Wiyaegü 12:6 - Tupanaarü Ore

⁶ Rü ngẽma Cori ya Tupanaarü ore rü aixcüma nixĩ. Rü norü unetagü rü ñoma diẽrumü i 7 e̱xpü̱xcüna ornuwa iguxü̃rüxü̃ nixĩ nax nataxuxü̃ma i norü ãũãchixü̃.

Wiyaegü 12:6 Referans Kwoze

Ucu̱xẽgüchiga 30:5

Nüma ya Cori ya Tupana rü tüxü̃ ínapoxü̃ ya yíxema nüxü̃́ yaxõgüxe. Rü guxü̃ma i norü unetagü rü aixcüma nixĩ, rü name nax nüxna rüyoexü̃.

Wiyaegü 18:30

Rü ngẽma Tupanaarü ĩnü rü guxü̃wama name. Rü ngẽma norü uneta rü name nax yaxõxü̃. Rü nüma ya Tupana rü tüxna nadau ya yíxema nüxü̃́ yaxõgüxe.

2 Chamué 22:31

Rü ngẽma Tupana nagu rüxĩnüxü̃ rü aixcüma name. Rü ngẽma Coriarü uneta rü name nax yaxõxü̃. Rü nüma ya Tupana rü tüxna nadau ya guxãma ya yíxema nüxü̃́ yaxõgüxe.

Wiyaegü 19:8

Rü Cori ya Tupanaarü ucu̱xẽgü rü aixcüma niwe̱x, rü taãxẽ tüxna naxã. Rü Cori ya Tupanaarü mugü rü taxuwama nachixe, rü cua̱x tüxna naxã.

Wiyaegü 66:10

Pa Tupanax, cuma rü poraãcü toxü̃ cuxü. Rü ngẽmaãcü toxü̃ cumexẽxẽ ñoma diẽrumü üxüwa imexẽẽxü̃rüxü̃.

Wiyaegü 119:140

Rü choma nax curü duü̃xü̃ chixĩxü̃ rü marü meama chanangugü i ngẽma curü mugü nax taxuwama nachixexü̃ rü ngẽmaca̱x nüxü̃ changechaü̃.

Ínachoxü̃xü̃chiga 3:7

Natürü nüma ga Cori ya Tupana rü ñanagürüama nüxü̃: —Meaxü̃chima nüxü̃ chadau nax ñuxãcü ngúxü̃ yangegüxü̃ i ngẽma chorü duü̃xü̃gü i Equítuanewa ngẽxmagüxü̃. Rü norü yumüxẽwa nüxü̃ chaxĩnü nax ñuxãcü norü dauruü̃güxü̃ nax ínaxuaxü̃güxü̃. Rü ngẽmaãcü meama nüxü̃ chacua̱x nax ñuxãcü ngúxü̃ yangegüxü̃.

Ínachoxü̃xü̃chiga 3:8

Rü ngẽmaca̱x nixĩ i ñu̱xma ícharüxĩxü̃ nax Equítuanecüã̱xme̱xẽwa íchananguxü̃xẽẽxü̃ca̱x i ngẽma chorü duü̃xü̃gü. Rü ngẽma naane i nawa tá chanagagüxü̃, rü wüxi i naane i taxü̃ rü mexü̃ nixĩ. Rü ngéma rü meama narüxügü i naguxü̃raü̃xü̃ i nanetügü. Rü õna taguma nataxu. Rü ngẽma naanegu nixĩ i naxãchiü̃güxü̃ i Canaáü̃tanüxü̃ rü Itítanüxü̃, rü Amoréutanüxü̃, rü Ferechéutanüxü̃, rü Ebéutanüxü̃ rü Yebuchéutanüxü̃.

Ínachoxü̃xü̃chiga 6:1

Rü nüma ga Cori ya Tupana rü Moichéxü̃ nangãxü̃, rü ñanagürü: —Ñu̱xma rü tá nüxü̃ cudau i ngẽma Faraóü̃maxã tá chaxüxü̃. Erü cho̱xme̱x ya poranemaxã tá guxchaxü̃ naxca̱x íchananguxẽxẽ. Rü ngẽmaãcüxicatama tá nixĩ i chorü duü̃xü̃güxü̃ yangexü̃. Rü nüma rü tá nuãcü nachixü̃anewa ínanamuxü̃ —ñanagürü ga Tupana.

Yox 20:19

Rü duü̃xẽgü ya ingearü diẽruã̱xgüxe tüxü̃ napuracüexẽxẽ, rü ñu̱xũchi ngéma tüxü̃ nawogümare. Rü ĩpatagü ya tama nüma ínaxüxü̃ne rü noxrüxü̃ nayaxĩgüxẽxẽ.

Yox 28:1

Rü Yox rü ñanagürü: —Nangẽxma i nachicagü i ngextá nayaxuxü̃ i diẽrumü. Rü ngẽxgumarüxü̃ ta nangẽxma i nachicagü i nawa úiruchara imuxraxü̃.

Wiyaegü 9:13

Pa Corix, ¡cuxü̃́ changechaü̃tümüxü̃! ¡Rü dücax, nüxü̃ nadau i ñuxãcü chanaxĩ̱xãchiãẽxü̃ erü choxü̃ nima̱xgüchaü̃ i ngẽma chauxchi aiexü̃! ¡Rü nawa choxü̃ ínanguxuchixẽxẽ i ngẽma yu!

Wiyaegü 76:10

Rü ngẽma norü nu i ngẽma cumaxã rüxuanügüxü̃ rü curü cua̱xüxü̃ruxü̃ tá nayanguxuchi. Rü woo ngẽxguma íxrarüwa nanuegu rü curü nga̱xcueruxü̃ nayanguxuchi i ngẽma.

Ichaía 14:22

Rü Cori ya Tupana ya Guxãétüwa Ngẽxmacü rü namaxã nanaxuegu rü ñanagürü: —Choma rü tá ichanaxügü nax chanadaixü̃ i ngẽma Babiróniacüã̱x. Rü noxtacüma tá chayanaxoxẽxẽ i naéga i Babirónia wüxigu namaxã i ngéma nawa yaxǘgüxü̃ i duü̃xü̃gü rü ñu̱xũchi nanegü rü nataagü i Babiróniacüã̱x.

Ichaía 33:10

Rü nüma ya Cori ya Tupana rü ñanagürü: —Ñu̱xma rü tá chayanguxẽxẽ i ngẽma nüxü̃ chixuxü̃ rü tá ichanawe̱x i chorü pora.