Wiyaegü 12:5 - Tupanaarü Ore

⁵ Natürü nüma ya Cori ya Tupana rü ñanagürü: —Choma rü tá tümaétüwa chachogü rü tá tüxü̃ charüngü̃xẽxẽ ya yíxema ngearü diẽruã̱xgüxe rü turaexe rü chixri tümamaxã inacua̱xgüxe. Erü ngẽma nixĩ i tanaxwa̱xegüxü̃ ya yíxema ngúxü̃ ingegüxe —ñanagürü.

Wiyaegü 12:5 Referans Kwoze

Wiyaegü 34:6

Rü daa yatü ya taxuxü̃ma ixĩcü rü Cori ya Tupanana naca, rü nüma nüxü̃ naxĩnü rü ínananguxuchixẽxẽ nawa ga guxü̃ma ga norü oegaãẽgü.

Ucu̱xẽgüchiga 14:31

Tupanaaxü̃́ nangu̱x i ngẽxguma texé wüxi i ngearü diẽruã́xẽmaxã chixri icua̱xgu. Natürü Tupana rü tümamaxã nataãxẽ ya yíxema ngearü diẽruã́xẽmaxã mea icuáxe.

Popera ga Chantiágu ümatüxü̃ 5:4

Rü pema rü tama nüxü̃́ ngĩxü̃ pexütanü ga yema diẽru ga ngĩxca̱x napuracüecü ga perü puracütanüxü̃. Rü ngẽmaca̱x i ngẽma perü puracütanüxü̃ rü ngĩxca̱x nidexagü ga yema diẽru ga tama nüxna ngĩxü̃ pexãcü. Rü nüma ya Cori ya Tupana ya Guxü̃étüwa Ngẽxmacü rü marü ngẽma duü̃xü̃güxü̃ naxĩnü nax ngĩxca̱x yadexagüxü̃ ga yema diẽru ga nüxü̃́ ngĩxü̃ pengetanücü.

Ichaía 33:10

Rü nüma ya Cori ya Tupana rü ñanagürü: —Ñu̱xma rü tá chayanguxẽxẽ i ngẽma nüxü̃ chixuxü̃ rü tá ichanawe̱x i chorü pora.

Yox 5:15

Rü yíxema ngearü diẽruã̱xgüxe rü Cori ya Tupana tüxü̃ narüngü̃xẽxẽ rü tüxü̃ ínapoxü̃ naxme̱xwa i ngẽma diẽruã̱xü̃chixü̃ i chixri tümamaxã icuáxü̃.

Wiyaegü 10:12

¡Inachi Pa Cori Pa Tupanax, rü napoxcu i ngẽma chixexü̃ üxü̃! ¡Rü taxṹ i tüxü̃ curüngü̃maxü̃ ya yíxema naxĩ̱xãchiãẽgüxe!

Yox 5:21

Rü woo chixexü̃ cumaxã yaxugüegu rü nüma rü tá cuxna nadau. Rü taxũtáma cumuü̃ ega ngẽxguma guxchaxü̃ cuxca̱x ínguxgu.

Ichaía 19:20

Rü ngẽma rü wüxi i cua̱xruxü̃ tá nixĩ nax ngẽmawa duü̃xü̃gü nüxü̃ nacua̱xgüxü̃ca̱x nax Equítuanewa Cori ya Tupanaxü̃ yacua̱xüü̃güxü̃. Rü ngẽxguma ngẽma Equítuanecüã̱xgü rü Cori ya Tupanana nacagügu nax ngẽma duü̃xü̃gü i chixri namaxã chopetüxü̃me̱xẽwa ínanguxü̃xẽẽãxü̃ca̱x, rü nüma ya Cori ya Tupana rü tá natanüwa nanamu i wüxi i norü ngü̃xẽẽruxü̃ nax ínapoxü̃ãxü̃ca̱x rü ínanguxü̃xẽẽãxü̃ca̱x naxme̱xwa i norü uanügü.

Echequié 18:18

Natürü ya yima nanatü rü norü chixexü̃gügagu tátama nayu erü nachixecüma rü nangĩ̱x rü chixexü̃ naxü i natanüxü̃tanüwa.

Ngu̱xẽẽtaeruü̃arü ore 5:8

¡Taxũtáma cubaixãchi i ngẽxguma nüxü̃ cuda̱u̱xgu nax to i nachixü̃anegüwa rü ãẽ̱xgacügü chixri namaxã inacua̱xgüxü̃ i ngẽma norü duü̃xü̃gü i ngearü diẽruã̱xgüxü̃. Rü ngẽma ãẽ̱xgacügü i guxchaxü̃arü mexẽẽruü̃gü rü diẽruca̱x tama tüxü̃ nangü̃xẽẽgüxü̃ ya yíxema ngearü diẽruã̱xgüxe! Erü wüxichigü i ngẽma ãẽ̱xgacügü rü natüxü̃wa nangẽxma i to i ãẽ̱xgacü i naétüwa ngẽxmaxü̃, rü ngẽma ãẽ̱xgacü i naétüwa ngẽxmaxü̃ rü to i ãẽ̱xgacütüü̃wa nangẽxma, rü guxü̃ma i ngẽma ãẽ̱xgacügü rü nügü ínapoxü̃gü.

