Wiyaegü 120:1 - Tupanaarü Ore

¹ Rü ngẽxguma ãũcümaxü̃wa changexmagu, rü nüxna chaca ya Cori ya Tupana. Rü nüma rü choxü̃ nangãxü̃.

Wiyaegü 120:1 Referans Kwoze

Wiyaegü 18:6

Rü yema ãũcümaxü̃wa nax chayexmaxü̃, rü Corica̱x aita chaxü nax nüma ga Tupana choxü̃ rüngü̃xẽẽxü̃ca̱x. Rü nüma rü napata ya üünenewa choxü̃ naxĩnü. Rü yema aita nax chaxüxü̃ rü naxmachixẽwa nangu.

Yoná 2:2

—Pa Corix, yexguma poraãcü ãũcümaxü̃wa chayexmagu, rü cuxna chaca nax choxü̃ curüngü̃xẽxẽxü̃ca̱x. Rü cuma rü choxü̃ cungãxü̃. Rü yexguma márwa chayexmagu rü nagu charüxĩnü rü marü tá chayu. Natürü yéma cuxna chaca rü choxü̃ cuxĩnü.

Wiyaegü 118:5

Rü yexguma taxü̃ ga guxchaxü̃wa chayexmagu rü Cori ya Tupanaarü ngü̃xẽẽca̱x íchaca. Rü nüma rü choxü̃ naxĩnü rü nawa choxü̃ ínanguxuchixẽxẽ ga yema chorü guxchaxü̃gü.

Popera ga Yudíugü ga yaxõgüxü̃ca̱x ümatüxü̃ 5:7

Rü yexguma Cristu ñoma ga naanewa maxü̃gu, rü poraãcü nayumüxẽ rü tagaãcü rü naxauxãcü Tupanana naca nax nüxü̃ nangü̃xẽẽxü̃ca̱x nax naga naxĩnüxü̃ca̱x, yerü Tupana rü naporachire̱x nax nawa ínanguxuchixẽẽãxü̃ca̱x ga yema yu. Rü Tupana rü Cristuxü̃ naxĩnü yerü Tupanaga naxĩnü.

Wiyaegü 50:15

¡Rü cha̱u̱xca̱x peca ega ngẽxguma guxchaxü̃ pexü̃ ngupetügu! Rü choma rü tá pexü̃ íchapoxü̃ rü pema rü tá choxü̃ picua̱xüü̃gü —ñanagürü ya Tupana.

Wiyaegü 130:1

Rü ñu̱xma nax taxü̃ i guxchaxü̃gü chauétüwa ngẽxmaxü̃, rü curü ngü̃xẽẽca̱x íchaca̱xama, Pa Cori Pa Tupanax.

Ore i mexü̃ ga Luca ümatüxü̃ 22:44

Rü yema nax poraãcü nanaxĩ̱xãchiãẽxü̃ ga Ngechuchu, rü yemaca̱x yexeraãcü nayumüxẽ, rü nanaxaiyaãchi. Rü ñoma nagü waixü̃müanewa ichuruxü̃rüxü̃ nixĩ ga norü aiyacü.

Wiyaegü 131:1

Pa Cori Pa Tupanax, choma rü tama chaugü chicua̱xüxü̃ rü tama chauxetümaxã togüétüwa chaugü chaxǘxẽxẽ. Rü tama naxca̱x chadau i ngẽma taxü̃ i mexü̃gü i taxucürüwa choxü̃́ ngẽxmaxü̃.

Wiyaegü 125:1

Ngẽma Cori ya Tupanaaxü̃́ yaxõgüxü̃ rü yima ma̱xpǘne ya Chióü̃ ya taxúema ixũgachixẽẽnerüxü̃ nixĩgü. Rü guxü̃guma nangẽxmagüecha.

Wiyaegü 107:13

Natürü yema nax ngúxü̃ yangegüxü̃gagu rü düxwa Cori ya Tupanana nacagüe. Rü nüma ga Cori ya Tupana rü yema norü guxchaxü̃wa ínananguxü̃xẽxẽ.

Wiyaegü 134:1

Pa Duü̃xü̃güx i Cori ya Tupanaarü Puracütanüxü̃ Ixĩgüxe ¡rü nüxü̃ picua̱xüü̃gü i guxãma i pemax i chütacü napatawa nax pengẽxmagüxü̃!

