Wiyaegü 13:2 - Tupanaarü Ore

² ¿Rü ñuxguratáta iyanaxoxü̃ nax chanaxĩ̱xãchiãẽxü̃? ¿Rü ñuxguratáta iyanaxoxü̃ nax guxü̃ i ngunexü̃gu changechaxü̃xü̃? ¿Rü ñuxguratáta iyanaxoxü̃ nax chorü uanüme̱xẽwa changexmaxü̃?

Wiyaegü 13:2 Referans Kwoze

Yeremía 8:18

Rü ngẽma ngúxü̃ i chingexü̃ rü nangearü üxüxü̃ã̱x, rü yima chorü maxü̃ne rü natura.

Yeremía 15:18

¿Rü ta̱xacüca̱x i ngẽma ngúxü̃ i chingexü̃ rü taguma choxü̃ nangupetü? ¿Rü ta̱xacüca̱x i ngẽma chorü o̱xri rü nangearü üxü̃ã́xü̃, rü tama inaxĩnüchaü̃xü̃ i üxü̃güwa? Rü cuma rü cha̱u̱xca̱x rü ñoma wüxi i natü i ngearü dexáã́xü̃rüxü̃ chomaxã quixĩ —ñanagürü ga Yeremía.

Auxexü̃chiga 1:5

Rü ñu̱xma i norü duü̃xü̃gü rü norü uanügüme̱xẽwa nangẽxmagü. Rü yemaacü Cori ya Tupana nanapoxcu ga guma ĩane yerü norü duü̃xü̃gü rü poraãcü pecadu naxügü. Rü yemaca̱x ga norü uanügü rü to ga nachixü̃anewa nanagagü ga yema duü̃xü̃gü.

Ngu̱xẽẽtaeruü̃arü ore 5:17

Rü ngẽmaétüwa rü guxü̃ma i ngunexü̃gü i nagu namaxü̃xü̃gu rü ẽanexü̃wa nangẽxma, rü namu i norü guxchaxü̃gü, rü da̱xaweanegü, rü oegaãẽgü i naxca̱x inguxü̃.

Ucu̱xẽgüchiga 15:13

Ngẽxguma nataãẽgu i wüxi i duü̃xü̃ rü nataãẽchiwe. Natürü ngẽxguma nangechaxü̃gu, rü nangechaxü̃chiwe.

Yox 10:15

Rü ngẽxguma chi aixcüma chixexü̃ chaxüxgu rü marü icharütaxu. Rü woo ega taxuxü̃ma i chixexü̃ chaxüxgu rü taxucürüwa chataãxẽ, erü choxü̃ cuxãnexẽxẽ rü choxü̃ cunaxĩ̱xãchiãẽxẽxẽ.

Filipenses 2:27

Rü aixcüma nixĩ ga nax yada̱xawexü̃, rü wixguxüchi taa̱x nayu. Natürü Tupanaaxü̃́ nangechaü̃tümüxü̃ rü nüxü̃́ changechaü̃tümüxü̃ rü naxca̱x nayataanexẽxẽ nax tama yexeraãcü changechaü̃xü̃ca̱x.

Romanos 9:2

Rü poraãcü changechaü̃, rü chorü maxü̃newa nangúecha, erü tama nayaxõgü i chautanüxü̃ i Iraétanüxü̃.

Ore i mexü̃ ga Cuáü̃ ümatüxü̃ 16:6

Rü ñu̱xma rü poraãcü pengechaü̃güama erü pemaxã nüxü̃ chixu i ngẽma ore.

Ore i mexü̃ ga Matéu ümatüxü̃ 26:38

Rü yexguma ga Ngechuchu rü ñanagürü nüxü̃: —Poraãcü changechaü̃ rü nagu charüxĩnü rü ngẽmamaxã tá chayu. ¡Rü nuxã perücho i pemax, rü chauxrüxü̃ ipedaue! —ñanagürü.

Auxexü̃chiga 1:9

Rü daa ĩanecüã̱x rü chixexü̃na nügü naxãgü rü tama nagu narüxĩnüe nax yixcüra ya Tupana rü tá ngẽma norü chixexü̃ca̱x napoxcuexü̃. Rü wüxi i taxü̃ i ngechaü̃ nixĩ nax ñuxãcü poraãcü chixexü̃gu nayixü̃. Rü nataxuma i texé nax nataãẽxẽẽxü̃. Rü ñu̱xma ya daa ĩanecüã̱x rü Tupanaxü̃ ñanagürügü: “Dücax, Pa Corix, nax poraãcü toxü̃ nacugüexü̃ i ngẽma torü uanügü i nügü írütagüxü̃”, ñanagürügü.

Wiyaegü 116:3

Rü ngẽma yu rü choxü̃ niyauxchire̱x rü wixguxüchi choxü̃ nima̱x. Rü chaba̱i̱xãchi rü chamuü̃.

Wiyaegü 74:18

Pa Corix ¡taxṹ i nüxü̃ icurüngümaxü̃ i ñuxãcü ngẽma curü uanüã̱xgü cumaxã chixexü̃ yaxugüexü̃! ¡Rü dücax i ngẽma duü̃xü̃gü i tama naãẽxü̃ cua̱xgüxü̃ rü ñuxãcü chixri cuchiga nidexagü!

