Rü woo marü iyueyane ínanguxgu rüẽ̱xna imaxẽyane ínanguxgu, rü wüxiwa tá namaxã tamaxẽ.

Danié 12:2

Rü guxü̃ma i marü yuexü̃ rü tá ínarüdagü. Rü nümaxü̃ rü maxü̃ i taguma gúxü̃ca̱x tá ínarüdagü, rü togü rü ãneca̱x rü poxcuca̱x tá ínarüdagü.

Ichaía 26:19

Natürü curü duü̃xü̃gü tixĩgü rü woo tanoxree̱xpü̱x i ñu̱xmax, natürü wena tá timu. Rü woo togü tomaxã inacua̱x i ñaa naanewa, natürü wüxi i ngunexü̃ tá nüxna ítanguxü̃ rü taãẽmaxã tá tawiyaegü. Rü cuma rü tá toxü̃ quimuxẽxẽ rü maxü̃ tá toxna cuxã ñoma cherena rü pa̱xmama tonetüna maxü̃ ãxü̃rüxü̃.

Wiyaegü 40:12

Rü ngẽma muxũchixü̃ i chorü pecadugü rü choxü̃ niyauxgü rü taxucürüwama nüxna chiña. Rü ngẽma chorü pecadugü rü chauyaexü̃ narümumae rü ngẽmagagu ichayanguãxẽ.

Wiyaegü 40:6

Cuma rü tama namaxã cutaãxẽ nax ta̱xacü cuxca̱x ínaguxü̃, rü ãmaregü i cuxna naxãgüxü̃. Rü tama naxca̱x ícuca i ãmaregü i cuxca̱x ínaguxü̃ rü ãmaregü i pecaduarü ütanüruxü̃ ixĩgüxü̃. Natürü cuma rü cuyawaxna i chauxchi̱xẽ nax cuxü̃́ ichaxĩnüxü̃ca̱x.