Wiyaegü 112:5 - Tupanaarü Ore

⁵ Rü yimá yatü ya mecümacü rü norü ngẽmaxü̃gümaxã togüxü̃ narüngü̃xẽxẽ. Rü mea namaxã inacua̱x i guxü̃ma i ngẽma nüxü̃́ ngẽxmaxü̃.

Wiyaegü 112:5 Referans Kwoze

Wiyaegü 37:21

Rü ngẽma duü̃xü̃ i chixexü̃ rü ngẽxguma texéxü̃tawa diẽruca̱x ínaca̱xgu rü taguma nanatáeguxẽxẽ. Natürü yimá yatü ya mecü rü nüxü̃́ tangechaü̃tümüxü̃ ya namücü rü norü ngẽmaxü̃gü tümamaxã nangau.

Efesios 5:15

Rü ngẽmaca̱x name nixĩ i pegüna pedaugü rü mea pemaxẽ. ¡Rü taxṹ i ngẽma duü̃xü̃gü i naechitamare maxü̃xü̃ãcü pemaxẽxü̃! Rü name nixĩ i duü̃xü̃gü i mea naãxẽxü̃ cuáxü̃ãcü pemaxẽxü̃.

Ucu̱xẽgüchiga 2:20

Pa Chaunex ¡ngẽma nama i mexü̃wa tüxü̃ gaxü̃gu ixũ! ¡Rü nagu ixũ i ngẽma nacümagü i aixcüma Tupanape̱xewa mexü̃!

Filipenses 1:9

Rü chorü yumüxẽwa naxca̱x íchaca nax yexeraãcü pegü pengechaü̃güxü̃ca̱x nax yexeraãcü Tupanaxü̃ pecuáxü̃ca̱x rü nüma yexeraãcü cua̱x pexna naxãxü̃ nax nüxü̃ pecuáxü̃ca̱x nax mea naxca̱x pemaxẽxü̃.

Ore i mexü̃ ga Cuáü̃ ümatüxü̃ 6:12

Rü yexguma marü mea nachibüegu ga guxü̃ma, rü Ngechuchu norü ngúexü̃güxü̃ namu rü ñanagürü nüxü̃: —¡Penade i ngẽma naxchipe̱xegü i íyaxügüxü̃ nax tama naxaiya̱xü̃xü̃ca̱x! —ñanagürü.

Romanos 12:11

Rü tama name i pexo. Natürü name nixĩ i perü ngúchaü̃maxã penaxü i Cori ya Tupanaarü puracü.

Romanos 5:7

Rü tama natauxcha nax wüxíe rü to i duü̃xü̃ca̱x tayuxü̃, woo wüxi i duü̃xü̃ i mexü̃ca̱x yixĩxgu. Rü woo tangexmagu ya texé ya naxca̱x yuchaü̃chiréxe i wüxi i duü̃xü̃ i aixcüma mexẽchixü̃, natürü tama tüxü̃́ natauxcha i ngẽma.

Ore i mexü̃ ga Luca ümatüxü̃ 23:50

Rü nayexma ga wüxi ga yatü ga Yudéaanewa yexmane ga ĩane ga Arimatéacüã̱x, rü Yúche nixĩ ga naéga. Rü nüma rü natanüxü̃ nixĩ ga yema Yudíugüarü Ãẽ̱xgacügütücumü, natürü tama norü me nixĩ ga yema Ngechuchumaxã naxügüxü̃ ga yema togü ga namücügü ga ãẽ̱xgacügü. Rü nüma rü poraãcü ínanangu̱xẽxẽ nax ínanguxü̃ ga Tupana nax ãẽ̱xgacü yixĩxü̃ca̱x.

Ore i mexü̃ ga Luca ümatüxü̃ 6:35

Natürü i pema rü name nixĩ i nüxü̃ pengechaü̃ i ngẽma pemaxã rüxuanügüxü̃, rü nüxü̃ perüngü̃xẽxẽ. Rü ngẽxguma ta̱xacüca̱x pexna nacaxgu, rü name nixĩ i nüxna penaxã woo ngürüãchi taxũtáma pexü̃́ natáeguxẽẽãgu. Erü ngẽxguma ngẽmaãcü penaxü̱xgu, rü Tupana ya Guxü̃étüwa Ngẽxmacü rü ngẽmaarü yexera tá pexü̃́ nanatáeguxẽxẽ, rü naxacügü tá pixĩgü. Erü nüma rü namaxã rü ta namecüma i ngẽma taguma moxẽ nüxna ãgüxü̃ rü ngẽma chixecümagüxü̃.

Ucu̱xẽgüchiga 17:18

Yíxema tama tümaãẽxü̃ cuáxe rü tü̱xchiama tügü taxã nax nüxü̃ tarüngü̃xẽẽxü̃ca̱x i tümamücü nax to i duü̃xü̃na diẽruca̱x naca̱xaxü̃. Natürü ngẽxguma tümamücü tama natáeguxẽẽãgu i ngẽma diẽru, rü tüxchiama tá tanatáeguxẽxẽ.

Ucu̱xẽgüchiga 12:2

Yimá yatü ya mecümacü, rü Tupana rü namaxã nataãxẽ, natürü yimá yatü ya idorata̱xácü, rü Tupana poxcu namaxã naxuegu.

Colosenses 4:5

¡Rü mea pemaxẽ nape̱xewa i ngẽma duü̃xü̃gü i tama yaxõgüxü̃! ¡Rü ñu̱xma nax pexü̃́ natauxchaxü̃, rü peyoxniẽ nax paxa penaxüxü̃ i Tupanaarü puracü! ¡Rü taxṹ i perüchomarexü̃!

Ngechuchuarü ngúexü̃gü ga yamugüxü̃arü puracüchiga 11:24

Yerü nüma ga Bernabé rü wüxi ga yatü ga mecü nixĩ. Rü aixcüma Tupanaãxẽ ya Üünecü rü nawa nayexma. Rü nüma rü napora ga norü õwa. Rü muxũchixü̃ma ga duü̃xü̃gü rü Cori ya Ngechuchuca̱x naxĩ rü nüxü̃́ nayaxõgü.

Ucu̱xẽgüchiga 24:27

Naxü̃pa nax cuxüpataxü̃ rü name nax cuxüane ngẽxma cutoexü̃ca̱x, rü ngẽmawena rü marü name nax cuxüpataxü̃.

Ucu̱xẽgüchiga 18:9

Rü ngẽma duü̃xü̃gü i oexü̃ rü ngẽma duü̃xü̃gü i chixexü̃ ügüxü̃ rü nügüenexẽ nügü nixĩgüxẽxẽ.

Neemía 4:13

Rü yemaca̱x ga choma rü chanamu ga duü̃xü̃gü nax nügütanüxü̃chigüãcü nügü iyanuxü̃ca̱x ga yema naxtapü̱xpechitagu ga ínanuxchanexü̃wa rü ínaxãxmaxetüchigüxü̃wa, rü taramaxã, rü wocaemaxã, rü würamaxã ixãxnexü̃ nax yemamaxã nügü ínapoxü̃güxü̃ca̱x.