Wiyaegü 118:7 - Tupanaarü Ore

⁷ Rü nüma ya Cori ya Tupana rü nachauxü̃tagu, rü nüma nixĩ i choxü̃ nangü̃xẽẽxü̃. Rü tá nüxü̃ chadau nax Tupana nüxü̃ rüporamaexü̃ i ngẽma chauxchi aiexü̃.

Wiyaegü 118:7 Referans Kwoze

Wiyaegü 59:10

Rü cuma nixĩ i chorü Tupana ya choxü̃ ngechaü̃cü. Rü chope̱xegu tá quixũ nax choxü̃ nüxü̃ cudauxẽxẽxü̃ca̱x i ngẽxguma nüxü̃ choxü̃ curüporamaexẽxẽgu i ngẽma chomaxã rüxuanügüxü̃.

Wiyaegü 54:4

Natürü nüma ya Cori ya Tupana rü chorü ngü̃xẽẽruxü̃ nixĩ. Rü nüma nixĩ i choxna nadauxü̃ nax tama chayuxü̃ca̱x.

Wiyaegü 54:7

Rü cuma rü choxü̃ ícunguxuchixẽxẽ nawa i guxü̃ma i chorü guxchaxü̃gü. Rü chauxetümaxã nüxü̃ chadau nax chorü uanügüxü̃ curüporamaexü̃.

Wiyaegü 55:18

Rü woo namu i chorü uanügü i namaxã togü tadaixü̃, rü nüma ya Tupana rü choxü̃ narüporamaexẽxẽ nax tama choxü̃ yama̱xgüxü̃ca̱x i ngẽma chorü uanügü.

Wiyaegü 112:8

Rü nüma ya yimá yatü rü taxuca̱xma norü uanügüxü̃ namuü̃. Rü nüxü̃ nacugüama erü Tupanagu nayaxõ.

Wiyaegü 92:11

Rü tá choxü̃ nüxü̃ cudauxẽxẽ nax poxcu namaxã cuxueguxü̃ i chorü uanügü. Rü choma rü tá nüxü̃ chaxĩnü i norü axu i ngẽma chixri maxẽxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:18

Rü Tupanaãxẽ nüxna nangu ga Amachái ga namaxã icuácü ga yema 30 ga Dabíarü churaragü ga rüporamaegüxü̃, rü ñanagürü: —Pa Dabíx Pa Ichaxí Nanex, toma rü curü ngü̃xẽẽruü̃gü tixĩgü, rü tanaxwa̱xe nax mea cuxü̃́ ínanguxuchixü̃ i guxü̃ma i nagu curüxĩnüxü̃wa. Rü tanaxwa̱xe i mea nüxü̃ naxüpetüxü̃ i guxü̃ma i ngẽma cuwa ügüxü̃, erü yimá curü Tupana cuxü̃ narüngü̃xẽxẽ —ñanagürü. Rü yexguma nüma ga Dabí rü nanade rü norü churaragüeruxü̃ nayaxĩgüxẽxẽ.

Wiyaegü 54:6

Rü choma rü chorü ngúchaü̃maxã tá cuxna chanaxã i chorü ãmare i cuxca̱x chiguxü̃. Rü tá cuxü̃ chicua̱xüxü̃ erü cuma rü cumecümaxü̃chi.

Wiyaegü 59:11

¡Natürü taxṹ i cunada̱i̱xü̃! ¡Rü curü poramaxã namaxã nawoone rü naxãneexẽxẽ nax ngẽmaãcü i chautanüxü̃ tama paxa nüxü̃ iyanangümaexü̃ca̱x i ngẽma cuxüxü̃! Erü cumax, Pa Corix, rü torü poxü̃ruxü̃ quixĩ.

Ichaía 41:13

Erü choma ya Cori nax perü Tupana chixĩxü̃ rü pexme̱xgu chingĩ. Rü marü pemaxã nüxü̃ chixu rü ñachagürü: “¡Taxṹ i pemuü̃exü̃! Erü choma tá pexü̃ charüngü̃xẽxẽxü̃” —ñachagürü.