Wiyaegü 136:9 - Tupanaarü Ore

⁹ Rü nüma rü nanaxü ga tauemacü rü ẽxtagü nax chütacü nabáixgüxü̃ca̱x. Erü ngẽma norü ngechaü̃ rü taguma inayagu̱x.

Wiyaegü 136:9 Referans Kwoze

Wiyaegü 8:3

Rü ngẽxguma chütacü daxũgu chadawenügu, rü nüxü̃ chadau ya tauemacü rü ẽxtagü i cuxme̱xmaxã cuxüxü̃ i daxũwa cungexmagüxẽẽxü̃. Rü ngẽxguma chaugüna chaca rü ñachagürü: —¿Ta̱xacüca̱x nagu curüxĩnüxü̃ ya yimá yatü? ¿Rü tü̱xcüü̃ naxca̱x cuxoegaãxẽxü̃? —ñachagürü.

Yox 31:26

Rü woo nüxü̃ chadau nax poraãcü inabáxixü̃ ya üa̱xcü rü norü ngóonexü̃maxã iyanagoxü̃ ya tauemacü, natürü i chomax rü taguma bexma nüxü̃ chicua̱xü̃xü̃ rü taguma cho̱xme̱xmaxã nüxü̃ chachúxu.

Naanearü ügüchiga 1:16

Rü yemaacü nanaxü ga yema taxre ga nangóonexẽẽruxü̃ ga üa̱xcü rü tauemacü, rü ngẽma rütamaexü̃ nax ngunecü inabáxixü̃ca̱x, rü ngẽma rüxíramaexü̃ nax chütacü inabáxixü̃ca̱x. Rü nanaxü ta ga ẽxtagü.

Wiyaegü 74:16

Rü cuma nixĩ ga cuxüxü̃ ga ngunexü̃ rü chütaxü̃. Rü yimá tauemacü rü üa̱xcü, rü cuma nixĩ ga namaxü̃gu cuyaxũxẽẽchigüxü̃ ga wüxichigü.

Yeremía 31:35

Rü choma ya Cori ya Tupana nixĩ ga chanango̱xẽẽxü̃ ya üa̱xcü nax ngunecü inabaxixü̃ca̱x. Rü choma nixĩ i chanango̱xẽẽxü̃ ga tauemacü rü ẽxtagü rü woramacurigü nax chütacü inabáxigüxü̃ca̱x. Rü choma nixĩ i chanayuapexẽẽxü̃ i ngẽma már nax naxãũgaxü̃ca̱x ya norü yuapegü. Rü chauéga rü “Cori ya Tupana ya Guxü̃étüwa Ngẽxmacü” nixĩ. Rü ñachagürü: