Wiyaegü 139:11 - Tupanaarü Ore

^11-12 Rü ngẽxguma chi nagu charüxĩnügu nax ẽanexü̃gu chicúxü̃ rüe̱xna ngẽma ngóonexü̃ rü ẽanexü̃xü̃ yanguxuchigu, rü ngẽma ẽanexü̃ rü taxucürüwama cuxcha̱xwa choxü̃ inicu̱x, erü ngẽma ẽanexü̃ rü ñoma nangunexü̃rüü̃tama nixĩ i cuxca̱x. Rü ngẽma ẽanexü̃ rü ngẽma ngóonexü̃ rü cuxca̱x rü nawüxigumare.

Wiyaegü 139:11 Referans Kwoze

Yox 12:22

Rü nanango̱xẽxẽ i ngẽma ẽxü̃guxü̃ i meama icúxü̃. Rü ngóxü̃wa nanange i ngẽma ẽanexü̃wa ngẽxmagüxü̃.

Wiyaegü 94:7

Rü nümagü rü ñanagürügü: —Yimá Cori ya Acóbuarü Tupana rü tama nüxü̃ nadau i ngẽma ixüxü̃ rü taxũtáma nüxü̃ nacua̱x —ñanagürügü.

Ichaía 29:15

¡Rü tügümaxã tangechaü̃gü ya yíxema Cori ya Tupanacha̱xwa tügü icu̱xgüchaü̃xe wüxigu namaxã i tümaarü chixexü̃ i ẽanexü̃wa taxügüxü̃! Erü ñatagürügü: —Taxúema tüxü̃ tadau rü taxúema nüxü̃ tacua̱x i ngẽma ixügüxü̃ —ñatagürügü.

Nüxíraxü̃xü̃ ga popera ga ãẽ̱xgacügüchiga 3:20

Rü yexguma ga ngĩma rü bexma ngãxü̃cü íirüda. Rü yexguma choma íchapeyane rü bexma chauechita tüxü̃ iyaxu ga guxema chauxacüxe rü ngĩgüxü̃tagu tüxü̃ iyacaxẽxẽ. Rü guxema ngĩxacüxe ga yuxe rü chauxü̃tagu tüxü̃ iyacaxẽxẽ.

Yox 34:22

Rü nataxuma i ta̱xacü i waanexü̃ i Tupanacha̱xwa yadüxüxü̃ i wüxi i duü̃xü̃ i chixexü̃arü üruxü̃.