Wiyaegü 119:2 - Tupanaarü Ore

² Rü tataãẽgü ya yíxema naga ĩnüexe i norü mugü rü guxü̃ i tümaarü maxü̃maxã Tupanaca̱x daugüxe.

Wiyaegü 119:2 Referans Kwoze

Yeremía 29:13

Rü cha̱u̱xca̱x tá pedaugü rü tá choxü̃ ipeyangau erü guxü̃ i perü ngúchaü̃maxã tá cha̱u̱xca̱x pedaugü.

Wiyaegü 119:10

Rü ngẽmaca̱x i choma rü guxü̃ma i chorü maxü̃maxã cuxca̱x chadau. ¡Rü choxna nadau nax tama nüxna chixũgachixü̃ca̱x i curü mugü!

Wenaxarü naxümatü ga Tupanaarü mugü 4:29

Natürü ngẽxguma ngẽma nachixü̃anegüwa pema rü guxü̃ma i perü ngúchaü̃maxã rü guxü̃ma i peãẽmaxã Cori ya perü Tupanaca̱x pewoegugu rü nüxü̃ tá ipeyangaugü.

Ore i mexü̃ ga Cuáü̃ ümatüxü̃ 14:23

Rü Ngechuchu nanangãxü̃, rü ñanagürü: —Yíxema choxü̃ ngechaü̃xe rü naga taxĩnü i ngẽma ore i tümamaxã nüxü̃ chixuxü̃. Rü Chaunatü tá tüxü̃ nangechaü̃. Rü choma rü Chaunatümaxã wüxigu tümaxü̃tawa tá tangexmagü.

Wiyaegü 25:10

Rü nüma ya Tupana rü tüxü̃ nangechaü̃ rü tümamaxã nixaixcüma ya yíxema yanguxẽẽgüxe i ngẽma uneta i namaxã taxügüxü̃ rü naga ĩnüexe i norü mugü.

Echequié 36:27

Rü pewa tá chanamaxẽxẽ ya Chauãxẽ ya Üünecü nax ngẽmaãcü mea peyanguxẽẽxü̃ca̱x i chorü mugü.

Ucu̱xẽgüchiga 23:26

Pa Chaunex, ¡aixcüma chauga naxĩnü rü nagu ixũ i chaucüma!

Wenaxarü naxümatü ga Tupanaarü mugü 6:17

¡Rü aixcüma peyanguxẽxẽ̱x i ngẽma Cori ya perü Tupanaarü mugü rü norü ucu̱xẽgü ga pemaxã nüxü̃ yaxuxü̃!

Norü taxre ga to ga popera ga ãẽ̱xgacügüchiga ümatüxü̃ 31:21

Rü guxü̃ma ga yema puracü ga Tupanapata ga taxü̃neca̱x naxüxü̃ rü Tupanaarü mugü nüxü̃ ixuxü̃ãcüma nanaxü. Rü guxü̃guma Tupanaarü ucu̱xẽca̱x nadau, rü yemaca̱x mea nüxü̃́ ínanguxuchi ga yema puracü.

Nüxíraxü̃xü̃ ga popera ga ãẽ̱xgacügüchiga 2:3

¡Rü Cori ya Tupanaarü mugü rü naga naxĩnü, rü norü ngúchaü̃ naxü! ¡Rü yanguxẽxẽ i guxü̃ma i norü mugü ga Moiché ümatüxü̃ nax ngẽmaãcü mea cuxü̃́ ínanguxuchixü̃ca̱x i guxü̃ma i ta̱xacü icuxüxü̃wa rü mea cuxü̃ nangupetüxü̃ca̱x i ngextá cuma ícuxũxü̃wa!

Wiyaegü 105:45

Rü yemaacü Tupana nüxü̃ narüngü̃xẽxẽ ga yema duü̃xü̃gü yerü nanaxwa̱xe nax nagu namaxẽxü̃ ga norü mugü rü nagu naxĩxü̃ ga norü ngu̱xẽẽtae ga nüma namaxã nüxü̃ yaxuxü̃. Rü name i Cori ya Tupanaxü̃ ticua̱xüü̃gü.

Wenaxarü naxümatü ga Tupanaarü mugü 6:5

¡Rü nüxü̃ pengechaxü̃gü ya perü Tupana i guxü̃ne ya perü maxü̃nemaxã, rü guxü̃ i peãxẽmaxã, rü guxü̃ i perü poramaxã!

Wiyaegü 119:22

¡Rü na̱xcha̱xwa choxü̃ ixũgachixẽxẽ i ngẽma duü̃xü̃gü i chixri chauchiga idexagüxü̃ rü choxü̃ cugüexü̃ nagagu nax curü oregu chamaxü̃xü̃!

Wiyaegü 119:146

Pa Corix, cuxna nixĩ i chaca̱xaxü̃. ¡Rü choxü̃ rüngü̃xẽxẽ nax choxü̃́ natauxchaxü̃ca̱x nax chayanguxẽẽxü̃ i curü mugü!

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 22:19

Rü ngẽmaca̱x i ñu̱xmax rü name nixĩ nax aixcüma Tupanaca̱x pedaugüxü̃. ¡Rü penaxü̱x ya yima Tupanapata ya taxü̃ne nax ngéma penangexü̃ca̱x i ngẽma baú i Tupanaarü mugü nagu nuxü̃, rü ngéma yima Tupanapata ya taxü̃ne i tá pexüxü̃newa penanaxü̃ca̱x i ngẽma nawechigü i üünegüxü̃! —ñanagürü ga Dabí.

Wiyaegü 119:17

Rü choma nax curü duü̃xü̃ chixĩxü̃ ¡rü choxna nadau nax tama chayuxü̃ca̱x rü ngẽmaãcü naga chaxĩnüxü̃ca̱x i curü ore!

Wiyaegü 119:33

Pa Corix ¡choxü̃ nangu̱xẽxẽ i curü mugü nax nagu chixũxü̃ca̱x ñu̱xmatáta ngẽmagu chayumare!

Wiyaegü 119:34

¡Rü cua̱x choxna naxã nax ngẽmaãcü tama nüxü̃ charüngümaxü̃ca̱x i curü mugü! Rü aixcümaxü̃chi guxü̃gutáma naga chaxĩnüchaü̃.

Wiyaegü 119:57

Rü cumax, Pa Corix, nixĩ i chorü Tupana quixĩxü̃. Rü choma rü marü cumaxã nüxü̃ chixu nax nagu tá chamaxü̃xü̃ i ngẽma curü ore.

Wiyaegü 119:69

Rü ngẽma duü̃xü̃gü i nügü icua̱xüü̃güxü̃, rü natüca̱xmamare choxü̃ nixugüe. Natürü i chomax rü guxü̃guma chayanguxẽxẽ i ngẽma curü mugü.

Wiyaegü 119:88

¡Rü curü ngechaü̃gagu choxü̃ namaxẽxẽ! Rü tá chayanguxẽxẽ i ngẽma curü mugü i cua̱xwa íchoxü̃xü̃. -12-

Wiyaegü 119:101

Rü guxü̃ma i chixexü̃güna chixũgachi nax ngẽmaãcü naga chaxĩnüxü̃ca̱x i curü ore.

Wiyaegü 119:115

¡Rü choxna pixĩgachi, Pa Chixexü̃arü Üruxü̃güx! Erü choma rü chayanguxẽẽchaü̃ i chorü Tupanaarü mugü.