Wiyaegü 127:1 - Tupanaarü Ore

¹ Rü ngẽxguma chi tama Tupanaarü ngü̃xẽẽmaxã yixĩxgu nax naxüxü̃ ya wüxi ya ĩpata rü natüca̱xmamare chi nixĩ i nawa napuracüexü̃ i ngẽma norü üruü̃gü. Rü ngẽxguma chi nüma ya Cori tama nüxna nada̱u̱xgu ya wüxi ya ĩane rü natüca̱xmamare chi nixĩ i nüxna nadaugüxü̃ i ngẽma norü dauruü̃gü.

Wiyaegü 127:1 Referans Kwoze

Ucu̱xẽgüchiga 16:9

Wüxi ya yatü, rü nanaxü i ngẽma nümatama nagu naxĩnüxü̃, natürü Cori ya Tupana nixĩ i ngẽma yatüarü ĩnümaxã icuácü.

1 Corintios 3:7

Rü ngẽmaca̱x woo yíxema tüxíra duü̃xü̃gümaxã nüxü̃ ixuxe i Tupanaarü ore rü woo yíxema wixwena yexeraãcü duü̃xü̃güxü̃ ngúexẽẽ́xe, rü taxuxü̃ma tixĩgü. Natürü Tupana nixĩ ya guxü̃ma ücü, erü nüma nixĩ i duü̃xü̃güxü̃ namaxẽxẽẽxü̃.

Wiyaegü 124:1

Rü yexguma chi Cori ya Tupana tama tüxü̃ ípoxü̃gu rü tórü uanügü rü chi tüxü̃ nadai, rü name nixĩ i ngẽma ñapegürügü, Pa Iraétanüxü̃x.

Ichaía 62:6

Pa Yerucharéü̃cüã̱xgüx, choma rü perü ĩanearü poxeguxü̃tapü̱xétügu chanamugü i dauruü̃gü. Rü nümagü rü ngunecü rü chütacü tá pexü̃ ñanagürügü: —Pema ya Tupanaxü̃ icua̱xüü̃güxe, ¡rü taxṹ i perüchianegüxü̃! ¡Rü taxṹ i penangü̃xẽẽxü̃ ya Tupana ñu̱xmatáta wena naxü ya Yerucharéü̃ nax wüxi ya ĩane ya tachigane yixĩxü̃ca̱x! —ñanagürügü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:10

Rü ngẽmaca̱x rü name i poraãcü cuxuãxẽ erü nüma ya Cori rü cuxü̃ naxuneta nax cuma cunaxüxü̃ca̱x ya yima napata ya üünene. ¡Rü ẽcü pora naxü, rü naxü i ngẽma nüma cuxü̃ namuxü̃! —ñanagürü ga Dabí.

Yeremía 51:12

¡Daiarü cua̱xruxü̃ ya wonera penawẽ̱xnagü nax Babiróniaanearü ĩanearü poxeguxü̃tapü̱xca ípeyaxüãchixü̃ca̱x! ¡Rü pegü pemuxẽxẽ i pemax nax pedauxü̃taegüxü̃! ¡Rü pema i dauxü̃taegüxü̃ rü pechicawa pengẽxmagü! ¡Rü ípeyacu̱xéxü̃gü i perü uanügü! Erü nüma ya Cori ya Tupana rü marü nayanguxẽxẽ i ngẽma nagu naxĩnüxü̃ rü naxunagüxü̃ naxca̱x i ngẽma Babiróniacüã̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:20

Rü nüma ga Dabí rü Charomóü̃xü̃ ñanagürü: —¡Ẽcü pora naxü rü cugü naporaxẽẽama rü naxü i ngẽma puracü! ¡Rü taxṹ i curümaãchixü̃! ¡Rü taxṹ i cumuü̃xü̃! Erü nüma ya Cori ya chorü Tupana rü nacuxü̃tagu. Rü nüma rü taxũtáma cuxna nixũgachi rü taxũtáma cuxü̃ ínata̱x ñu̱xmatáta nagu i ngẽma puracü nax cunaxüxü̃ ya yima Tupanapata ya taxü̃ne.

1 Corintios 15:14

Rü yexguma chi Cristu tama wena maxü̃gu, rü ngẽma ore i nüxü̃ tixuxü̃ i nachiga rü taxuwa chima name, rü natüca̱xmamare chi nixĩ i perü õ.

Wiyaegü 121:1

Rü ngẽxguma ma̱xpǘnegu chadawenügu rü chaugüna chaca rü ñachagürü: —¿Ngextá tá nixĩ i ne naxũxü̃ i chorü ngü̃xẽxẽ? —ñachagürü.

Wiyaegü 123:1

Pa Cori Pa Tupana ya Dauxü̃wa Ngẽxmacüx, cuxca̱x chadaunagü nax cumaxã chidexaxü̃ca̱x.

Wiyaegü 120:1

Rü ngẽxguma ãũcümaxü̃wa changexmagu, rü nüxna chaca ya Cori ya Tupana. Rü nüma rü choxü̃ nangãxü̃.

Wiyaegü 125:1

Ngẽma Cori ya Tupanaaxü̃́ yaxõgüxü̃ rü yima ma̱xpǘne ya Chióü̃ ya taxúema ixũgachixẽẽnerüxü̃ nixĩgü. Rü guxü̃guma nangẽxmagüecha.

Wiyaegü 78:69

Rü yexma nanaxü ga napata ga máchanene ga dauxü̃wa nguxü̃ne nax guxü̃guma ngéma nangẽxmaechaxü̃ca̱x ñoma i naane ngẽxmaechaxü̃rüxü̃.

