Wiyaegü 124:1 - Tupanaarü Ore

¹ Rü yexguma chi Cori ya Tupana tama tüxü̃ ípoxü̃gu rü tórü uanügü rü chi tüxü̃ nadai, rü name nixĩ i ngẽma ñapegürügü, Pa Iraétanüxü̃x.

Wiyaegü 124:1 Referans Kwoze

Romanos 8:31

¿Rü ñuxũ ñagüxü̃ tá i ñu̱xma i ngẽmachiga? Rü ngẽxguma Tupana taétüwa üxgu, ¿rü texé tá nüxü̃ tarüyexera nax chixexü̃ tamaxã taxüxü̃ca̱x?

Wiyaegü 56:9

Rü ngẽxguma curü ngü̃xẽẽca̱x cuxna chacaxgu, Pa Tupanax, rü ngẽma chomaxã rüxuanüã̱xgüxü̃ rü tá cuxcha̱xwa nibuxmü. Rü choma rü meama nüxü̃ chacua̱x nax chauétüwa cuchogüxü̃.

Wiyaegü 54:4

Natürü nüma ya Cori ya Tupana rü chorü ngü̃xẽẽruxü̃ nixĩ. Rü nüma nixĩ i choxna nadauxü̃ nax tama chayuxü̃ca̱x.

Wiyaegü 120:1

Rü ngẽxguma ãũcümaxü̃wa changexmagu, rü nüxna chaca ya Cori ya Tupana. Rü nüma rü choxü̃ nangãxü̃.

Wiyaegü 94:17

Rü ngẽxguma chi Cori ya Tupana tama choxü̃ rüngü̃xẽẽgu rü choma rü chi marü chayu.

Wiyaegü 121:1

Rü ngẽxguma ma̱xpǘnegu chadawenügu rü chaugüna chaca rü ñachagürü: —¿Ngextá tá nixĩ i ne naxũxü̃ i chorü ngü̃xẽxẽ? —ñachagürü.

Wiyaegü 125:1

Ngẽma Cori ya Tupanaaxü̃́ yaxõgüxü̃ rü yima ma̱xpǘne ya Chióü̃ ya taxúema ixũgachixẽẽnerüxü̃ nixĩgü. Rü guxü̃guma nangẽxmagüecha.

Wiyaegü 46:7

Rü nüma ya Cori ya Tupana ya Guxãétüwa Ngẽxmacü rü tatanüwa nangẽxma. Rü yimá Acóbuarü Tupana nixĩ ya tórü poxü̃ruxü̃ ixĩcü.

Wiyaegü 27:1

Nüma ya Cori ya Tupana rü chorü omü rü chorü maxẽxẽruxü̃ nixĩ. ¿Rü texéxü̃ tá nixĩ i chamuü̃xü̃? Rü nüma ya Cori nixĩ i ínapoxü̃ãxü̃ i chorü maxü̃. ¿Rü texéxü̃ tá nixĩ i chamuü̃xü̃?

Wiyaegü 127:1

Rü ngẽxguma chi tama Tupanaarü ngü̃xẽẽmaxã yixĩxgu nax naxüxü̃ ya wüxi ya ĩpata rü natüca̱xmamare chi nixĩ i nawa napuracüexü̃ i ngẽma norü üruü̃gü. Rü ngẽxguma chi nüma ya Cori tama nüxna nada̱u̱xgu ya wüxi ya ĩane rü natüca̱xmamare chi nixĩ i nüxna nadaugüxü̃ i ngẽma norü dauruü̃gü.

Wiyaegü 129:1

Rü ñu̱xma i Iraéane rü ñanagürü: —Choma rü muxü̃ma ga ngúxü̃wa chaxüpetü noxritama changextü̱xügu.

Wiyaegü 130:1

Rü ñu̱xma nax taxü̃ i guxchaxü̃gü chauétüwa ngẽxmaxü̃, rü curü ngü̃xẽẽca̱x íchaca̱xama, Pa Cori Pa Tupanax.