Ngu̱xẽẽtaeruü̃arü ore 4:1

Rü yemawena rü nüxü̃ chadau nax ñoma i naanewa naxrüxü̃ i duü̃xẽgümaxã chixri icua̱xgüxü̃. Rü tüxü̃ chadau nax taxauxexü̃ ga guxema duü̃xẽgü ga chixri tümamaxã inacua̱xgüxe, rü taxúema tüxü̃ rüngü̃xẽẽxü̃ nax tataãẽgüxü̃ca̱x. Rü ngẽma duü̃xü̃gü i chixri tümamaxã icua̱xgüxü̃ rü poraãcü chixri tümamaxã nachopetü rü taxúema texé tüxü̃ tarüngü̃xẽxẽ.

Wiyaegü 10:18

¡Rü ẽcü tümaétüwa nachogü ya yíxema taxcutagü rü yíxema togüme̱xẽwa ngẽxmagüxe rü chixri tümamaxã inacua̱xgüxe! Rü ngẽma yatü i waixü̃müwa cuxüxü̃, rü tama tanaxwa̱xe nax wena muü̃ ínanguxẽẽxü̃.

Wiyaegü 10:5

Rü ngẽma naxüxü̃wa rü guxü̃guma mea nüxü̃́ ínanguxuchi. Rü nüma rü nüxü̃ naxo i curü mugü, Pa Tupanax. Rü nagu naxĩnügu rü tagutáma cunapoxcu. Rü norü uanügüxü̃ nacugü, rü nagu narüxĩnü nax taxúetama nüxü̃ rüporamaexü̃ rü tagutáma guxchaxü̃ nüxü̃́ ngẽxmaxü̃.

Ãẽ̱xgacügü ga guxchaxü̃güarü mexẽxẽruü̃gü 10:16

Rü nüma ga Iraétanüxü̃ rü nüxna nixĩgachi ga yema togü ga nachixü̃anegüarü tupananetagü rü wenaxarü Cori ga Tupanaxü̃ nicua̱xüü̃gü. Rü nüma ga Cori ya Tupana rü marü tama yáxna namaxã naxĩnü nax poraãcü ngúxü̃ yangegüxü̃ ga Iraétanüxü̃, rü wenaxarü nüxü̃ narüngü̃xẽxẽ.

Ínachoxü̃xü̃chiga 5:2

Natürü ga nüma ga Faraóü̃ rü nanangãxü̃, rü ñanagürü: —¿Texé tixĩ ya yíxema “Cori”, ixĩxẽ, rü ta̱xacüca̱x tá naga chaxĩnü rü chayange̱xgü i ngẽma Iraétanüxü̃ i duü̃xü̃gü? Choma rü tama nüxü̃ chacua̱x i ngẽma Tupana i nachiga pidexagüxü̃ rü taxũtáma chayange̱xgü i ngẽma Iraétanüxü̃ —ñanagürü.

Wiyaegü 31:19

Pa Tupanax, cuma rü icunawe̱x nax poraãcü tümamaxã cumecümaxü̃ ya yíxema cuga ĩnüexe. ¡Rü duü̃xü̃güpe̱xewa inawe̱x nax tüxü̃ ícupoxü̃xü̃ ya yíxema cuxca̱x ĩxe nax cuxü̃tagu tarücu̱xgüxü̃ca̱x!

Wiyaegü 73:8

Rü duü̃xü̃güxü̃ nacugüe rü tümagu nidauxcüraxü̃gü rü chixexü̃ tümamaxã nixugüe. Rü chixexü̃maxã rü ma̱xmaxã duü̃xü̃güxü̃ naxãxũnegü. Rü nügü yacua̱xüü̃güãcüma nidexagü.

Ucu̱xẽgüchiga 18:21

Yimá tórü conü nüxü̃ ixuxü̃ i oregagu nixĩ nax imaxẽxü̃ rüe̱xna iyuexü̃. Rü yíxema idexaxüchixe rü tümaarü oregagu ngúxü̃ tinge.

Ochéa 7:16

Rü tama cha̱u̱xca̱x naxĩ rü ñoma würa ya wü̃xü̃nerüxü̃ nixĩgü. Rü naxchicüna̱xãgüca̱xama nawoegu nax nüxü̃ yacua̱xüü̃güxü̃ca̱x. Rü ngẽma norü ãẽ̱xgacügü rü nügü nicua̱xüü̃gü rü nügü ínarüporae, natürü daigu tá nayuemare. Rü ngẽxguma i ngẽma Equítuanecüã̱xgü rü tá nüxü̃ nacugüe —ñanagürü ya Tupana.