Wiyaegü 135:21 - Tupanaarü Ore

²¹ Rü namexẽchi ya Cori ya Tupana ya ma̱xpǘne ya Chióü̃gu ãchiü̃cü i Yerucharéü̃wa. Rü name nax nüxü̃ icua̱xüü̃güxü̃.

Wiyaegü 135:21 Referans Kwoze

Wiyaegü 134:3

¡Rü nüma ya Cori ya Tupana ya daxũguxü̃ i naane rü ñoma i naanearü üruxü̃, rü yima ma̱xpǘne ya Chióü̃wa cuxca̱x ne nanamu i norü ngü̃xẽxẽ!

Ichaía 12:6

¡Rü perü taãẽmaxã tagaãcü wáita pixüe, Pa Chióü̃cüã̱xgü! Erü Iraétanüxü̃arü Tupana rü nata rü naxüüne, rü petanüwa nangẽxma guxü̃ma i norü poramaxã —ñaperügügü tá.

Wiyaegü 128:5

¡Rü Cori ya Tupana ya Chióü̃gu ãpatacü cuxü̃ rüngü̃xẽxẽ! ¡Rü Tupana cuxü̃ rüngü̃xẽxẽ nax guxü̃ma i curü maxü̃gu nüxü̃ cudauxü̃ nax ñuxãcü nüma ya Tupana Yerucharéü̃xü̃ nangü̃xẽxẽxü̃!

Wiyaegü 76:2

Rü Yerucharéü̃wa nangẽma ya napata rü Chióü̃gu namaxü̃.

Norü taxre ga to ga popera ga ãẽ̱xgacügüchiga ümatüxü̃ 6:6

Natürü i ñu̱xma rü nüxü̃ chaxuneta ya Yerucharéü̃ nax ngẽxma naxüxü̃ca̱x ya chopata. Rü nüxü̃ chaxuneta ya Dabí nax yimá chorü duü̃xü̃gü i Iraétanüxü̃arü ãẽ̱xgacü ixĩxü̃ca̱x”, ñanagürü ga Tupana.

Wiyaegü 48:9

Pa Tupanax, nua cupatawa nüxna tacua̱xãchie nax poraãcü toxü̃ cungechaü̃xü̃ i cumax.

Wiyaegü 48:1

Nüma ya Cori ya Tupana rü guxãétüwa nangẽxma rü name nax nüxü̃ icua̱xüü̃güxü̃ nawa ya yima norü ĩane ya norü ma̱xpǘne ya üünene ya Chióü̃wa ngẽxmane.

Iraétanüxü̃arü muxchiga 23:21

Rü nüma ya Tupana rü tama nagu narüxĩnü i norü chixexü̃ i ngẽma duü̃xü̃gü i Iraétanüxü̃ i Acóbuarü duü̃xü̃gü ixĩgüxü̃. Rü nüma ya Cori ya norü Tupana rü natanüwa nangẽxma, rü tama chixexü̃ namaxã naxüxchaü̃. Rü nümagü rü norü ãẽ̱xgacüãcü nüxü̃ nacua̱xgü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 23:25

Rü nüma ga Dabí rü ñanagürü: —Cori ya Tupana ya Iraétanüxü̃arü Tupana rü taãẽwa nanangexmagüxẽxẽ i norü duü̃xü̃gü. Rü nüma ya Tupana nanaxwa̱xe nax guxü̃gutáma Yerucharéü̃gu naxãpataxü̃.

Édra 7:16

Rü ngẽxgumarüxü̃ ta rü name nixĩ i cutanüxü̃ i duü̃xü̃gü rü chacherdótegü i Babiróniaanewa ngẽxmagüxü̃tanüwa cunade i ngẽma diẽrumü, rü úiru, rü ãmaregü i norü ngúchaü̃maxã inaxãgüxü̃ naxca̱x ya yima Tupanapata ya taxü̃ne ya Yerucharéü̃wa ngẽxmane.

Wiyaegü 48:2

Namexẽchi ya yima ma̱xpǘne ya Chióü̃ i nórtewaama ngẽxmane. Rü yima nixĩ ya namaxã nataãẽgüne i guxü̃ma i ñoma i naanecüã̱x i duü̃xü̃gü. Rü yimawa nixĩ i nangẽxmaxü̃ i norü ĩane ya yimá Ãẽ̱xgacü ya Guxãétüwa Ngẽxmacü.

Wiyaegü 48:3

Rü Yerucharéü̃wa ngẽxmane ya ãẽ̱xgacüpatagüwa nixĩ i nangẽxmaxü̃ ya Tupana. Rü nüma ya Tupana rü nügü nango̱xẽxẽ nax yima ĩanearü poxü̃ruxü̃ ya aixcüma poracü yixĩxü̃.