Wiyaegü 118:13 - Tupanaarü Ore

¹³ Rü norü numaxã cha̱u̱xca̱x nibuxmü nax choxü̃ yama̱xgüxü̃ca̱x, natürü nüma ya Cori ya Tupana rü choxü̃ ínapoxü̃.

Wiyaegü 118:13 Referans Kwoze

Wiyaegü 140:4

Pa Corix ¡choxna nadau naxcha̱xwa i ngẽma chixexü̃gu maxẽxü̃ i duü̃xü̃gü! ¡Rü choxü̃ ínapoxü̃ nüxna i ngẽma máxwa̱xegüxü̃ rü naxca̱x daugüxü̃ nax ñuxãcü tá chixexü̃gu choxü̃ nangu̱xẽẽgüxü̃!

Wiyaegü 86:17

¡Rü choxü̃ rüngü̃xẽxẽ! ¡Rü choxna naxã i wüxi i cua̱xruxü̃ nax ngẽmawa nangóxü̃ca̱x nax chomaxã cumecümaxü̃ rü ngẽma chauxchi aiexü̃ naxãneexü̃ca̱x i ngẽxguma nüxü̃ nadaugügu! Erü cumax, Pa Corix, rü guxü̃guma choxü̃ curüngü̃xẽxẽ rü choxü̃ cutaãẽxẽxẽ.

Miquéa 7:8

Pa Chorü Uanüx ¡taxṹ i cutaãxẽxü̃ nax guxchaxü̃ choxü̃ ngupetüxü̃! Erü woo ichayanguxgu, natürü wena táxarü ícharüdaama. Rü woo ẽanexü̃wa changexmagu i ñu̱xmax, rü nümatama ya Cori ya Tupana rü chorü omü nixĩ.

1 Chamué 25:29

Rü ngẽxguma curü uanü cuwe ingẽchigügu rü cuxü̃ yamáxchaü̃gu rü Cori ya Tupana tá cuxna nadau nax taxuxü̃táma cuxü̃ üpetüxü̃. Rü ngẽma curü uanügü rü Tupana tá yea nanawogü ñoma wüxi i nutaxacü i wüxi i maxgütaeruü̃maxã yea imaxü̃xü̃rüxü̃.

Popera ga Yudíugü ga yaxõgüxü̃ca̱x ümatüxü̃ 2:14

Rü nüma ga Ngechuchu rü woo Tupana nax yixĩxü̃ natürü duü̃xü̃rüxü̃ãcü ñoma ga naanewa naxũ nax taxrüxü̃ naxãmachixü̃ca̱x rü naxãgüxü̃ca̱x nax tachicüxü nayuxü̃ca̱x rü yemaacü yanaxoxẽẽãxü̃ca̱x ga Chatanáarü pora ga namaxã tüxü̃ iyanatauxẽẽchaü̃xü̃.

1 Chamué 20:3

Natürü ga Dabí rü nüxü̃ nixuchigüama rü ñanagürü: —Curü papa rü meama nüxü̃ tacua̱x nax cuma rü choxü̃ cungechaü̃xü̃ rü ngẽmaca̱x nixĩ i tama cumaxã nüxü̃ tixuxchaü̃xü̃ erü chi tümamaxã cunu. Natürü Cori ya Tupanaégagu rü cuégagutama cumaxã nüxü̃ chixu nax marü choxü̃ yangaicaxü̃ nax chayuxü̃ —ñanagürü.

Wiyaegü 129:2

Rü aixcüma muxü̃ma ga ngúxü̃wa chaxüpetü noxritama changextü̱xügu, natürü taxuxü̃ma choxü̃ narüporamae i chorü uanügü.