Wiyaegü 118:21 - Tupanaarü Ore

²¹ Pa Corix, moxẽ cuxna chaxã erü choxü̃́ nüxü̃ cuxĩnü i chorü yumüxẽ rü choxü̃ cungãxü̃ga. Erü cuma rü chorü maxẽẽruxü̃ quixĩ.

Wiyaegü 118:21 Referans Kwoze

Wiyaegü 116:1

Cori ya Tupanaxü̃ changechaü̃ erü nüxü̃ naxĩnü i ngẽma chorü yumüxẽ. Rü ñu̱xma nax chamaxü̃xü̃gu rü guxü̃gutáma namaxã chidexa i chorü yumüxẽwa.

Ínachoxü̃xü̃chiga 15:2

Nagu chawiyae ya Cori ya Tupana erü nüma nixĩ i choxü̃ naporaxẽẽxü̃ rü choxü̃ namaxẽẽxü̃. Rü nüma nixĩ i chorü Tupana yixĩxü̃ rü ngẽmaca̱x nüxü̃ chicua̱xüxü̃. Rü nüma rü chaunatüarü Tupana nixĩ, rü ngẽmaca̱x chanataxẽxẽ.

Ichaía 49:8

Rü nüma ya Cori ya Tupana rü ñanagürü ta: —Yexguma nawa nanguxgu ga ngunexü̃ nax chorü ngü̃xẽẽca̱x ípecaxü̃ rü choma rü pexü̃ chanawe̱x nax pexü̃ changechaü̃xü̃. Rü yexguma penaxwa̱xegu nax pexü̃ íchapoxü̃xü̃ rü pexü̃ charüngü̃xẽxẽxü̃. Rü ñu̱xma i choma rü tá pexna chadau nax wüxi i ngü̃xẽxẽ nüxü̃́ pixĩgüxü̃ca̱x i togü i duü̃xü̃gü. Rü ngẽmaca̱x i pemax, Pa Iraétanüxü̃x, rü wena tá nawa pemaxẽ i ngẽma naanegü ga perü uanügü chixexẽẽgüxü̃ rü ngẽmaãcü tá wena penamexẽxẽ i pechixü̃ane.

Ichaía 12:2

Rü Tupana nixĩ ya choxü̃ maxẽẽcü, rü ngẽmaca̱x nüxna charüyoe rü taxuca̱xma tü̱xcüü̃ chamuü̃. Rü nüma ya Cori ya Tupana nixĩ i chorü cu̱xchicaxü̃ rü chorü poraxẽẽruxü̃. Rü nüma nixĩ i chorü maxẽẽruxü̃ —ñacurügü tá.

Wiyaegü 118:14

Rü ngẽmaca̱x chorü wiyaemaxã Cori ya Tupanaxü̃ chicua̱xüxü̃ erü nüma nixĩ i choxü̃ naporaxẽẽxü̃. Rü nüma nixĩ i choxü̃ namaxẽẽxü̃.