Wiyaegü 139:14 - Tupanaarü Ore

¹⁴ Rü ngẽmaca̱x cuxü̃ chicua̱xüxü̃ naxca̱x nax ñuxãcü choxü̃ cuxüxü̃, erü curü ü rü namexẽchi. Rü ngẽma rü meama nüxü̃ chacua̱x.

Wiyaegü 139:14 Referans Kwoze

Wiyaegü 111:2

Rü guxü̃ma i ngẽma Cori ya Tupana üxü̃ rü nataxüchi. Rü yíxema aixcüma namaxã taãẽxe i ngẽma Tupana üxü̃ rü nawa tangu̱x.

Wiyaegü 104:24

Rü namuxũchi i ngẽma cuxüxü̃, Pa Corix. Rü guxü̃ma i ngẽma cuxüxü̃ rü namexẽchi erü cumatama curü cua̱xmaxã cunaxü. Rü guxü̃ma i ngẽma cuxüxü̃ rü namaxã nanapá i ñoma i naane.

Yox 5:9

Erü nüma ya Cori ya Tupana rü muxü̃ma i taxü̃ i mexü̃gü naxü. Rü yixema rü tama nüxü̃ tacua̱x nax ñuxãcü naxüaxü̃ i ngẽma.

Wiyaegü 40:5

Pa Cori Pa Chorü Tupanax, namuxũchima nixĩ ga yema mexü̃gü ga curü poramaxã cuxüxü̃. Rü namuxũchi ga yema mexü̃gü ga toxca̱x cuxüxü̃. Rü yema nax namuxũchixü̃, rü ngẽmaca̱x taxucürüwama nüxü̃ chixu i guxü̃ma ga yema mexü̃gü ga toxca̱x cuxüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 15:3

Rü nagu tawiyaegü ga Moiché ga Tupanaarü duü̃arü wiyae. Rü yexgumarüxü̃ ta nagu tawiyaegü ga gumá Carnéruxacüarü wiyae ga ñaxü̃: “Pa Torü Cori ya Tupana ya Guxü̃étüwa Ngẽxmacüx, nataxüchi rü namexẽchi i guxü̃ma i ngẽma cuxüxü̃. Rü curü ĩnü rü aixcüma nawe̱xgu rü taguma quidora, Pa Guxü̃ i Nachixü̃anegümaxã Icuácü.

Wiyaegü 92:6

Rü ngẽma tama naãẽxü̃ icuáxü̃xicatama nixĩ i tama nüxü̃ cua̱xgüchaü̃xü̃ nax namexẽchixü̃ i curü puracü.