Wiyaegü 112:7 - Tupanaarü Ore

⁷ Rü nüma rü taxuca̱xma naxca̱x naba̱i̱xãchi i ta̱xacürü chixexü̃ i ore i nachiga i nüxü̃ naxĩnüxü̃, erü nüxü̃ nacua̱x nax Tupana aixcüma nüxna dauxü̃.

Wiyaegü 112:7 Referans Kwoze

Wiyaegü 57:7

Pa Chorü Tupanax, choma rü aixcüma cuxü̃́ chayaxõ rü nüxü̃ chacua̱x nax cuma rü aixcüma tá choxü̃ ícupoxü̃xü̃. Rü ñu̱xma rü íchame nax chorü wiyaemaxã cuxü̃ chicua̱xüxü̃xü̃.

Ucu̱xẽgüchiga 1:33

Natürü yíxema chauga ĩnüxe rü taãẽgu tá ítamaxü̃, rü taxuca̱xma ta̱xacürü ãũcümaxü̃ca̱x tamuü̃ —ñanagürü i ngẽma cua̱x.

Wiyaegü 118:6

Rü nüma ya Cori ya Tupana rü nachauxü̃tagu rü ngẽmaca̱x tama chamuü̃. ¿Rü ñu̱xma rü texé tapora nax ta̱xacürü chixexü̃gu choxü̃ tangu̱xẽẽxü̃?

Ore i mexü̃ ga Cuáü̃ ümatüxü̃ 14:1

Rü Ngechuchu rü ñanagürü: —¡Taxṹ i penaxĩ̱xãchiãẽgüxü̃ i pemax! ¡Tupanaaxü̃́ peyaxõgü rü choxü̃́ rü ta peyaxõgü!

Wiyaegü 64:10

Rü yimá yatü ya mexü̃gu maxü̃cü rü Cori ya Tupanamaxã tá nataãxẽ rü tá naxca̱x nixũ nax ínapoxü̃ãxü̃ca̱x. Rü guxü̃ma i duü̃xü̃gü i mexü̃gu rüxĩnüexü̃ rü tá nataãxẽgü.

Wiyaegü 34:4

Rü Cori ya Tupanana chaca rü nüma rü choxü̃ nangãxü̃, rü choxü̃ ínanguxuchixẽxẽ nawa i guxü̃ma i chorü oegaãẽgü.

Danié 3:16

Rü yexguma ga yema tomaepü̱x ga ngextü̱xüxü̃gü rü nanangãxü̃gagü rü ñanagürügü: —Pa Ãẽ̱xgacüx, rü taxuca̱xma tü̱xcüü̃ yigü naxca̱x tachoxü̃gagü i ngẽma.

Wiyaegü 62:8

Pa Chorü Duü̃xü̃güx ¡guxü̃guma nüxü̃́ peyaxõgü ya Tupana! ¡Rü perü yumüxẽwa namaxã nüxü̃ pixu i perü guxchaxü̃gü! Erü nüma nixĩ i aixcüma tórü ngü̃xẽẽruxü̃ i tórü cu̱xchicaxü̃ yixĩxü̃.

Ngechuchuarü ngúexü̃gü ga yamugüxü̃arü puracüchiga 27:25

Rü ngẽmaca̱x, Pa Chomücügüx, ¡rü petaãẽgü! erü choma rü aixcüma Tupanaaxü̃́ chayaxõ, rü aixcüma tá nixĩ i ngẽmaãcü tá nangupetüxü̃ ngẽxgumarüxü̃ i ngẽma daxũcüã̱x chomaxã nüxü̃ ixuxü̃.

Ore i mexü̃ ga Luca ümatüxü̃ 21:9

Rü ngẽxguma tá nüxü̃ pexĩnüegu nax nügü nada̱i̱xü̃ i wüxi i nachixü̃ane to i nachixü̃anemaxã, rüe̱xna nüxü̃ pexĩnüegu nax wüxi i nachixü̃anewatama rü duü̃xü̃gü rü norü ãẽ̱xgacümaxã nügü nada̱i̱xü̃, ¡rü taxũtáma peba̱i̱xãchie! Erü ngẽmaãcü tá nangupetü i noxrix. Natürü taxũta naanearü gu̱x nixĩ i ngẽma.

Ore i mexü̃ ga Luca ümatüxü̃ 21:19

Rü ngẽxguma aixcüma peyaxõgüamagu rü tama choxü̃ ípeta̱xgu, rü tá penayauxgü i maxü̃ i taguma gúxü̃.

Ngechuchuarü ngúexü̃gü ga yamugüxü̃arü puracüchiga 21:13

Natürü nüma ga Pauru rü toxü̃ nangãxü̃ rü ñanagürü: —¿Tü̱xcüü̃ pexauxe rü choxü̃ pengechaü̃xẽxẽ? Choma rü íchamemare nax chinaíxü̃. Rü íchamemare ta nax Yerucharéü̃gu chayuxü̃ naxca̱x ya Cori ya Ngechuchu —ñanagürü.

Ngechuchuarü ngúexü̃gü ga yamugüxü̃arü puracüchiga 20:24

Natürü tama ngẽma ãũcümaxü̃gu charüxĩnü erü nüetama nixĩ ega woo chayu̱xgu. Natürü ngẽma chanaxwa̱xexü̃ nixĩ nax taãẽãcüma chapuracüamaxü̃ nax mea chayanguxẽẽxü̃ca̱x i ngẽma puracü ga tórü Cori ya Ngechuchu choxna ãxü̃ rü nüxü̃ chixuxü̃ca̱x i norü ore i Tupanaarü ngechaxü̃chiga.

Yox 11:15

Rü ngẽxgumarica tá nixĩ i cungearü chixexü̃ãcüma cudaunagüxü̃ rü taãẽãcüma Tupanamaxã quidexaxü̃ rü taxũtáma cumuü̃xü̃.

Wiyaegü 49:6

Rü nümagü rü norü diẽruguama narüxĩnüe rü muxü̃ i norü ngẽmaxü̃gümaxã nügü nicua̱xüü̃gü.