Wiyaegü 136:5 - Tupanaarü Ore

⁵ Rü nüma nixĩ i norü cua̱xmaxã naxüaxü̃ i daxũguxü̃ i naane. Erü ngẽma norü ngechaü̃ rü taguma inayagu̱x.

Wiyaegü 136:5 Referans Kwoze

Naanearü ügüchiga 1:1

Yema Tupana namaxã inaxügüxü̃ nixĩ nax naxüaxü̃ ga guxü̃ma i daxũwa ngẽxmaxü̃ rü ñoma i naane. Natürü ñaa naane ga noxri rü taxũta mea nango̱x yerü dexátüü̃wa nayexma rü naxẽanemare. Rü nüma ga Tupanaãxẽ rü naétügu ínachü̱xüxüxü̃.

Wiyaegü 104:24

Rü namuxũchi i ngẽma cuxüxü̃, Pa Corix. Rü guxü̃ma i ngẽma cuxüxü̃ rü namexẽchi erü cumatama curü cua̱xmaxã cunaxü. Rü guxü̃ma i ngẽma cuxüxü̃ rü namaxã nanapá i ñoma i naane.

Yeremía 51:15

Nüma ya Cori ya Tupana rü norü poramaxã nanaxü ga ñoma ga naane. Rü norü cua̱xmaxã wüxiwa nanangexmaxẽxẽ. Rü yexgumarüxü̃ ta norü cua̱xmaxã nayangeechi ga daxũguxü̃ ga naane.

Wiyaegü 33:6

Rü nüma ga Cori ya Tupana rü norü dexamaxã nanaxü ga daxũguxü̃ i naane rü norü cue ñaxü̃maxã nanaxü ga guxü̃ma i ẽxtagü i ngéma ngẽxmagüxü̃.

Yeremía 10:12

Cori ya Tupana rü norü poramaxã nanaxü ga ñoma i naane. Rü norü cua̱xmaxã nanamexẽxẽ. Rü yexgumarüxü̃ ta norü cua̱xmaxã nayangeechi ga daxũguxü̃ i naane.

Naanearü ügüchiga 1:7

Rü yemaacü Tupana nanaxüchicaane ga yexguma yaxũgachixẽẽã̱xgu ga yema cherena nüxna ga yema dexá ga ñaa naanewa yexmaxü̃. Rü daxũwa nayexma ga caixanexü̃ rü yematüü̃wa ga dexá.

Naanearü ügüchiga 1:8

Rü Tupana rü yema daxũwa yexmaxü̃ rü ngo̱xmaanexü̃maxã nanaxu. Rü yemaacü ningu ga norü taxre ga ngunexü̃.

Wiyaegü 134:3

¡Rü nüma ya Cori ya Tupana ya daxũguxü̃ i naane rü ñoma i naanearü üruxü̃, rü yima ma̱xpǘne ya Chióü̃wa cuxca̱x ne nanamu i norü ngü̃xẽxẽ!