Wiyaegü 136:16 - Tupanaarü Ore

¹⁶ Rü ñu̱xũchi nüma nixĩ ga yema naane ga taxúema nagu ãpataxü̃gu yagagüãxü̃ ga yema norü duü̃xü̃gü ga Iraétanüxü̃. Erü ngẽma norü ngechaü̃ i Iraétanüxü̃ca̱x rü taguma inayagu̱x.

Wiyaegü 136:16 Referans Kwoze

Wenaxarü naxümatü ga Tupanaarü mugü 8:15

Rü gumá nixĩ ga nagu pexü̃ ĩxẽẽcü ga yema taxü̃ ga chianexü̃ ga ãũcümaxü̃ ga ãxtapegü rü tuxchinawegü nawa muxü̃, rü dexá nawa taxuxü̃. Natürü ga nüma ga Cori ya Tupana rü nuta ga taicüwa dexá ínanagoxü̃chíüxẽxẽ rü yemawa pexü̃ naxaxegüxẽxẽ.

Ínachoxü̃xü̃chiga 15:22

Moiché rü yema Iraétanüxü̃maxã yema Már ga Dauchíüxü̃na nixĩgachi. Rü chianexü̃ ga Chúxgu ãégaxü̃wa naxĩ. Rü tomaepü̱x ga ngunexü̃ inaxĩ rü tama dexáxü̃ inayangaugü.

Ínachoxü̃xü̃chiga 13:18

Rü yemaca̱x ga Tupana rü yema nama ga Már ga Dauchíüxü̃anacügu idaxü̃guama namaxã ínayaxüegu ñu̱xmata yema ínachianexü̃wa nachopetü. Rü nüma ga Iraétanüxü̃ rü ñoma churaragürüxü̃ meama nichima ga yexguma Equítuanewa ínachoxü̃xgu.

Wiyaegü 77:20

Rü cunamu ga Moiché rü Aróü̃ nax yagagüãxü̃ca̱x ga curü duü̃xü̃gü ñoma carnérugü igagüxü̃rüxü̃.

Wenaxarü naxümatü ga Tupanaarü mugü 8:2

¡Rü nüxna pecua̱xãchie ga ñuxãcü Cori ya Tupana rü 40 ga taunecü yema chianexü̃gu pexü̃ nimugü! Rü pexü̃ naxãneexẽxẽ rü pexü̃ naxü nax nüxü̃ nacuáxü̃ca̱x rü aixcüma naga tá pexĩnüe rü tá peyangu̱xẽxẽ i norü mugü rüe̱xna tama.

Ichaía 49:10

Rü taxũtáma petaiyae rü pita̱xawae rü taxũtáma üa̱xcü pexü̃́ nangu̱x, erü choma rü pexü̃ changechaü̃ rü pemaxã ichacua̱x, rü dexá íngẽxmaxü̃wa tá pexü̃ chagagü.

Neemía 9:19

Rü cuma rü poraãcü nüxü̃ cungechaü̃ rü yemaca̱x tama chianexü̃wa cunawogü. Rü yemaca̱x ga yema caixanexü̃ rü tama nüxna nixũgachi ga ngunecü nax yemawa nüxü̃ nacua̱xgüxü̃ca̱x nax ngextá ta naxĩxü̃ ga namawa. Rü woo ga chütacü rü tama nüxna nixũgachi ga yema üxüema ga dauxü̃wa naxca̱x cungo̱xẽẽxü̃ nax yema nüxü̃ ibáixmaxü̃güxü̃ca̱x nax nüxü̃ nacua̱xgüxü̃ca̱x ga nama ga nagu naxĩxü̃.

Neemía 9:12

Rü ñu̱xũchi wüxi ga caixanexü̃maxã nüxü̃ nüxü̃ cucua̱xẽxẽ nax nüxü̃ nacua̱xgüxü̃ca̱x ga nama ga nagu naxĩxü̃ ga ngunecü. Rü chütacü rü dauxü̃wa wüxi ga üxüema naxca̱x cungo̱xẽxẽ nax yemamaxã cuyabáixmaxü̃xü̃ca̱x nax nüxü̃ nacua̱xgüxü̃ca̱x ga nama ga nagu naxĩxü̃.

Wenaxarü naxümatü ga Tupanaarü mugü 11:5

¡Rü nüxna pecua̱xãchie ta ga guxü̃ma ga yema chianexü̃wa pexca̱x naxüxü̃ ñu̱xmata nua pengugü!