Wiyaegü 135:8 - Tupanaarü Ore

⁸ Rü nüma nixĩ ga nũxcüma nadaiaxü̃ ga yema Equítuanecüã̱x nanegü ga nüxíraxü̃xü̃ rü nadaiaxü̃ ga yema nüxíraxü̃xü̃ ga naxü̃naxacügü.

Wiyaegü 135:8 Referans Kwoze

Wiyaegü 78:51

Rü yema naanewa rü guxü̃nema ga ĩpatawachigü rü nayama̱x ga yema Equítuanecüã̱x nane ga nüxíraxü̃xü̃.

Ínachoxü̃xü̃chiga 12:12

Erü choma rü ngẽma chütaxü̃ rü nua Equítuanewa tá chaxüpetü. Rü wüxichigü ya Equítuanecüã̱xarü ĩpatawa tá chayama̱x ya yimá nüxíraü̃cü ya nanegü rü nüxíraxü̃xü̃ i naxü̃naxacügü i yatüxü̃. Rü tá ngẽma Equítuanecüã̱xgüxü̃ nüxü̃ chadauxẽxẽ nax ngẽma namaxã natupanaã̱xgüxü̃ rü yangearü poraáxü̃ nax naétüwa nachogüxü̃. Erü chomatama ya Tupana nixĩ i chanaxueguxü̃ i ngẽma chaxüxü̃.

Wiyaegü 105:36

Rü yemawena rü wüxichigü ga Equítuanecüã̱xpatawa rü nanadai ga nüxíraxü̃xü̃ ga nane.

Wiyaegü 136:10

Rü nüma nixĩ ga nadaiaxü̃ ga nüxíraxü̃güxü̃ ga nanegü ga yema Equítuanecüã̱xgü. Erü ngẽma norü ngechaü̃ i Iraétanüxü̃ca̱x rü taguma inayagu̱x.

Ínachoxü̃xü̃chiga 13:15

Rü yexguma nüma ga Faraóü̃ nügü nataixarü maxü̃neã̱xẽẽgu rü tama toxü̃ ínamuxü̃chaü̃gu ga Equítuanewa rü Cori ya Tupana rü tanapoxcue ga Equítuanecüã̱xgü ga duü̃xü̃gü. Rü nanadai ga nanegü ga nüxíra buexü̃ ga wüxichigü ga ĩpatawa, rü ñu̱xũchi naxü̃naxacügü ga iyatüxü̃ ga nüxíra buexü̃. Rü ngẽmaca̱x nixĩ i ñu̱xma i toma rü guxü̃ma i naxü̃naxacügü i iyatüxü̃ i nüxíra buexü̃ rü Cori ya Tupanaca̱x tanada̱i̱xü̃ nax ngẽmaãcü Tupanana tanaxãmarexü̃ca̱x nachicüxü ya tone ya nüxíraü̃cü.

Ngechuchuarü ngúexü̃gü ga yamugüxü̃arü puracüchiga 7:7

Natürü choma rü tá chanapoxcue i ngẽma nachixü̃anecüã̱x i duü̃xü̃gü i cutaagü norü mugüruü̃xü̃ yaxĩgüxẽẽxü̃. Rü ngẽmawena i cutaagü rü tá ínachoxü̃ nawa i ngẽma nachixü̃ane, rü nua ñaa nachicawa tá choxü̃ nicua̱xüü̃gü”, ñanagürü ga Tupana.