Wiyaegü 13:1 - Tupanaarü Ore

¹ Pa Cori Pa Tupanax ¿Ñuxguratáta nüxü̃ curüchauxü̃ nax choxü̃ curüngü̃maxü̃? ¿Rü ñuxguratáta nüxü̃ curüchauxü̃ nax cha̱u̱xcha̱xwa iquicúxü̃?

Wiyaegü 13:1 Referans Kwoze

Yox 13:24

¿Ta̱xacüca̱x cha̱u̱xcha̱xwa cudauegu? ¿Rü tü̱xcüü̃ wüxi i curü uanürüxü̃ chomaxã quixĩ?

Wiyaegü 89:46

Pa Corix ¿rü ñuxguxüratáta i nüxü̃ curüchauxü̃ nax iquicúxü̃? ¿Ẽ̱xna guxü̃gutáma wüxi ya üxü ya naiechanerüxü̃ yixĩxü̃ i curü nu?

Auxexü̃chiga 5:20

¿Rü ta̱xacüca̱x i guxü̃gutáma toxü̃ icurüngümaxü̃? ¿Rü ta̱xacüca̱x mucü ya taunecü nua toxü̃ cuwogümare?

Wiyaegü 80:4

Pa Cori Pa Tupana ya Guxãétüwa Ngẽxmacüx ¿rü ñuxguxüratáta nüxü̃ curüchauxü̃ nax tomaxã cunuxü̃ rü ngẽmaca̱x tama toxü̃́ nüxü̃ cuxĩnüchaü̃xü̃ i torü yumüxẽgü?

Wiyaegü 6:3

Rü ñu̱xma rü poraãcü chamuü̃. Rü cumax, Pa Cori Pa Tupanax ¿rü ñuxguratáta i choxü̃ curüngü̃xẽxẽxü̃?

Wiyaegü 44:24

¿Tü̱xcüü̃ toxcha̱xwa iquicu̱x? ¿Rü tü̱xcüü̃ toxü̃ icurüngüma i toma nax poraãcü ngúxü̃ tingegüechaxü̃?

Wiyaegü 35:17

Pa Cori Pa Tupanax ¿ñuxguratáta i nüxü̃ curüchauxü̃ nax ngéma nüxü̃ cudawenümarexü̃ i ngẽma duü̃xü̃gü i ñoma leóü̃gürüxü̃ cha̱u̱xca̱x inginetanücüüxü̃? ¡Rü nüxna choxü̃ ínapoxü̃ nax tama choxna nayauxgüãxü̃ca̱x i ngẽma nügümaxã choxü̃́ wüxicáxü̃ i chorü maxü̃!

Wiyaegü 10:12

¡Inachi Pa Cori Pa Tupanax, rü napoxcu i ngẽma chixexü̃ üxü̃! ¡Rü taxṹ i tüxü̃ curüngü̃maxü̃ ya yíxema naxĩ̱xãchiãẽgüxe!

Wiyaegü 85:5

¿Ẽ̱xna cuyadaxẽxẽ nax guxü̃gutáma tomaxã cunuechaxü̃? ¿Ẽ̱xna guxü̃gutáma totaagümaxã cunuechaxü̃?

Wiyaegü 74:1

Pa Tupanax, toma nax curü duü̃xü̃gü tixĩgüxü̃, rü ¿tü̱xcüü̃ toxü̃ ícuwogüxü̃chi? ¿Rü tü̱xcüü̃ tomaxã cunu?

Ichaía 59:2

Natürü yema perü chixexü̃gü ga pexüxü̃ rü Tupanacha̱xwa pexü̃ nitoxyepe̱xe. Rü ngẽma perü pecadugügagu pexcha̱xwa nügü nidüxchametü ya Tupana nax ngẽmaãcü tama pexü̃ naxĩnüxü̃ca̱x.

Wiyaegü 90:14

¡Rü guxü̃guma i noxri yangunegu rü toxna naxã i curü ngechaü̃! Rü ngẽxguma i toma rü guxü̃gutáma taãẽãcüma cuxca̱x tawiyaegü.

Wenaxarü naxümatü ga Tupanaarü mugü 31:17

Rü ngẽxguma i choma rü tá namaxã chanu, rü tá nüxna chixũgachi rü nüxica tá ngéma chanawogü. Rü marü taxũtáma marü nüxü̃ chacuáxchaü̃ i ngẽma Iraétanüxü̃. Rü guxchaxü̃gü rü ngúxü̃gü tá naxca̱x ínangugü. Rü ngẽmaca̱x i nümagü rü düxwa tá nügümaxã ñanagürügü: “¿Ẽ̱xna ñaa ngúxü̃ rü taxca̱x ínangu erü tórü Cori ya Tupana rü marü tama taxü̃tawa nangẽxma?” ñanagürügü.