Wiyaegü 128:1

Rü cutaãxẽ i cumax erü nüxü̃ quicua̱xüxü̃ ya Cori ya Tupana rü naga cuxĩnü

Wiyaegü 133:1

Dücax, poraãcü namexẽchi i ngẽxguma ngẽma Tupanaarü duü̃xü̃gü rü aixcüma wüxigu nügü nangechaü̃gügu.

Wiyaegü 126:1

Rü yexguma Tupana Chióü̃ca̱x tüxü̃ woeguxẽẽgu rü taxca̱x rü ixanegüexü̃rüü̃mare nixĩ.

Ínachoxü̃xü̃chiga 15:1

Rü yexguma ga Moiché rü yema Iraétanüxü̃ rü Cori ya Tupanaxü̃ nicua̱xü̃gü namaxã ga ñaa wiyae, rü ñanagürügü: —Choma rü tá chawiyae rü tá nüxü̃ chicua̱xüxü̃ ya Cori ya Tupana erü nüxü̃ narüporamae i tórü uanügü rü ngẽmaca̱x márgu nanayixẽxẽ i ngẽma churaragü rü norü cowarugü.

Wiyaegü 132:1

Pa Cori Pa Acóbuarü Tupana ya Poraxüchicüx ¡nüxna nacua̱xãchi ya Dabí rü norü oegaãxẽ naxca̱x ga guma cupata! ¡Rü nüxna nacua̱xãchi ga yema norü uneta ga cumaxã nüxü̃ yaxuxü̃ ga yexguma ñaxgu:

Wiyaegü 123:1

Pa Cori Pa Tupana ya Dauxü̃wa Ngẽxmacüx, cuxca̱x chadaunagü nax cumaxã chidexaxü̃ca̱x.

Wiyaegü 122:1

Rü chataãxẽ i ngẽxguma choxü̃ nangĩxãgügu nax Cori ya Tupanapatawa taxĩxü̃.

Wiyaegü 46:11

Rü Cori ya Tupana ya Guxãétüwa Ngẽxmacü rü tatanüwa nangẽxma. Rü nümatama i Acóbuarü Tupana nixĩ i tórü poxü̃ruxü̃ yixĩxü̃.

Wiyaegü 134:1

Pa Duü̃xü̃güx i Cori ya Tupanaarü Puracütanüxü̃ Ixĩgüxe ¡rü nüxü̃ picua̱xüü̃gü i guxãma i pemax i chütacü napatawa nax pengẽxmagüxü̃!

Wiyaegü 131:1

Pa Cori Pa Tupanax, choma rü tama chaugü chicua̱xüxü̃ rü tama chauxetümaxã togüétüwa chaugü chaxǘxẽxẽ. Rü tama naxca̱x chadau i ngẽma taxü̃ i mexü̃gü i taxucürüwa choxü̃́ ngẽxmaxü̃.

Naanearü ügüchiga 31:42

Rü yexguma taxũchima chomaxã nayexmagu ga Abraáü̃arü Tupana ga chaunatü ga Ichaá nüxü̃ icua̱xüxü̃cü, rü nüxü̃ chacua̱x nax taxuxü̃ma i ngẽmaxü̃maxã chi choxü̃ ícumuxũchixü̃. Natürü Tupana rü nüxü̃ nadau nax changechaü̃xü̃, rü nüxü̃ nadau i ngẽma puracü i chaxüxü̃, rü ngẽmaca̱x nixĩ i ngewa̱x chütacü i cuxü̃ nax naxoregüxü̃ —ñanagürü ga Acóbu.

Wiyaegü 56:10

Rü choma rü Tupanaaxü̃́ chayaxõ, rü nüxü̃ chicua̱xüxü̃ naxca̱x i norü ore. Rü Coriaxü̃́ chayaxõ rü norü oreca̱x nüxü̃ chicua̱xüxü̃.