Wiyaegü 135:7 - Tupanaarü Ore

⁷ Rü nüma rü guxü̃wama i ñoma i naanewa nayachü̱xüxãchixẽxẽ ya cherena. Rü nanayauneanecüüxẽxẽ nax ngẽmawa nüxü̃ icuáxü̃ca̱x nax napuxchaü̃xü̃. Rü ngẽma ngextá namaxã ínanguxü̃xü̃wa ya buanecü rü inanamuãchi.

Wiyaegü 135:7 Referans Kwoze

Yeremía 10:13

Rü ngẽxguma yadexaxgu rü dauxü̃wa nayacuxcuxẽxẽ ya pucü. Rü ñoma i naane íyacuáxü̃wa ngẽxmagüxü̃ i caixanexü̃gü rü ínanangu̱xẽxẽ. Rü pucügu rü ãẽmacügümaxã nanangóonexẽxẽ. Rü ngẽma ngextá namaxã ínanguxü̃xü̃wa rü inanamuãchi ya buanecü.

Chacaría 10:1

¡Ngẽxguma yapaanegu rü Cori ya Tupanana peca nax pexca̱x napuxẽẽãxü̃ca̱x! Rü nüma ya Cori ya nango̱xẽẽcü i ba̱i̱xbeane rü tacü ya pucü tá pexca̱x ínanguxẽxẽ. Rü peanewa rü tá nanaxüxẽxẽ ya maxẽ.

Yeremía 51:16

Rü duruanexü̃maxã nanapuxẽxẽ ya pucü. Rü nüma rü yáxü̃wa nanaxĩnagüxẽxẽ i caixanexü̃gü. Rü pucüétüwa nayaba̱i̱xbe̱xẽxẽ ya ãẽmacügü. Rü ngẽma namaxã ínanguxü̃xü̃wa ne nanaxũxẽxẽ ya buanecü.

Ore i mexü̃ ga Cuáü̃ ümatüxü̃ 3:8

Yimá buanecü rü ínanaxwa̱xexü̃wa nabu. Rü nüxü̃ cuxĩnü i naga, natürü tama nüxü̃ cucua̱x nax ngextáama ne naxũxü̃ rü ngextáama nax naxũxü̃. Rü ngẽxgumarüxü̃ ta tixĩgü ya guxãma ya yíxema Naãxẽ ya Üünexü̃wa nayaxúxe i maxü̃ i ngexwaca̱xü̃xü̃ —ñanagürü.

Wiyaegü 148:8

Rü name nixĩ i nüxü̃ picua̱xüü̃gü, Pa Ãẽmacü, rü Gáuxü̃ i Ãpü̱xüxü̃, rü Gáuxü̃ i Ãte̱xexü̃, rü Cherena, rü Tacü ya Buanecü ya Tupanaarü Ngúchaü̃ Ücüx.

Yoná 1:4

Natürü nüma ga Cori ya Tupana rü wüxi ga buanecü ga tacü inanaxǘxẽxẽ ga yexguma már arü ngãxü̃tüwa nanguxgu. Rü guma wapuru rü ñoma yapuxchaü̃xü̃rüxü̃ nixĩ, yerü nataxüchi ga yuape.

Yeremía 14:22

Pa Cori ya Tupana, nataxuma i tupananetachicüna̱xã i cuxrüxü̃ nüxü̃ cuáxü̃ nax napuxẽẽãxü̃. Rü taxucürüwa i dauxü̃guxü̃ i naane nüechamatama nanapuxẽxẽ. Rü cuma nixĩ i ícunanguxẽẽxü̃ ya pucü, rü cuma nixĩ i cunaxüxü̃ i guxü̃ma i ta̱xacü i ngẽxmaxü̃. Rü cuma nixĩ i aixcüma torü Tupana quixĩxü̃. Rü ngẽmaca̱x nixĩ i cuxü̃tawa ítayanguxẽẽxü̃ i curü ngü̃xẽxẽ —ñanagürü ga Yeremía.

Wiyaegü 107:25

Rü nüma ga Cori ya Tupana rü nanamu nax inaxüxü̃ca̱x ga buanecü rü yexguma rü tacü ga yuape inaxǘ.

Yox 5:10

Rü nüma nixĩ i ñoma i naanegu napuxẽẽãxü̃, rü yimá pucümaxã nixĩ i yaxaiyagüaxü̃ i naanegü.

Nüxíraxü̃xü̃ ga popera ga ãẽ̱xgacügüchiga 18:1

Rü yema taunecügü rü nigúchigü. Rü tomaepü̱x ga taunecüguwena, rü nüma ga Cori ya Tupana rü Eríamaxã nidexa rü ñanagürü: —¡Ãẽ̱xgacü ya Acáxü̃tawa naxũ rü namaxã nüxü̃ yarüxu rü ñoma i naanegu tá chanapuxẽxẽ! —ñanagürü.

Wiyaegü 78:26

Rü Tupana rü norü poramaxã ínananguxẽxẽ ga buanecü ga éstewaama ne ũcü rü buanecü ga súrwaama ne ũcü, rü poraãcü nibuaane.