Wiyaegü 118:26 - Tupanaarü Ore

²⁶ Rü Tupana rü namaxã nataãxẽ ya yimá Coriégagu núma ũcü. Rü toma rü Tupanapatawa mexü̃ pemaxã taxuegu.

Wiyaegü 118:26 Referans Kwoze

Ore i mexü̃ ga Luca ümatüxü̃ 19:38

Rü ñanagürügü: —¡Namecümaxüchi ya daa ãẽ̱xgacü ya Tupanaégagu núma ũcü! ¡Rü pema rü ta, Pa Dauxü̃cüã̱x, rü petaãxẽgü rü nüxü̃ picua̱xüü̃gü ya Tupana! —ñanagürügü.

Ore i mexü̃ ga Matéu ümatüxü̃ 21:9

Rü yema duü̃xü̃gü ga nape̱xegu ĩxü̃, rü yema wixweama ãgüxü̃, rü tagaãcü ñanagürügü: —¡Namaxü̃ ya daa Dabítaxa! ¡Rü namecümaxüchi ya daa Tupanaégagu núma ũcü! ¡Rü pema rü ta, Pa Dauxü̃cüã̱x, rü nüxü̃ picua̱xüü̃gü ya Tupana! —ñanagürügü.

Ore i mexü̃ ga Cuáü̃ ümatüxü̃ 12:13

Rü yexguma moruátüta nadaü̃gü rü yemamaxã Ngechuchuxü̃ nayatüxgütanüãchi. Rü tagaãcü ñanagürügü: —¡Namaxü̃! ¡Namecümaxüchi ya daa Tupanaégagu núma ũcü! ¡Namecümaxüchi ya daa Iraétanüxü̃arü Ãẽ̱xgacü! —ñanagürügü.

Ore i mexü̃ ga Matéu ümatüxü̃ 23:39

Rü pemaxã nüxü̃ chixu rü taxũtáma wena choxü̃ pedau ñu̱xmatáta daxũguxü̃ i naanewa ne chaxũ. Rü ngẽxguma rü tá choxü̃ pedaugü rü tá ñaperügügü: “Namexẽchi ya yimá Cori ya Tupana núma namucü”, ñaperügügü tá —ñanagürü ga Ngechuchu.

Ore i mexü̃ ga Luca ümatüxü̃ 13:35

Dücax ya perü ĩane, rü Tupana tá ínanata̱x. Rü pemaxã nüxü̃ chixu rü taxũtáma wena choxü̃ pedau ñu̱xmatáta ngẽma ngunexü̃ i nagu ñapegügüxü̃: “Namexẽchi nixĩ ya yimá Cori ya Tupanaégagu núma ũcü”, ñapegügü —ñanagürü ga Ngechuchu.

Wiyaegü 129:8

Rü ngẽxguma texé nüxü̃ da̱u̱xgu rü taxúematama ñatagürü nüxü̃: —¡Tupana pexü̃ rüngü̃xẽxẽ! ¡Rü Cori ya Tupanaégagu mexü̃ pexü̃ ngupetü! —ñatagürü nüxü̃.

Wiyaegü 134:3

¡Rü nüma ya Cori ya Tupana ya daxũguxü̃ i naane rü ñoma i naanearü üruxü̃, rü yima ma̱xpǘne ya Chióü̃wa cuxca̱x ne nanamu i norü ngü̃xẽxẽ!

Chacaría 4:7

Rü woo ñoma taxü̃ne ya ma̱xpǘnerüxü̃ yixĩxgu i ngẽma guxchaxü̃gü nax tama inaxügüãxü̃ca̱x ya yima Tupanapata, natürü Chorobabépe̱xewa rü tá inayarüxo i ngẽma guxchaxü̃gü ñoma wüxi ya ma̱xpǘne rüdõõchixẽẽxü̃rüxü̃. Rü nümatama ya Chorobabé rü tá nayaxǘcuchi ya yimá nuta ya nawa iyacuácü nax yanguxü̃ca̱x ya yima Tupanapata. Rü ngẽxguma yanguxgu rü nüma i duü̃xü̃gü rü tagaãcü ñanagürügü tá: “Namexẽchi, namexẽchi ya yima Tupanapata!” ñanagürügü tá.