Wiyaegü 74:10

Pa Tupanax, ¿ñuxguxüratáta nixĩ i nüxü̃ nachauexü̃ i ngẽma torü uanügü nax chixri tomaxã nachopetüxü̃? ¿Rü ngẽxgumarüxü̃ ta rü ñuxguxüratáta nixĩ i nüxü̃ nachauexü̃ nax cumaxã chixexü̃ yaxugüexü̃?

Wiyaegü 42:4

Rü ngẽxguma ngẽmagu charüxĩnügu rü marü tama yáxna namaxã chaxĩnü i ngẽma nax chaxaxuxü̃. Rü nüxna chacua̱xãchi ga yexguma Tupanapatawa chanagagügu ga yema muxü̃ma ga duü̃xü̃gü. Rü taãẽãcü moxẽ nüxna taxã rü tanatachigaxẽxẽ.

Wiyaegü 31:18

Rü ngẽmaãcü tá narüchianegü i ngẽma duü̃xü̃gü i dorata̱a̱xgüxü̃ i cugüwa̱xegüxü̃ rü to̱xguã̱xü̃ oexü̃ rü tümamaxã guxchigawa̱xegüxü̃ ya yíxema mexẽ ya duü̃xẽgü.

Wiyaegü 17:9

Erü ngẽma chixexü̃ i duü̃xü̃gü rü cha̱u̱xca̱x ínayaxüãchi rü chorü uanügü choxü̃ ínachomaeguãchi nax choxü̃ yama̱xgüxü̃ca̱x.

Wiyaegü 10:18

¡Rü ẽcü tümaétüwa nachogü ya yíxema taxcutagü rü yíxema togüme̱xẽwa ngẽxmagüxe rü chixri tümamaxã inacua̱xgüxe! Rü ngẽma yatü i waixü̃müwa cuxüxü̃, rü tama tanaxwa̱xe nax wena muü̃ ínanguxẽẽxü̃.

Wiyaegü 9:6

Rü ngẽma chorü uanügü rü marü inayarüxo, rü yima norü ĩanegü rü nagu cupogü. Rü ngẽmaãcü i ñu̱xma rü taxúema nüxna tacua̱xãchi.

Wiyaegü 8:2

Rü ngẽma buxü̃gü rü woo ngẽma õxchanagü rü nüxü̃ curüngü̃xẽxẽ nax cuxü̃ yacua̱xüü̃güxü̃ca̱x nax ngẽmaãcü i curü uanügü rü yanangea̱xgüxü̃ca̱x rü cupe̱xewa naxãneexü̃ca̱x.

Wiyaegü 7:2

Rü ngẽxguma tama choxü̃ ícupoxü̃gu rü chorü uanügü rü ñoma leóü̃gü i chaugu wagüexü̃rüxü̃ tá nixĩgü. Rü tataxuma ya texé ya nüxna choxü̃ ípoxü̃xẽ.

Ester 7:6

Rü ngĩma rü inangãxü̃ rü ngĩgürügü: —Ngẽma torü uanü i chixexü̃ tomaxã üxchaü̃xü̃ rü ñaa chixecümaxü̃ i Amáü̃ nixĩ —ngĩgürügü. Rü yexguma yemaxü̃ naxĩnügu ga Amáü̃ rü poraãcü norü muü̃maxã nanaxi̱xãchiãxẽ nape̱xewa ga ãẽ̱xgacü rü naxma̱xpe̱xewa.

Neemía 2:2

—Cuxü̃ chadau nax cungechaü̃chametüxü̃. ¿Ta̱xacü cuxü̃ nangupetü? Tama cuwa nango̱x nax quida̱xawexü̃. ¿Rü ngẽmaca̱x ta̱xacü cuxü̃́ nangẽxma? ¿Ẽ̱xna wüxi i guxchaxü̃? —ñanagürü choxü̃. Rü yexguma ga choma rü poraãcü chamuü̃.

1 Chamué 24:19

Rü aixcüma nixĩ i nataxuxü̃ma i duü̃xü̃ i tama norü uanüxü̃ imáxü̃ ega naxme̱xgu nanguxgu. Rü ngẽmaca̱x ¡Tupana cuxü̃́ naxütanü naxca̱x i ngẽma mexü̃ i ñu̱xma cha̱u̱xca̱x cuxüxü̃!

1 Chamué 18:29

Rü yemaca̱x yexeraãcü Dabíxü̃ namuü̃ rü namaxã narüxuanü ñu̱xmata nayumare ga Chaú.

Ore i mexü̃ ga Luca ümatüxü̃ 22:53

Rü guxü̃ ga ngunexü̃gu ga yexguma petanüwa chayexmagu ga Tupanapata ga taxü̃newa, rü tama choxü̃ piyauxgü. Natürü marü nawa nangu nax pexü̃́ natauxchaxü̃ nax choxü̃ piyauxgüxü̃, erü ñoma nixĩ i perü ora i nagu pemaxã naporaxü̃ i Chataná —ñanagürü.

Wiyaegü 38:17

Rü aixcüma nixĩ nax chaturaxü̃. Rü ngẽma nax choxü̃́ nangúxü̃ rü taguma choxü̃ narüna.

Wiyaegü 6:4

Pa Corix ¡nua naxũ rü cha̱u̱xca̱x yataanexẽxẽ! ¡Rü cuxü̃́ changechaü̃tümüxü̃gagu choxü̃ ínapoxü̃!

Auxexü̃chiga 5:20

¿Rü ta̱xacüca̱x i guxü̃gutáma toxü̃ icurüngümaxü̃? ¿Rü ta̱xacüca̱x mucü ya taunecü nua toxü̃ cuwogümare?