Wiyaegü 118:17 - Tupanaarü Ore

¹⁷ Rü ñu̱xma rü taxũtáma paxa chayu. Rü tá chamaxü̃ nax ngẽmaãcü nüxü̃ chixuxü̃ca̱x i guxü̃ma i ta̱xacü i naxüxü̃ ya Cori ya Tupana.

Wiyaegü 118:17 Referans Kwoze

Ore i mexü̃ ga Cuáü̃ ümatüxü̃ 11:4

Rü yexguma yema orexü̃ naxĩnügu ga Ngechuchu, rü ñanagürü: —Ngẽma da̱xawe rü taxũtáma yumaxã inayacua̱x. Natürü nida̱xawe nax duü̃xü̃gü nüxü̃ nadaugüxü̃ca̱x nax aixcüma naporaxü̃ ya Tupana rü aixcüma choma i Nane rü ta nax chaporaxü̃ —ñanagürü.

Wiyaegü 73:28

Natürü i chomax rü yexeraãcü tá cuxna changaixcama. Erü ngẽma nixĩ i cha̱u̱xca̱x rümemaexü̃. Rü cumax, Pa Cori Pa Tupanax, rü chorü poxü̃ruxü̃ quixĩ. Rü ngẽmaca̱x tá nüxü̃ chixuchiga i guxü̃ma i ngẽma cha̱u̱xca̱x cuxüxü̃.

Wiyaegü 6:5

Erü yíxema yuxe rü marü taxucürüwa cuxna tacua̱xãchi. ¿Rü texé tá cuxü̃ ticua̱xüxüxü̃ ega tümamaxü̃wa tangexmagu?

Abacú 1:12

Dücax, Pa Corix, Pa Chorü Tupanax ¿tama ẽ̱xna i cuma i guxü̃guma cungexmaechaxü̃? Erü cuma rü üünecü rü taguma yucü quixĩ. Pa Corix, Pa Chorü Poxü̃ruxü̃x, cuma nixĩ i pora nüxna cuxãxü̃ i ngẽma Cadéugü nax nawa cuyanguxẽẽxü̃ca̱x i ngẽma poxcu i tomaxã cuxueguxü̃.

Wiyaegü 145:4

Rü papagü rü naxacügüwa tá nanangúexẽẽgü nax cuxü̃ yacua̱xüü̃güxü̃ naxca̱x i ngẽma cuxüxü̃. Rü tá nüxü̃ nixugügü i ngẽma mexü̃gü i curü poramaxã cuxüxü̃.

Wiyaegü 107:22

Rü name nixĩ i nüxü̃ picua̱xüü̃güãcüma moxẽ nüxna pexãgü rü taãẽãcü nüxü̃ pixugüchiga i ngẽma mexü̃gü i naxüxü̃.

Wiyaegü 40:10

Rü tama chaugügu chayacu̱x nax quixaixcümaxü̃ rü namexü̃ i ngẽma cuxüxü̃. Rü marü namaxã nüxü̃ chixu nax cuma yixĩxü̃ i toxü̃ cumaxẽxẽẽxü̃ rü aixcüma cuyanguxẽẽxü̃ i ngẽma nüxü̃ quixuxü̃. Rü ngẽmaãcü tama ichayacu̱x nax nüxü̃ chixuxü̃ nax cuma rü ixaixcümacü quixĩxü̃ rü cuxü̃́ tangechaü̃tümüxü̃güxü̃.

Wiyaegü 40:5

Pa Cori Pa Chorü Tupanax, namuxũchima nixĩ ga yema mexü̃gü ga curü poramaxã cuxüxü̃. Rü namuxũchi ga yema mexü̃gü ga toxca̱x cuxüxü̃. Rü yema nax namuxũchixü̃, rü ngẽmaca̱x taxucürüwama nüxü̃ chixu i guxü̃ma ga yema mexü̃gü ga toxca̱x cuxüxü̃.

Yeremía 51:10

Rü nüma ya Cori ya Tupana rü marü taétüwa nachogü. ¡Ngĩxã Chióü̃wa taxĩ nax ngẽma duü̃xü̃gümaxã nüxü̃ ixuxü̃ca̱x i ngẽma taxca̱x naxüxü̃ ya tórü Cori ya Tupana!

Wiyaegü 119:13

Rü cha̱u̱a̱xmaxã tá nüxü̃ chixu i guxü̃ma i ngẽma curü mugü i nüxü̃ quixuxü̃.