Ichaía 56:10

Rü pemax, Pa Chorü Duü̃xü̃güna Daugüxü̃x, rü ñoma pingexetüxü̃rüxü̃ pixĩgü, rü tama pexuãẽgü. Pema rü ñoma airugü i ngeã́xü̃rüü̃mare pixĩgü rü pipeechamare rü pixãnegügüechamare. Rü perü me nixĩ nax pepeexü̃.

Ngu̱xẽẽtaeruü̃arü ore 9:11

Rü to i ñoma i naanewa nüxü̃ chadauxü̃ nixĩ nax ngẽma ñaãchiwa poraexü̃ rü tama guxü̃guma nüxíra ínangugüxü̃. Rü ngẽma daiwa poraexü̃ rü tama guxü̃guma narüporamaegü. Rü ngẽma cua̱x nüxü̃́ ngẽxmagüxü̃ rü tama guxü̃guma nüxü̃́ nangẽxma i norü õna. Rü ngẽma naãẽxü̃ cuáxü̃ rü tama guxü̃guma nidiẽruã̱x. Rü ngẽma poperawa ngu̱x nüxü̃́ ngẽxmagüxü̃ i duü̃xü̃gü rü tama guxü̃guma namaxã nataãẽgü. Rü guxãca̱x ínangu i tümaarü taãxẽ rü tümaarü guxchaxü̃.

Wiyaegü 126:1

Rü yexguma Tupana Chióü̃ca̱x tüxü̃ woeguxẽẽgu rü taxca̱x rü ixanegüexü̃rüü̃mare nixĩ.

Wiyaegü 122:1

Rü chataãxẽ i ngẽxguma choxü̃ nangĩxãgügu nax Cori ya Tupanapatawa taxĩxü̃.

Ichaía 27:3

Rü choma ya Cori ya Tupana nixĩ i guxü̃guma nüxna chadauxü̃ i ngẽma Iraétanüxü̃ ñoma úbanecü dexámaxã imegüxü̃rüxü̃. Rü ngunecü rü chütacü nüxna chadau nax taxúema nachixexẽẽxü̃ca̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:19

Rü ngẽxgumarüxü̃ ta ya yimá chaune ya Charomóü̃ ¡rü nüxna naxã i wüxi i naãxẽ i cugu rüxĩnüxü̃ nax ngẽmaãcü mea nagu namaxü̃xü̃ca̱x i ngẽma curü mugü rü curü ucu̱xẽgü rü cucümagü, rü ngẽmaãcü naxüaxü̃ca̱x ya yima cupata ya taxü̃ne ya naxca̱x chananutaque̱xene i ngẽmaxü̃gü! —ñanagürü ga Dabí.

Gálatas 4:11

Rü ngẽmaca̱x poraãcü chaxoegaãxẽ, erü ngürüãchi natüca̱xmamare tá nixĩ ga yema puracü ga petanüwa chaxüxü̃.

Charumóü̃arü wiyae 5:7

Rü namagu choxü̃ nangaugü ga purichíagü ga chütacü ĩanena daugüxü̃, rü choxü̃ nacua̱i̱xgü rü choxü̃ nanapi̱xẽẽgü. Rü yema purichíagü ga nüxna daugüxü̃ ga ĩanearü ĩã̱x i taxü̃ i nawa ixücuxü̃, rü choxü̃́ ínanacawegü ga yema chorü tüeruruxü̃.

Charumóü̃arü wiyae 3:3

Rü purichíagü ga ĩanearü dauruü̃güna chaca rü ñacharügü: —¿Tama nüxü̃ pedauxü̃ ya yimá ngextü̱xücü ya choxü̃́ ngúchaü̃xü̃chicüx? —ñachagürü.

Yeremía 51:31

Rü nügüwe naxãgü i orearü ngeruü̃gü nax Babiróniaanearü ãẽ̱xgacümaxã nüxü̃ yanaxugüxü̃ca̱x nax guxü̃nema ya yima ĩane ya Babirónia rü marü uanügüme̱xẽgu nanguxü̃.

Wiyaegü 72:1

Pa Tupanax ¡nüxna naxã ya ãẽ̱xgacü i cua̱x nax curüxü̃ mexü̃gu naxĩnüxü̃ca̱x rü aixcümacü nax yixĩxü̃ca̱x!

Wenaxarü naxümatü ga Tupanaarü mugü 8:18

Rü name i nüxna pecua̱xãchie ya yimá perü Cori ya Tupana, erü nüma nixĩ i pexna naxããxü̃ i pora nax pexü̃́ nangẽxmaxü̃ca̱x i perü ngẽmaxü̃gü. Rü nüma i ñu̱xma rü ngẽmaãcü nixĩ i pemaxã yanguxẽẽãxü̃ ga yema norü uneta ga nũxcüma perü o̱xigümaxã nüxü̃ yaxuxü̃.

Yochué 2:2

Natürü nayexmaama ga wüxi ga duü̃xü̃ ga Yericúarü ãẽ̱xgacümaxã nüxü̃ ixuxü̃, rü ñanagürü nüxü̃: —Ñuxre i Iraétanüxü̃ nua nangugü i ngewa̱xarü chütaxü̃gu nax yangugügüãxü̃ca̱x i ñaa naane —ñanagürü.

Nüxíraxü̃xü̃ ga popera ga ãẽ̱xgacügüchiga 5:12

Rü yemaacü ya Tupana rü nayanguxẽxẽ ga norü uneta, rü Charomóü̃na nanaxã ga cua̱x. Rü ñu̱xũchi ga Iráü̃ rü Charomóü̃ rü nügümaxã naxügagü, rü yemaacü taãẽwa nügümaxã nayexmagü.