Wiyaegü 133:1

Dücax, poraãcü namexẽchi i ngẽxguma ngẽma Tupanaarü duü̃xü̃gü rü aixcüma wüxigu nügü nangechaü̃gügu.

Wiyaegü 132:1

Pa Cori Pa Acóbuarü Tupana ya Poraxüchicüx ¡nüxna nacua̱xãchi ya Dabí rü norü oegaãxẽ naxca̱x ga guma cupata! ¡Rü nüxna nacua̱xãchi ga yema norü uneta ga cumaxã nüxü̃ yaxuxü̃ ga yexguma ñaxgu:

Wiyaegü 127:1

Rü ngẽxguma chi tama Tupanaarü ngü̃xẽẽmaxã yixĩxgu nax naxüxü̃ ya wüxi ya ĩpata rü natüca̱xmamare chi nixĩ i nawa napuracüexü̃ i ngẽma norü üruü̃gü. Rü ngẽxguma chi nüma ya Cori tama nüxna nada̱u̱xgu ya wüxi ya ĩane rü natüca̱xmamare chi nixĩ i nüxna nadaugüxü̃ i ngẽma norü dauruü̃gü.

Wiyaegü 124:1

Rü yexguma chi Cori ya Tupana tama tüxü̃ ípoxü̃gu rü tórü uanügü rü chi tüxü̃ nadai, rü name nixĩ i ngẽma ñapegürügü, Pa Iraétanüxü̃x.

Wiyaegü 122:1

Rü chataãxẽ i ngẽxguma choxü̃ nangĩxãgügu nax Cori ya Tupanapatawa taxĩxü̃.

Wiyaegü 121:1

Rü ngẽxguma ma̱xpǘnegu chadawenügu rü chaugüna chaca rü ñachagürü: —¿Ngextá tá nixĩ i ne naxũxü̃ i chorü ngü̃xẽxẽ? —ñachagürü.

Wiyaegü 102:2

¡Rü taxṹ i cha̱u̱xcha̱xwa iquicúxü̃ i ngẽxguma guxchaxü̃wa changẽxmagu! ¡Rü choxü̃́ nüxü̃ naxĩnü i chorü yumüxẽ! ¡Rü paxa choxü̃ nangãxü̃ i ngẽxguma cuxna chacagügu!

Wiyaegü 129:1

Rü ñu̱xma i Iraéane rü ñanagürü: —Choma rü muxü̃ma ga ngúxü̃wa chaxüpetü noxritama changextü̱xügu.

Wiyaegü 128:1

Rü cutaãxẽ i cumax erü nüxü̃ quicua̱xüxü̃ ya Cori ya Tupana rü naga cuxĩnü

Wiyaegü 126:1

Rü yexguma Tupana Chióü̃ca̱x tüxü̃ woeguxẽẽgu rü taxca̱x rü ixanegüexü̃rüü̃mare nixĩ.

Wiyaegü 123:1

Pa Cori Pa Tupana ya Dauxü̃wa Ngẽxmacüx, cuxca̱x chadaunagü nax cumaxã chidexaxü̃ca̱x.

1 Chamué 1:20

Rü yemaca̱x ga Ána rü ixãxacü. Rü yexguma nawa nanguxgu ga nax nabuxü̃ ga gumá ngĩne, rü inaxüéga rü Chamué nixĩ ga naéga yerü Tupanana naxca̱x ica. Rü ngẽma naéga rü “naxca̱x ínacacü”, ñaxü̃chiga nixĩ.

1 Chamué 1:27

Rü nüxü̃ chaca̱a̱xü̃ nax choxna namuaxü̃ca̱x ya daa chaune, rü nüma rü marü choxü̃ nangãxü̃ ga yema naxca̱x íchaca̱xaxü̃.

Wiyaegü 50:23

Rü yíxema moxẽ choxna ãxe rü choxü̃ ticua̱xüxü̃. Rü choma rü tá tüxü̃ chamaxẽxẽ ya yíxema aixcüma chauga ĩnüxẽ —ñanagürü ya Tupana.

Yoná 2:3

Rü yéa már ímátamaxü̃wa choxü̃ cutáe, rü yema dexáarü poraxü̃chíüxü̃gu changu. Rü gumá yuape ga taxüchicü ga icunaxüxẽẽcü rü chauétügu niñaxü̃chíü.