Wiyaegü 139:15 - Tupanaarü Ore

¹⁵ Rü taxuxü̃ma cuxca̱x naxẽxü̃gu ga yexguma chauéanüwa noxri chanaxĩxĩchigu rü chiyachigügu ga taxúema choxü̃ ídauxü̃wa.

Wiyaegü 139:15 Referans Kwoze

Ngu̱xẽẽtaeruü̃arü ore 11:5

Rü ngẽxgumarüxü̃ nax tama nüxü̃ cucuáxü̃ nax ngextá naxũxü̃ ya buanecü rü tama nüxü̃ cucuáxü̃ nax ñuxãcü tangóxü̃ ya wüxi ya buxe i tümaéanüwa, rü ngẽxgumarüxü̃ ta tama nüxü̃ cucua̱x nax ñuxãcü Tupana ya guxü̃arü üruxü̃ ixĩcü naxüxü̃ i guxü̃ma i ngẽma ngẽxmaxü̃.

Wiyaegü 139:13

Rü cuma nixĩ ga cunaxüxü̃ i ñaa chaxune. Rü cuma nixĩ ga chauéanüwa choxü̃ cuxüxü̃.

Wiyaegü 63:9

Rü ngẽma chorü uanügü i choxü̃ ima̱xgüchaü̃xü̃ rü taramaxã tá nadai rü ngẽma airugü i dauxchitacüã̱x tá nanangõ̱xgü.

Efesios 4:9

Rü ñu̱xma Pa Chauenexẽgüx, rü pexna chaca, rü ¿ta̱xacüchiga nixĩ i ngẽma ore i “Daxũwa naxũ”, ñaxü̃? Rü dücax, ngẽmawa nüxü̃ tacua̱x ga noxri rü ñoma ga naanegu nax ínaxĩxü̃ ga nümax.

Ínachoxü̃xü̃chiga 11:5

Rü ngẽxguma rü tá nayu i nane i nüxíraxü̃xü̃ i wüxichigü i Equítucüã̱xpatawa. Rü Faraóü̃ nane ya nüxíraxü̃cüwa tá inaxügü rü ñu̱xmatáta nawa nangu ya yima ngĩne ya nüxíraü̃cü i ngẽma nge i camütaewa puracücü. Rü ngẽxgumarüxü̃ tá ta nayue i guxü̃ma i naxü̃naxacügü i yatüxü̃ i nüxíraxü̃güxü̃.

Yeremía 1:5

—Yexguma taxũta cuxü̃ chango̱xẽẽgu rü woetama marü choma cuxü̃ chaxuneta. Rü naxü̃pa nax cubuxü̃ rü choma rü marü cuxü̃ chayaxu rü nachixü̃anegüarü orearü uruxü̃ cuxü̃ chixĩxẽxẽ —ñanagürü.