Wiyaegü 122:6 - Tupanaarü Ore

⁶ ¡Rü guxü̃nema ya perü maxü̃nemaxã Tupanana peca nax Yerucharéü̃wa nangẽxmaxü̃ca̱x i taãxẽ! Rü namaxã nüxü̃ pixu ya yima ĩane rü ñaperügü: —Tanaxwa̱xe i cuwa mea namaxẽ i ngẽma cuxü̃ ngechaü̃güxü̃ —ñapegürü.

Wiyaegü 122:6 Referans Kwoze

Wiyaegü 51:18

Pa Cori Pa Tupanax ¡cuxü̃́ nangechaxü̃tümüxü̃ ya yima cupata ya Chióü̃wa ngẽxmane erü nüxü̃ cungechaü̃! ¡Rü curü duü̃xü̃güxü̃ rüngü̃xẽxẽ nax wena inachixẽẽxü̃ca̱x ya Yerucharéü̃arü poxeguxü̃!

Yeremía 29:7

¡Rü naxca̱x pepuracüe ya yima ĩane ya Babirónia ya nawa pexü̃ nagagüne! ¡Rü yima ĩaneca̱x peyumüxẽgü! Erü ngẽxguma mexü̃ naxca̱x ínguxgu ya yima ĩane, rü pexca̱x rü ta mexü̃ ínangu.

Naanearü ügüchiga 12:3

Rü mexü̃ namaxã tá chaxuegu i ngẽma duü̃xü̃gü i mexü̃ cumaxã uegugüxü̃. Rü chixexü̃ tá namaxã chaxuegu i ngẽma duü̃xü̃gü i chixexü̃ cumaxã uegugüxü̃. Rü cugagu tá nixĩ i mexü̃ namaxã chaxueguxü̃ i guxü̃ma i duü̃xü̃gü i ñoma i naanewa ngẽxmagüxü̃ —ñanagürü.

Yeremía 51:50

Rü Cori ya Tupana rü ñanagürü: —Pema ga naxcha̱xwa pibuxmüxü̃ ga yexguma yema togüxü̃ nadaixgu ¡rü paxa pibuxmü! Rü woo yáxü̃wa pengẽxmagügu ¡rü nagu perüxĩnüe ya Cori ya Tupana! ¡Rü nüxna pecua̱xãchie ya perü ĩane ya Yerucharéü̃!

Iraétanüxü̃arü muxchiga 24:9

Rü ngẽxguma ipecagügu nax pepeexü̃ca̱x rü ñoma wüxi i leóü̃ i pexü̃rüxü̃ pixĩgü rü taxúetama tügü ítarüpora nax pexü̃ ítaba̱i̱xgüxü̃ca̱x. ¡Rü mexü̃ tüxü̃ ngupetü ya yíxema mexü̃ pemaxã ueguxe, Pa Iraétanüxü̃x, rü chixexü̃ tüxü̃ ngupetü ya yíxema chixexü̃ pemaxã ueguxe! —ñanagürü ga Balaáü̃.

Nüxíraxü̃xü̃ ga popera ga Cuáü̃ ümatüxü̃ 3:14

Yixema rü marü nüxna ítanguxü̃ i ngẽma yu, rü ñu̱xma rü marü maxü̃wa tangexmagü. Nüxü̃ tacua̱x i ngẽma erü nüxü̃ tangechaü̃gü i taenexẽgü. Yíxema tama tümaenexẽxü̃ ngechaü̃xe rü yuxme̱xwa tangexma.

Efesios 4:3

Rü name i wüxigu perüxĩnüe rü ñoma wüxitama i duü̃xü̃rüxü̃ pixĩgü ngẽma Tupanaãxẽ ya Üünecü naxwa̱xexü̃rüxü̃. Rü tama name i pegüchi pexaie rü pegü pitoye.

Ore i mexü̃ ga Cuáü̃ ümatüxü̃ 17:21

Rü cuxna chaca nax guxü̃ma i ngẽma choxna cumugüxü̃ rü wüxitama yaxĩgüxü̃ca̱x ngẽma cuma rü choma nax wüxitama ixĩgüxü̃rüxü̃. Rü ngẽxgumarüxü̃ ta cuxna chaca nax nümagü rü wüxitama tamaxã yaxĩgüxü̃ nax ngẽmaãcü i ñoma i naanecüã̱x i duü̃xü̃gü yaxõgüxü̃ca̱x nax cuma núma choxü̃ cumuxü̃.

2 Tesalonicenses 3:16

Rü chanaxwa̱xe i nümatama ya tóxrü Cori ya tóxrü ngüxmüxẽẽruxü̃ guxü̃guma i guxü̃wama pexna nanaxã i norü taãxẽ. Rü chanaxwa̱xe nax petanüwa nangẽxmaxü̃ i guxãma i pemax.

1 Chamué 12:23

Rü ñu̱xma i choma rü tama chanaxwa̱xe i pecadu chaxü, rü ngẽmaca̱x taxũtáma nüxü̃ charüchau nax pexca̱x chayumüxẽxü̃. Rü tá pexü̃ changúexẽxẽama nax mea Cori ya Tupanaca̱x pemaxẽxü̃ rü mea nawe perüxĩxü̃ca̱x.

Neemía 11:1

Rü yema Iraétanüxü̃arü ãẽ̱xgacügü rü ĩane ga Yerucharéü̃gutama naxãpatagü. Rü yema togü ga Iraétanüxü̃ rü sortéu naxca̱x naxügü nax nüxü̃ nacua̱xgüxü̃ca̱x rü texégü tá tixĩ ya ĩane ya üünene ya Yerucharéü̃gu ãpatagüxe. Rü ngẽma 10 i nügütanüxü̃wachigü rü wüxitücumü tá nixĩ ya yima ĩane ya üünene ya Yerucharéü̃gu ãpatagüxü̃ rü ngẽma togü i 9 tücumü rü naigü ya ĩanewa tá naxĩ nax ngẽxma yaxãpatagüxü̃ca̱x.

Neemía 11:2

Rü yemawena ga yema Iraétanüxü̃ rü mexü̃ tümamaxã naxuegugü ga guxema duü̃xẽgü ga tümaarü ngúchaü̃tama tügü ixuxe nax ĩane ya Yerucharéü̃gu taxãpatagüxü̃.

Ester 4:8

Rü yexgumarüxü̃ ta Atáxna nanaxãpane ga yema mu ga Chúchawa ümatüxü̃ ga nüxü̃ ixuxü̃ ga Yudíugüarü daixchiga. Rü Atáxmaxã nüxü̃ nixu nax Iténa naxããxü̃ca̱x rü yemaacü nüxü̃ nacuáxü̃ca̱x ga yema ngupetüxü̃. Rü yexgumarüxü̃ ta Itéca̱x yéma namuga nax ngĩmatama ãẽ̱xgacümaxã nüxü̃ yanaxuxü̃ca̱x rü yemaacü naétüwa nachogüxü̃ca̱x ga ngĩtanüxü̃.

Ichaía 66:10

Rü Tupana rü ñanagürü: —Pema nax Yerucharéü̃xü̃ pengechaü̃güxü̃ rü naxca̱x nax pexauxexü̃, rü ñu̱xma rü name nax wüxigu guxãma Yerucharéü̃maxã petaãẽgüxü̃.