Wiyaegü 118:6 - Tupanaarü Ore

⁶ Rü nüma ya Cori ya Tupana rü nachauxü̃tagu rü ngẽmaca̱x tama chamuü̃. ¿Rü ñu̱xma rü texé tapora nax ta̱xacürü chixexü̃gu choxü̃ tangu̱xẽẽxü̃?

Wiyaegü 118:6 Referans Kwoze

Popera ga Yudíugü ga yaxõgüxü̃ca̱x ümatüxü̃ 13:6

Rü ngẽmaca̱x tama taxãnee nax ñagüxü̃: “Nüma ya Cori nixĩ ya choxü̃ rüngü̃xẽẽcü. Rü ngẽmaca̱x taxuca̱xma chamuü̃. ¿Rü texé tá ta̱xacürü chixexü̃ cha̱u̱xca̱x ítanguxẽxẽ?” ñagüxü̃.

Romanos 8:31

¿Rü ñuxũ ñagüxü̃ tá i ñu̱xma i ngẽmachiga? Rü ngẽxguma Tupana taétüwa üxgu, ¿rü texé tá nüxü̃ tarüyexera nax chixexü̃ tamaxã taxüxü̃ca̱x?

Wiyaegü 56:4

Rü choma rü Tupanaaxü̃́ chayaxõ rü norü oremaxã chataãxẽ. Rü ngẽma nax nüxü̃́ chayaxõxü̃ rü taxuca̱xma chamuü̃. ¿Rü ta̱xacürü chixexü̃ tá chomaxã naxüxü̃ i ngẽma duü̃xü̃ i yuxwa̱xexü̃?

Wiyaegü 56:11

Rü Tupanaaxü̃́ chayaxõ rü taxuca̱xma chamuü̃. ¿Rü ta̱xacürü chixexü̃ tá chomaxã naxüxü̃ i wüxi i duü̃xü̃?

Wiyaegü 56:9

Rü ngẽxguma curü ngü̃xẽẽca̱x cuxna chacaxgu, Pa Tupanax, rü ngẽma chomaxã rüxuanüã̱xgüxü̃ rü tá cuxcha̱xwa nibuxmü. Rü choma rü meama nüxü̃ chacua̱x nax chauétüwa cuchogüxü̃.

Yeremía 20:11

Natürü i cumax, Pa Corix, Pa Tupanax, rü chauxü̃tawa cungexma ñoma wüxi i churara i poraxüchixü̃rüxü̃. Rü ngẽmaca̱x i ngẽma chowe ingẽxü̃tanüxü̃ rü cuxme̱xgu tá nayi, rü tagutáma choxü̃ narüporamaegü. Rü ngẽma nagu naxĩnüxü̃ rü chixri tá nüxü̃́ ínanguxuchi rü tá naxãnee. Rü ngẽma chixexü̃ i naxügüxü̃ rü tagutáma nüxna inarüxo.

Ichaía 51:12

Rü Tupana rü Yerucharéü̃xü̃ ñanagürü: —Chomatama nixĩ i cuxü̃ chataãẽxẽẽxü̃. ¿Rü texéxü̃ nixĩ i cumuü̃exü̃? ¿Ẽ̱xna yatügüxü̃ i duü̃xü̃gümare ixĩgüxü̃? Natürü nümagü rü ñoma maxẽrüxü̃ nayue.

Wiyaegü 23:4

Rü woo ãũcümaxü̃ i namagüwa chaxüpetügu, rü taxuca̱xma chamuü̃ erü cumax, Pa Cori Pa Tupanax, rü chauxü̃tawa cungexma. Rü yima curü naixmena̱xã ya carnéruarü axü̃tanüruxü̃maxã choxü̃ ícupoxü̃ rü choxü̃ cutaãẽxẽxẽ.

Wiyaegü 46:11

Rü Cori ya Tupana ya Guxãétüwa Ngẽxmacü rü tatanüwa nangẽxma. Rü nümatama i Acóbuarü Tupana nixĩ i tórü poxü̃ruxü̃ yixĩxü̃.

Wiyaegü 146:5

Rü tataãxẽ ya yíxema Acóbuarü Tupanaxü̃tawa nayaxúxe i tümaarü ngü̃xẽxẽ rü nüxü̃́ yaxṍxe ya Cori ya Tupana.

Wiyaegü 46:1

Nüma ya Tupana rü tórü poxü̃ruxü̃ nixĩ rü tórü poraxẽẽruxü̃ nixĩ. Rü nüma rü tüxü̃ narüngü̃xẽxẽ ega guxchaxü̃ taxca̱x ínguxgux.

1 Chamué 17:11

Rü yexguma yema Firitéuarü dexaxü̃ naxĩnüegu ga Chaú rü guxü̃ma ga yema namücügü ga Iraéanecüã̱xgü, rü narümaachitanü rü namuü̃e.

1 Chamué 17:37

Rü gumá Cori ya Tupana ga leóü̃na rü osu i düraxü̃na choxü̃ ípoxü̃cü, rü yimátátama nixĩ i ñaa Firitéume̱xẽwa choxü̃ ípoxü̃cü —ñanagürü. Rü yexguma ga Chaú nanangãxü̃ rü ñanagürü: —¡Ẽcü ngéma naxũ rü Cori ya Tupana cuxü̃ íxümücü! —ñanagürü.

Wiyaegü 56:5

Rü ngẽma chomaxã rüxuanüã̱xgüxü̃, rü guxü̃guma ínayatóxẽxẽ i chorü ore. Rü guxü̃guma nagu narüxĩnüe nax ñuxãcü tá chixexü̃gu choxü̃ nanguxẽxẽxü̃.

Wiyaegü 56:10

Rü choma rü Tupanaaxü̃́ chayaxõ, rü nüxü̃ chicua̱xüxü̃ naxca̱x i norü ore. Rü Coriaxü̃́ chayaxõ rü norü oreca̱x nüxü̃ chicua̱xüxü̃.

Wiyaegü 56:12

Pa Tupanax, choma rü tá chayanguxẽxẽ i ngẽma chorü uneta i cumaxã nüxü̃ chixuxü̃. Rü moxẽ tá cuxna chaxã naxca̱x i guxü̃ma i ngẽma cuxüxü̃.

Wiyaegü 94:16

¿Rü texé tá choxü̃ ítapoxü̃ nüxna i ngẽma chixexü̃gu maxẽxü̃ rü ngẽma chixexü̃arü üruü̃gü?

Wiyaegü 112:8

Rü nüma ya yimá yatü rü taxuca̱xma norü uanügüxü̃ namuü̃. Rü nüxü̃ nacugüama erü Tupanagu nayaxõ.