Wiyaegü 119:102 - Tupanaarü Ore

¹⁰² Natürü tama nüxna chixũgachi i ngẽma curü mugü erü cuma nixĩ i choxü̃ cuxucu̱xẽxü̃.

Wiyaegü 119:102 Referans Kwoze

Wiyaegü 18:21

Yerü choma rü nagu chixũ i ngẽma Cori naxwa̱xexü̃. Rü taguma chixexü̃ chaxü rü taguma nüxü̃ chaxo ya Tupana.

Nüxíraxü̃xü̃ ga popera ga Cuáü̃ ümatüxü̃ 2:27

Natürü Cristu rü marü pexna nanamu i Naãxẽ ya Üünexü̃, rü nüma rü pewa namaxü̃. Rü ngẽmaca̱x tama penaxwa̱xe i to i perü ngúexẽẽruxü̃, erü nümatama i Naãxẽ ya Üünexü̃ rü pexü̃ nangúexẽxẽ i guxü̃ma. Rü norü ngu̱xẽẽtae rü aixcüma nixĩ rü tama dora nixĩ. Rü ngẽmaca̱x name nixĩ nax guxü̃guma Cristuaxü̃́ peyaxõgüxü̃, ngẽma Naãxẽ ya Üünexü̃ pexü̃ ngúexẽẽxü̃rüxü̃.

1 Tesalonicenses 2:13

Rü ngẽmaca̱x guxü̃guma Tupanana moxẽ taxã, yerü yexguma noxri nüxü̃ pexĩnüegu ga yema norü ore ga pemaxã nüxü̃ tixuxü̃, rü mea penayauxgü, yerü nüxü̃ pecua̱xgü rü aixcüma Tupanaarü ore nixĩ rü tama duü̃xü̃güarü oremare nixĩ. Rü yema Tupanaarü ore nixĩ ga naxüchicüüxü̃ ga perü maxü̃ i pema nax peyaxõgüxü̃.

Ucu̱xẽgüchiga 5:7

Ngẽmaca̱x, Pa Chaunex, ¡chauga naxĩnü, rü taxṹ i nüxna quixũgachixü̃ i ngẽma cuxü̃ changu̱xẽxẽxü̃!

Nüxíraxü̃xü̃ ga popera ga Cuáü̃ ümatüxü̃ 2:19

Rü ngẽma Cristuarü uanügü rü tatanüwatama nangẽxmagüchire̱x, natürü tama aixcüma tatanüxü̃ nixĩgü, erü ngẽxguma chi tatanüxü̃ yixĩgügu rü tatanügu chitama narücho. Natürü marü tatanüwa ínachoxü̃ nax meama nangóxü̃ca̱x nax tama aixcüma tatanüxü̃ yixĩgüxü̃.

Yeremía 32:40

Rü namaxã tá chanaxü i wüxi i uneta i guxü̃guca̱x ixĩxü̃ rü tagutáma nüxü̃ charüchau nax mexü̃ naxca̱x chaxüxü̃. Rü tá nüxna chanaxã i wüxi i ngúchaü̃ nax choxü̃ yacua̱xüü̃güxü̃ca̱x rü taguma choxna yaxĩgachixü̃ca̱x.

Yox 36:22

¡Rü nagu rüxĩnü nax ñuxãcü guxü̃étüwa nangẽxmaxü̃ ya Tupana! Rü nataxuma i ngu̱xẽẽtaeruxü̃ i namaxã wüxiguxü̃.